JOHAN 12:2 - Ngawm Bible

² Mahlai ah takeih bawl haw in, Martha in nadeh bawmin, Lazaras cu Jesuh i elah khung hi.

JOHAN 12:2 Iomraidhean Croise

SOLOMON LA 4:16

Sim le zo huih aw, ka dum sung thingthei namtui, Hawhpih hi, nam bingbengin; ka ngaihno dum sung hawhin, Ei hen thingthei ukbelte.

MATTHAI 26:6

Jesuh cu Bethani khua a, phaaknat a thuaktu cu Simon innah umin,

MARKA 14:3

Jesuh cu Bethani khua a, phaaknat a thuaktu Simon innah an a eih laih takin numei pa khatin, alabaster thawl pa khat, a manhak zetmi zimui tui a dimmi cu cawi hi. Mah thawl cu sukehin, zimui tui cu Jesuh i lu ah leih hi.

LUKA 12:37

A bawipa haw a kihleh ten a hakmi le ngallinnak neimi innceng cu itizah takin lungdamhuai him? Thungai in hilh ing. Mansa hilhialin, a um nungten an ei tukin khungtik tuk a, amah hihimin tuamlawm tuk hi.

LUKA 14:12

Jesuh in inntek pa i lakah, “Zingeih hihen, takeih hihen ei ten tukin mi na sam ten na ngualcamte le na unaute ahimata na sangngam mihauzette khi sam pahsun hi. Itahim titale himi ten nangmah khi samleh thei bok haw tuk hi. Na thil bawlmi khi lohleh thei haw tuk hi.

LUKA 22:27

Akua ngeng saw him? A khungin, an eitu maw an piatu? A khungin, an eitu khi ngeng saw ma maw? Mahnaven kei cu noh tei lakah an piatu bangin um ing.

LUKA 5:29

Levi in, a innah an eih khawmnak nase zetin Jesuh minin bawl hi. A sammi lakah siahkhonte le midang tampi tel haw hi.

MANGMUHNAK 3:20

Ngai tehin; kongka bulah dingin kongka kiu ing. Akua hei hihen, ka aw za in, kongka a hon tale, a inn sungah tumin, a lakah an ei tung a, amah vang keimah tuah an ei bok tuk hi.