JOHAN 12:13 - Ngawm Bible

¹³ Mah hangin tumcehte la in, amah muak tukin hawh haw hi. “Pathian cu thangphat un! Topa minin, a hungmi cu Pathian in thupha pia tahen. Pathian in Israel kumpipa cu thupha pia tahen!” tin nging zetin au haw hi.

JOHAN 12:13 Iomraidhean Croise

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

HOSEA 3:5

Mahnaven Israel mite cu Topa Pathian lamah hekkikin, David kumpipa i casuan lakah zuan kikleh haw tuk hi. Mah ni ten Topa cu kihca in, laksawng pha co haw tuk hi.

THIAMPI NADEHNAK 23:40

Mah ni ten na thingngah uh lak pen a phabel le suhsau ceh le a ceh bommi thingkakte la unna, Topa na Pathian uh upatnak puai bawl un hi.

ZEFANIAH 3:15

Topa in, a dantatnak cu cawl zo a, na ngalte vawksak khawng zo hi. Topa, Israel i kumpipa cu na nelah um hi, lauthawng tuk imah umma toh hi.

MATTHAI 23:39

Hilhham ing hi: ‘Topa i minin, a hungmi cu Pathian in thupha pia tahen,’ tin na tih theih laklawh tian cu tu pepan keimah muleh hihim tukma toh uh ci,” tin ti hi.

MATTHAI 27:42

“Midangte cu pan thei naven amah le mah cu pandun thei ma! Israel kumpipa hi ma maw? tu loli in thinglamteh hum pen a tolh tale sang tuk ung hi!

JOHAN 1:49

Nathanel in, “Sazapa, nang cu Pathian Capa hi ci! Israel Kumpi hi ci,” ti hi.

JOHAN 12:14

Lai Thiangtho sungah,

JOHAN 12:15

“Zion khuapi, na thinsu pahsun hi. Na kumpipa hung li hi. Laakno humah khungin hung li hi,” tin a tih haw bangkekin Jesuh cu laakno humah khung hi.

JOHAN 19:15

Amuh ten, “That in! That in! Thinglamteh humah thatin hi,” tin au tawtok haw hi. Pilat in, “Na kumpipa uh hi maw thinglamteh humah ka thah tuk?” tin dong lehleu hi. Thiampi upa ten, “Kohten Rom Kumpi bek nei ung,” tin ti haw hi.

MANGMUHNAK 15:3

Pathian i nadektu Moses le Tuuno i la hi tin sa haw hi. “Topa, Cungnungbel Pathian, na thil bawlmi hi izahta in thasiah huai kaw! Minam hempoh tei kumpi bawi, na lampi cu izahin, a dik le a manmi hi haw him?

MANGMUHNAK 19:16

A puan le a kawngah min a ngat haw mi cu, “Kumpi hempoh lak pen kumpi, Topa hempoh lak pen Topa Bel hi,” tin ngan hi.

MANGMUHNAK 7:9

Mahceng ten ka zo le mipi tamzet mu ing. Kuamah i sialcelh ngawl mipi hi. Amuhte cu mi phunkim, hinnamkim le awn phunkim pen hung mite hi haw in, kumpi khunnak le Tuuno mai ah ding haw; puan ngo silh haw in, a khut hawah suhsau kang cawi tek haw hi.