JOHAN 11:52 - Ngawm Bible

⁵² Judah mitei ca bek hei hi ngawlin Pathian canau a khenkhek hempoh ten munkhatah khoptuahnak tukin, a thihnak hi tuk hi tih thu a hilhhamnak hi.

JOHAN 11:52 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

SAAM LABU 22:15

Ka dang cu beellei bangin ko in, ka lei cu ka dangah kopto hi. Nangin, a thi zo heng sa in, leivul lakah zamthong ci.

SAAM LABU 22:27

Minam hempoh ten, Topa cu theileh haw tuk a, vanhaang nuai hempoh ten a lakah kik haw tuk hi. Miphun hempoh le hinnam hempoh ten amah bia haw tuk hi.

SAAM LABU 72:19

A min sunglawi cu kumkhua in thangphat un; A sunloihnak lei buppi ah dim hen. Amen! Amen!

ISAIAH 49:18

Na elkim a thil a piangte zo hemin! Na mite hung li haw hi. Hung kikleh li haw laih hi. A nungmi Topa keimah in tiam ing: Mo in, a mo vante uangzet a silh bangin, na mite hi na ca in, suan takmi hi haw tuk hi.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 55:5

Atu-in, miphun tampi sam tuk uh ci; A thei awng ngawltu ahi hei in, nangmu lamtang tukin zuan dedeuh haw tuk hi. Israel i Pathian thiangtho, Topa na Pathian uh Keimah in hi bangin cangtik tung. Upatnak le sunloihnak pia tung,” ti hi.

ISAIAH 56:8

Saltannak pen a mihingte suahtu Topa Pathian in ama mite tuah khawmdun tukin le miphun dang pui tukin thutiam hi.

ISAIAH 60:4

Na elkim cuan inna, zo in! Na mite a pin tukin tawkdun khawm li haw hi. Na capate ngam khua lapi pen pinin, Na canute cu nauno bangin pua haw tuk hi.

EZEKIEL 34:12

Tuucingin, a vakvaimi tuute cu komno zo in, a pui khawm bangin bawlbok tung hi. Khuathim le siatlalnak ni-in, khen khek khawngin, a umnak mun haw tihkim pen pui kikleh khawm tung.

HOSEA 1:10

Israel miphun cu tuipi mawk a philnel zahin pungleh tuk hi, teh celh ngawl le sialcelh ngawlin tam haw tuk hi. Atu-in, Pathian in, “Israel cu ka miphun khaleh haw ma toh,” ti hi. Mahnaven, nohte cu a nungmi Pathian i cate hi uh ci a tih ni cu hengleh tuk hi.

LUKA 15:8

Jesuh in, “Mah ahimata, numei pa khatin, tangka cang sawm nei in, mah sung pen cang khat a pai ahin, ihim a bawl tuk? Mei inn vakin, a inn cu buak phiah tuah phiatin, a muhleh laklawh cu ningnawi hempoh phet khawngin zei tuk hi.

LUKA 2:32

Gentail mitei lakah na lampi langtiktu khuavaknak hi a, na miphun Israel tei lakah sunloihnak hengtiktu hi,” tin Pathian pahcawi hi.

JOHAN 1:12

Mi khenkhat ten sangin a up haw hangin Pathian cate hih theihnak thupia hi.

JOHAN 1:29

A zingten Johan in, Jesuh a lakah a hun lih laih cu mu in, “Leihum sualnak a hawhpihtu Pathian Tuuno khi zo un!

JOHAN 10:16

Hi tuuhon sungah a tel kha ngawlmi tuu dang hei nei ing. Amuhte vang hunpih hihim bok tung hi. Ka aw ngai haw tuk a, tuucing pa khat i angsungah tuuhon khat suak haw tuk hi.

JOHAN 12:32

Lei pen khaitohin ka um ten mi hempoh ka lakah pui khawng tung,” ti hi.

NUNGZUITU 18:10

Nangma lakah um ing. Kuamah in haksatnak pia thei haw tukma hi, itahim titale hi khuasung a, mi tampi cu ka mihingte haw hi,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 3:29

Mah ma tale Pathian hi Judah mite bek i Pathian maw? Gentail mitei Pathian bokma maw? Hi zuh hi, Gentail tei Pathian hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 4:17

Lai Thiangtho vangin, “Nangmah cu miphun tampi tei pa in bawl zo ing,” ti hi. Mah hangin mah thutepnak cu Abraham i upmi Pathian mai ah a khomi thutepnak hi. Abraham i upmi Pathian cu mithi a nungtiktu le a thu in, a piang ngawlte piangtik theitu Pathian hi.

EFESA 1:5

Pathian in Jesuh Khrih sung pen a cate hi tukin tumtah zo hi. Mahmi cu a lungdammi le a tuptahmi hi.

EFESA 3:11

Mahmi cu a kumkhua in tuptahnak a neih bang bokin Pathian in bawlin a Topa uh Khrih Jesuh sung pen bawlsuak hi.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

1 JOHAN 3:10

Pathian cate le Satan cate a dangdunnakbel cu hi bangin hi; a dikmi a bawl ngawltu le a unau a it ngawltu cu Pathian cate kha ma hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.