JOHAN 10:6 - Ngawm Bible

⁶ Jesuh in tehkipnak tuah thuhilh li naven itih nuamnak him tih thei baan haw ma hi.

JOHAN 10:6 Iomraidhean Croise

SAAM LABU 106:7

A pu le pa tei Izipt ngam a um haw lai in, Pathian i nalamdang bawl mite theithei haw ma hi A itnak langtik leleng naven cin, phawkngil lelem haw. Tuipi san a hen haw ten, Cungnungbel Topa cu langpang haw hi.

SAAM LABU 82:5

Imah thei ngawl leita uh ci! Sil thei lawlawm uh ci! Khuathim sung a ngamtat haw sia khawng zo hi. Thudik tihmi leihum pen pai zo hi.

THUPAUCAP 28:5

Mi suaksual ten thudik hi iti bang him tih thei haw ma hi. Mahnaven Pathian a biatu ten a ciangno in thei haw hi.

ISAIAH 56:11

A hampumdan haw cu khamtih nei ngawl uico bang thong haw hi. Theihtupnak nei ngawl hotu hi haw hi. A venghawng haw in amu deihmi bek bawlin, amu metnak tuk bek zei haw hi.

DANIEL 12:10

Mi tampi cu thiantiknak ngah haw tuk hi. Mipha ngawl ten thei zo haw tukma, pha ngawl pepel haw tuk a, micipte bekin thei zo haw tuk hi.

MATTHAI 13:34

Jesuh in hitih bang thute hi mipi lakah a hilh ten tehkipnak mangmek hi. Tehkipnak mang ngawlin amuh tei lakah imah hilh awng ma hi.

MATTHAI 13:51

Mipite cu Jesuh in, “Hi thu hempoh hi theithei uh cim?” tin dong hi. Amuh ten, “Thei ung,” tin don haw hi.

MARKA 4:34

Tehkipnak tel ngawlin thu hilh awng ma hi. Mahnaven a nungzuitute tuah amuh bek a um haw ten ihempoh hilhciang khawng hi.

JOHAN 16:25

“Tuni tianin santehnak tuah ngehin hilh ing. Mahnaven ka Pa i thu cu santehnak tel ngawlin ciangkohin ka son hun heng tuk hi.

JOHAN 16:29

A nungzuitu ten, “Atu-in santehnak tel ngawlin ciang zetin hilh ci.

JOHAN 6:52

Hi thu in Judah tei sungah thinuk zetin thu elnak piang pantik hi. “Hi pa in, iti bangin kaw a taksa cu eih tukin ohte a piak thei tuk?” tin ti haw hi.

JOHAN 6:60

Hi thu cu a nungzuitu ten a zak haw ten, “A thuzilhnak haksa leita cu akua in pom thei tuk him?” tin ti haw hi.

JOHAN 7:36

“Keimah zei tuk nave uhcin tawk tukma uh ci. Ka umnak tuk munah nohte hawh kha thei tukma uh ci,” ti hi. “A sullam i nantim?” tin ti haw hi.

JOHAN 8:27

Jesuh i a pa i thu a hilhmite cu amuh ten thei zo haw ma hi.

JOHAN 8:43

Ita ka hilhmi thu hi thei zo ma uh cim? Ka thu phuanmi na ngaih uh ngawl hangin hi.

1 KORIN 2:14

Hawvang mi ngawl ten Pathian Hawvang lak pen a hungmi laksawng cu co thei haw ma hi. A thei vang theithei haw ma hi; itahim titale mah laksawng tei manneih dante cu hawvang lungmu bekin a theihtheih hangin amuh tei ca in imah ngawl thong hi.

2 PETER 2:22

Hitih bangin amu humah a piangmi in, “Uico in, a luak eileh kik,” tih le, “Vok cu somciang nung hei ten cinciak sungah bualleh kik hi,” tihmi awnkam tehkipnak hi thuman hi tihmi langtik hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.