JOHAN 10:3 - Ngawm Bible

³ Kongka cingtu in kongka cu honin, tuu ten a aw khi za haw hi. A tuu cu amu min tek tuah samin pualamah tulpih hi.

JOHAN 10:3 Iomraidhean Croise

SAAM LABU 80:1

Maw Israel tuucing, ngai hemin; Maw tuuhon hotu bangin Josef a puitu thei hemin! Cherubim hum kumpi khunnakah a khungtu aw,

SUAHTULNAK 33:17

Topa in Moses lakah, “Na ngetmi bangin bawl tung; itahim titale ka theih zetmi hi ci a, na humah ka lungdamzet,” ti hi.

THUPAUCAP 27:23

Na tuuhon phano in tuamlawm inna, na khuihon vang cingcai in zo in hi.

SOLOMON LA 8:13

Dum sung khungleng ngaihno, na zei aw ung cu maw; Cam lual ten thei bok hen; kei hei na than bokin hi.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

ISAIAH 42:16

“Ka mihing mitcawte pui tung; A hawh awng ngawlnak haw lampi pen a khuathim haw cu, khuavakin thek tung; A mai haw a ngam bingbote cu momtik tung. Hite hi bawl loli tung hi.

JOHAN 10:14

Tuucing pha cu keimah ing. Pa khi ka theih bangin Pa hei in keimah thei bok hi. Mahti bang bokin ka tuu ten keimah thei haw a, keimah hei in ka tuute thei bok ing. Mah hangin amu ca tukin ka nunnak pia ngam ing.

JOHAN 10:16

Hi tuuhon sungah a tel kha ngawlmi tuu dang hei nei ing. Amuhte vang hunpih hihim bok tung hi. Ka aw ngai haw tuk a, tuucing pa khat i angsungah tuuhon khat suak haw tuk hi.

JOHAN 10:4

A venghawngin, a kaih suah ceng ten a mailamah hawhhamin, tuu ten a aw a zak haw hangin a nungzui haw hi.

JOHAN 10:9

Kei cu kongka tumnak ing. Keimah tawnin, a hawhtu pawpoh cu nunpatnak ngah tuk hi. Tumtuak, tultuakin hamhing dimdem mu haw tuk hi.

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

JOHAN 6:45

Profet tei laibu sungah, ‘Mi hempoh cu Pathian in hilh tuk laih hi,’ tin um hi. Pa i thu zain, a zuitu cu keima lakah hung haw hi.

ROM Khua Khristian Tei Lakah Paul i Laikuat (Paul’s Letter to the Romans) 8:30

Mah hangin Pathian i a dangno in, a koihsa mite cu sam vang sam hi. Mahten a sammite cu thiancotikin, a sunlawinak vang cu pia bok hi.

1 KORIN 16:9

Langpangtu tampi um haw naven hilai ah a nemcuammi nadeh dek theihnak hunpha um hi.

FILIPI 4:3

Mahten nang, muantak, ka nadehpih, hi numei pa nihte hi keimah tuah nadek langkhat mite haw a hih hangin na bop tuk vang deih bok ing. Clement le Pathian i nunnak laibu sung a min khummi ka nadeh pih hempoh tuah Thuthangpha zaitik tuk keimah tuah nase zetin nadektu hi haw hi.

KOLOSE 4:3

Mahtin na nget uhten Khrih i thu-ip phuan theihnak hunpha cu Pathian lak pen a ngah theihnak tuk uhin keimu ca vangin thunget sak bok un hi. Atu thawnginn sung ka umnak hei hi, mah thu ka phuannak hangin hi.

2 TIMOTE 2:19

Mahnaven Pathian sungah khim zetin, a mut ngah zomi a zung uh cu, hin theih ma hi. Mah a zung humah, “Topa in, a ma mite cu akua zong haw him tih thei hi,” tih le “Topa ta hi ing tih a theitu ten phat ngawlnak pen pial haw tuk hi,” tin nganmi um hi.

1 PETER 1:12

Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

1 JOHAN 4:6

Mahnaven ohte cu Pathian ta hung hi. Pathian a theitu hempohin eimu thu ngai haw hi. Pathian ta ahi ngawlmi in eimu thu ngai haw ma hi. Mahten a dikmi Hawvang le a dik ngawlmi hawvang deidatnak cu mu thei hung hi.

3 JOHAN 1:14

Zinleh paih tukin ngaisung ing, mahten cangcian zetin hilhleh tung hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.

MANGMUHNAK 3:20

Ngai tehin; kongka bulah dingin kongka kiu ing. Akua hei hihen, ka aw za in, kongka a hon tale, a inn sungah tumin, a lakah an ei tung a, amah vang keimah tuah an ei bok tuk hi.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.