JOHAN 10:28 - Ngawm Bible

²⁸ Kumkhua nunnak pia ing a, ituk mahten thileh haw tukma toh hi. Amuh vang ka kut sung pen kuamah in lonsak thei haw tukma hi.

JOHAN 10:28 Iomraidhean Croise

JOB Laibu (The Book of Job) 17:9

Upat takmi ing tin, a ngaisungdun cop ten, dik ung hi tin muangdun sesem haw hi.

SAAM LABU 31:5

Ka nunnak cu na khut sungah koih ing. Topa aw, nangmah in kei hup zalin; Nang cu muantak Pathian hi ci.

SAAM LABU 37:28

Itahim titale Topa in, a thudik deihin, amah a muangtute cu nunghek ma hi. Amuhte cu kumkhua in hup hi. Mahnaven mipha ngawl tei canaute cu lalthong haw tuk hi.

THUPAUCAP 24:16

Itahim titale mifel cu vei salih tiang a lum vangin tholeh tuk hi. Mahnaven mipha ngawl cu siatnakin siatsuah tuk hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

ISAIAH 27:3

“Ka sabit huan cu keimah in cingin tui leih leleng ing. Kuamah i siatsuah tuk ngawlin a sun le zan cing ing.

ISAIAH 45:17

Mahnaven Israel cu Pathian in hup zo hi, A mi nehnak cu kumkhua phat hi. A mihingte cu mualpho awng haw tukma hi.

ISAIAH 54:17

Mahnaven iti bang zahin, bawlmi hiamnam hei in hihen, tong kha baan tukma hi. Sual a nawntu awnkam hempoh cu donleh cikcek thei khawng tuk ci. Keima nadektute cu pan tung a, nehnak pia tung tin, Topa in ti zo toh hi.”

ISAIAH 55:3

“Ka mihingte, ngai unna, ka lakah hung un; ka lakah hung unna, nunnak ngah tuk uh ci. Nangmuh tuah kumkhua a kho mi thutiam bawl tung a, David lakah ka tepmi thupha cu pia tung.

JEREMIAH 23:4

A muhte cingkhawitu tukin hotu koih tung hi. Ka mite cu launak le lungapnak tuah umleh haw tukma toh, bawl vang bawlsialeh tukma toh ing. Keimah, Topa in, hilh zo ing,” ti hi.

JEREMIAH 31:3

lam khawla pi pen amu lakah lang ing. Israel mite, ka ihzet sa mi hi uh ci, na hum uhah itnak cu a tawp ngawlin nei tung.

JEREMIAH 31:34

Kua ma mah Topa thei tukin zilhdun kulleh haw tukma toh. Itakaw titale a ngeng le neu tih um ngawl, a venghawng haw in thei khawng haw tuk hi. A sualnak haw ngaidam tung, a mawhnak haw cing leng tuk mang. Keimah, Topa in hilh zo ing,” tin ti.

JEREMIAH 32:40

Amuh tuah kumkhua ca in thutepnak bawl tung. Amu ca thilpha bawl cu cawl thong tuk mang. A lungmu hempoh haw tuah keimah a kihcaknak haw tukin, bawl tung, mahten ka nel pen pialleh haw tukma toh.

MARKA 13:22

Itahim titale Khrih man ngawl le profet man ngawl tampi piang haw tuk hi. Pathian i tensate nangawn zol theih tawp zol tukin thasiahhuai nalamdang tampi bawl haw tuk hi.

LUKA 23:46

Hi thu um dante a mutu ngalkap bawi pa khatin, Pathian thangphat thahin, “Hi pa hi mipha hihim hi” tin ti hi.

JOHAN 10:29

‘Ka pa in, keimah a piakmi cu ihempoh sangin ngeng saw,’ a hih hangin ka Pa i cinkhawinak sung pen kuamah in lonsak thei haw tukma hi.

JOHAN 11:25

Jesuh in Martha lakah, “Kei cu thawhlehnak le nunnak ing hi. Keimah a umtu cu a thi hei in, nungleh tuk hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 17:2

Capa i lakah na piakmi mihing hempoh tei lakah kumkhua nunnak a piak theihnak tukin leihum hinnam hempoh tei humah thuneihnak pia zo ci.

JOHAN 18:9

Hi tin, a tihnak cu, “Pa aw, ka khut sung a, na piakmi cu pa khatno hei ka paihtikmi umma hi,” a tihmi kimtiknak tukin hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

JOHAN 6:47

Thutakin hilh ing. Amah umtu in kumkhua nunnak nei hi.

JOHAN 6:68

Simon Peter in, “Topa a koi lakah kaw ka hawh cuang tuk uh? Nang cu kumkhua nunnak thuneitu hi toh sisi?

NUNGZUITU 7:59

Suang tuah a seh lih haw laihin, Stefen in, Topa samin, “Topa, Jesuh, ka Hawvang la zazalin hi!” tin au hi.

ROM Khua Khristian Tei Lakah Paul i Laikuat (Paul’s Letter to the Romans) 5:17

Adam i sualnak hangin thihnakin mi uk hi tihmi cu thuman hi. Mahnaven Jesuh Khrih hangin mi pa khat i dehnakin itihzah phatnak ngeng sesem him a umtik! Pathian hehpihnak cangkim a ngahtu le Amah tuah lemnak laksawng a cotu hempoh cu Khrih i hangin a nunsung nehtu hi haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 5:2

Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:21

Mah hangin sualnakin thihnak tuah mi a uk bangin Pathian i hehpihnakin dikcangnak tuah mihingte uk bok hi; mahten, a Topa uh Jesuh Khrih i hangin kumkhua nunnak sungah pui hi.

ROM Khua Khristian Tei Lakah Paul i Laikuat (Paul’s Letter to the Romans) 5:9

A thisan hangin ohte cu Pathian tuah lemdun zo in, itih zahin kaw Pathian i thinuknak pen amah in, a pat suak sesem tuk!

ROM Khua Khristian Tei Lakah Paul i Laikuat (Paul’s Letter to the Romans) 6:23

Itahim titale sualnak i thaman cu thihnak hi; mahnaven Pathian i laksawng cu a Topa uh Jesuh Khrih tuah a pehzopnak uh hangin kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 8:1

Atu-in Khrih Jesuh tuah a pehdun mitei ca in sual thukhennak pen luat zo haw toh hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

DAAN PIAKLEHNAK 33:3

Topa in, a mihingte cu it in, ama sung a, a umte humhim hi. Mah hangin a kebulah kunin, a thupiakmi ngai ung hi.

FILIPI 1:6

Mah hangin nangmu sung a nadeh pha a pantu Pathian in, Khrih Jesuh i Ni a hen laklawh tian nangmuh tei humah dek suak tuk hi tin muang ing.

2 THESALON 2:13

Topa i ihmi u le naute aw, nangmuhte hangin Pathian thangphat leleng tuk ung hi. Itahim titale Hawvang huham thawm tuah Pathian i mi thiangtho a cangtik tukin le thutak na muannak uh hangin nunpatnak ngah tukin Pathian i ten masabelmi hi uh ci.

1 TIMOTE 1:16

Mahnaven Pathian in ka humah hehpihnak nei hi. Mahtibang a neihnak cu tunung lam ten Khrih Jesuh cu umin, kumkhua nunnak a ngahtu tuk tei ca in zohtehtak hi tukin misual hempoh lak pen misualbel keimah lakah a langtik zo hangin hi.

2 TIMOTE 1:12

Hi bangin ka thuaknak cu mahmi hangin hi. Mahnaven ka muansanmi akua him tih ka theih hangin lungmuannak a dimin nei ing. Mah hangin ka khut sungah a keptikmi cu mah ni khua a hen tianin himdamno in, amah in cingkhawi tuk hi tih cangcian zetin thei ing.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 JOHAN 1:2

Hi nunnak cu muhtheihin, a cansuak ten oh ten mu hung hi. Mah hangin mah thu cu nangmuh tei lakah son ung a, Pa tuah a ummi kumkhua nunnak, keimu tei lakah a theihtikmi Thu khi nangmu lakah hilh ung hi.

1 JOHAN 2:19

Hite hi eimu mi ngangai a hih haw ngawl hangin taisan haw hi. Eimu sung a telmi tatak ahi haw tale pawlkom leleng haw tuk hi. Hitih bangin a tul sannak haw cu a muhte eimu pawl sung a, mihing ngangai hi haw ma hi tih langtik hi.

1 JOHAN 2:25

Mah kumkhua nunnak cu Khrih amah loli i thutiammi hi.

1 JOHAN 5:11

Mahten a theihtikmi cu hitih bangin hi. Pathian in kumkhua nunnak cu pia zo in, mah nunnak cu a Capa i sungah um hi.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

JUDE 1:21

a Topa uh Jesuh Khrih in, a hehpihnak tuah kumkhua nunnak a piak tuk ni na ngah uh laihin, Pathian i itnak sungah kho leleng un hi.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

1 SAMUEL 2:9

“A mi thiangtho tei ke kal cingkhawi hi. Mahnaven mipha ngawlte khuathim lakah pailal hawta hi. Mihing tei cahnak bek tuah lawhtinnak umma hi.