JOHAN 10:20 - Ngawm Bible

²⁰ Mi tampi ten, “A sungah khawhuai umin, sil zo hi, ita a thu ngai li uh kam?” tin ti haw hi.

JOHAN 10:20 Iomraidhean Croise

ISAIAH 53:8

Amah cu man haw, thah tukin a thukhen haw hi. A thih tuk hei cu kuamah in poi sa kha haw ma. Eimuh, mihing tei sualnak hangin thihnak tawk hi.

JEREMIAH 29:26

“Topa in Zehoiada ai-in thiampi in bawl zo toh, atu-in Biakinn sungah bawibelin cang zo toh ci. Mah hangin misil hi na pi in, profet a dekdun cawmtu misil hempoh cu a ngawng hawah thik taicin vawh khawngin hi; mahmi cu nadeh tuk na dehvo hi.

MATTHAI 10:25

Mah hangin tawngta pa khat cu a zilhtu pa tuah a bangve haw ahin, a lungkim tukmi hi poh hi, sila pa vang a bawipa a bangbok tale, a lungkim bok tuk poh hi. Innkua a lupibel cu khawhuai bawi Beelzabul tin sammi ahi tale innkua sung um midangte cu mah sangin minsia saw deuhin sam hi haw tuk hi.

MATTHAI 11:18

Johan i hun ten an cangin, sabittui vangin ngawlin a um ten mi hempohin, ‘A sungah khawhuai tum hi,’ tin ti haw hi.

MATTHAI 9:34

Mahnaven Farasi ten, “Khawhuai hawlvawk theihnak huham cu khawhuai bawi in, a lakah pia hi,” tin ti haw hi.

MARKA 3:21

Mah thu cu a innkua pih ten a zak haw ten, “Jesuh a lung-am zo hi,” tin mipi ten a tih si bok haw hangin amah cingkhawi tukin hawh haw hi.

JOHAN 7:20

Mi hempoh ten, “Na sungah khawhuai um hi tuk hei! Akua in kaw nang that tukin a tumtu?” tin don haw hi.

JOHAN 8:52

Judah ten, “Atu-in hawvang sia nei ci tih a ciang zetin thei ung hi. Abraham cu thi zo hi. Profet hempoh vang thi khawng zo haw hi. Mahnaven nangin, ‘Ka thu a zuitute cu ituk mahten thi haw tukma hi,’ tin ti ci.

NUNGZUITU 26:24

Paul in, ama hihnak thu le la a hilh ceng ten Festas in, “Paul, silzet sisi! Na cun tamnakin siltik zo hei!” tin auto hi.