Micip tei awnkam cu tuucing pa in, tuu cinnakah a manmi ngolh hiam bang hi. Thupaucap khawl khawmmi cu khim zetin, khetmi tawngkhen bangin kho leleng hi. A venghawng uh i tuucing ahi mi Pathian i piakmi hi.
Mahnaven a bosa mi hun, Topa nadektu Moses i hun laih phawk kiklehin, “A mihing hotute tuipi pen a nunpantu Topa cu atu ilai ah kaw? Moses lakah ngilnak huham a dang cuampengin, a piatu Topa cu ilai ah kaw?
lemdaihnak henpih tuk hi. Assiria miten a ngam uh do in, a ngalpannak mun uh a hen haw ten amuhte do tukin a puitu uh sung pen mi ngilbelte hah tuk hung.
Ngam uktute thasia le khawngai in kap haw; A sunloihnak haw bo zo hi. Kiosa tei hawk lih cu ngai ten un! Jordan ngun mawk, tupi sung a, innte cu siatsuah khawng zo hi.
A neitu ten tuu cu ngo li haw naven kuamah in dantat haw ma hi. Tuu cik zuak thahin, ‘Topa cu thangphatin um tahen! Hauzet zo hung ngei!’ Tuu neitute hei in, a tuu tei humah hehpihnak nei haw ma ti hi.”
Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;
Tuucing pha cu keimah ing. Pa khi ka theih bangin Pa hei in keimah thei bok hi. Mahti bang bokin ka tuu ten keimah thei haw a, keimah hei in ka tuute thei bok ing. Mah hangin amu ca tukin ka nunnak pia ngam ing.
Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!
Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.
Ka taklam khut a na muhmi aksi salih le sui meivaknak salih tei sullam thu-ip cu hitih bangin hi. Aksi salih cu pawlpi salih tei vancungmite hi haw a, mei vaknak salih cu pawlpi salih hi haw,” ti hi.
