JOHAN 10:16 - Ngawm Bible

¹⁶ Hi tuuhon sungah a tel kha ngawlmi tuu dang hei nei ing. Amuhte vang hunpih hihim bok tung hi. Ka aw ngai haw tuk a, tuucing pa khat i angsungah tuuhon khat suak haw tuk hi.

JOHAN 10:16 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

SAAM LABU 86:9

Na semsuah mi miphun hempoh ten na nelah hungin, lu kun haw tuk hi. Na min cu thangphat haw tuk hi.

THUHILHTU 12:11

Micip tei awnkam cu tuucing pa in, tuu cinnakah a manmi ngolh hiam bang hi. Thupaucap khawl khawmmi cu khim zetin, khetmi tawngkhen bangin kho leleng hi. A venghawng uh i tuucing ahi mi Pathian i piakmi hi.

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

ISAIAH 43:6

Amuhte hah tukin saklam cu hilh tung a, amuh man tuk ngawltohin hanglam cu hilh tung hi. Ngam khawlapi pen ka mihingte kikleh haw hen; Leihum khua hempoh pen pinkik haw hen.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 52:10

Topa in, a huham thiangtho suahin, a mite pan tuk a, lei buppi in mu khawng haw tuk hi.

ISAIAH 56:8

Saltannak pen a mihingte suahtu Topa Pathian in ama mite tuah khawmdun tukin le miphun dang pui tukin thutiam hi.

EZEKIEL 34:12

Tuucingin, a vakvaimi tuute cu komno zo in, a pui khawm bangin bawlbok tung hi. Khuathim le siatlalnak ni-in, khen khek khawngin, a umnak mun haw tihkim pen pui kikleh khawm tung.

EZEKIEL 34:23

Amuh cingtu tukin ka nadektu David bang kumpi pia tung a, cingkhawi tuk hi.

EZEKIEL 34:6

Mah hangin ka tuute cu mual le luamah vakvai khawng haw hi. Leihum khua tihkimah khen khek khawng hi haw in, kuamah in zei ngawlin le puileh tuk a tumtu hei um haw ma.

EZEKIEL 37:22

A ngamsung haw a, Israel mualhumah miphun pa khatin hulawm tung. Amuh uktu tukin kumpi pa khat nei haw tuk a, miphun pa nih hileh ngawltohin, uknak pa nih vang hileh haw tukma toh hi.

EZEKIEL 37:24

Ka nadektu David kumpi bang kumpi cu a kumpi haw hi tuk hi. Uktu bawi pa khat nuai ah khawmdun khawng haw tuk a, ka daan cu komno zui haw tuk hi.

HOSEA 1:10

Israel miphun cu tuipi mawk a philnel zahin pungleh tuk hi, teh celh ngawl le sialcelh ngawlin tam haw tuk hi. Atu-in, Pathian in, “Israel cu ka miphun khaleh haw ma toh,” ti hi. Mahnaven, nohte cu a nungmi Pathian i cate hi uh ci a tih ni cu hengleh tuk hi.

ZEKHARIAH 2:11

Mah ni ten, Topa i nelah miphun tampi hung haw tuk a, ama mihingin cang haw tuk hi. Nangmu lakah um bok tung a, nangmu nel a, hahmi ka hihlam cu thei tuk uh ci.

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

LUKA 15:8

Jesuh in, “Mah ahimata, numei pa khatin, tangka cang sawm nei in, mah sung pen cang khat a pai ahin, ihim a bawl tuk? Mei inn vakin, a inn cu buak phiah tuah phiatin, a muhleh laklawh cu ningnawi hempoh phet khawngin zei tuk hi.

JOHAN 10:11

Kei cu tuucing pha ing. Tuucing pha in, a tuu tei ca in, a nunnak pia ngam hi.

JOHAN 10:2

A kongka pen a tumtu cu a cingkhawitu tuucing hi.

JOHAN 10:27

Ka tuu ten ka aw ngai haw hi, amuh vang thei ing a, amuh hei in keimah zui haw hi.

JOHAN 10:3

Kongka cingtu in kongka cu honin, tuu ten a aw khi za haw hi. A tuu cu amu min tek tuah samin pualamah tulpih hi.

JOHAN 10:4

A venghawngin, a kaih suah ceng ten a mailamah hawhhamin, tuu ten a aw a zak haw hangin a nungzui haw hi.

JOHAN 10:5

Midang cu zui nuam kha haw ma hi. Itahim titale a aw za haw ma,” ti hi.

JOHAN 11:52

Judah mitei ca bek hei hi ngawlin Pathian canau a khenkhek hempoh ten munkhatah khoptuahnak tukin, a thihnak hi tuk hi tih thu a hilhhamnak hi.

JOHAN 17:20

Amuh tei ca bekin thungen hi kha mang hi; a thuhilh haw mi zain keimah a um tuk laih tei ca tianin thungen ing.

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

NUNGZUITU 15:14

Simon in atu a, a hilhmi cu za uh ci! Pathian in Gentail tei ca ngaisungin amu lak pen mi khenkhat cu ama mi hi tukin teng hi, tin hilhciang zo hi.

NUNGZUITU 18:10

Nangma lakah um ing. Kuamah in haksatnak pia thei haw tukma hi, itahim titale hi khuasung a, mi tampi cu ka mihingte haw hi,” ti hi.

NUNGZUITU 22:14

Amah in, ‘A pu le pa tei Pathian in ama deihnak a theitu tukin le a dikcangmi Salpa tukin le ama aw loli zatu tukin teng zo hi.

ROM Khua Khristian Tei Lakah Paul i Laikuat (Paul’s Letter to the Romans) 11:25

U le naute, selkuhmi thutak um hi, na thei uh ahin deih ing. Mahmi na thei uh tale micip ung tin ngaisung tukma uh ci. Itahim titale Israel tei lungkhohnak cu kumkhua in hi tukma hi; Pathian nelah Gentail mi a heng tuk zah a hen haw laih ngawl sungno tuk poh hi.

2 THESALON 2:13

Topa i ihmi u le naute aw, nangmuhte hangin Pathian thangphat leleng tuk ung hi. Itahim titale Hawvang huham thawm tuah Pathian i mi thiangtho a cangtik tukin le thutak na muannak uh hangin nunpatnak ngah tukin Pathian i ten masabelmi hi uh ci.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

1 PETER 2:10

Ni dang laihin Pathian i mihing hi kha ma uh ci, mahnaven atu-in amata hi uh ci; Ni dang laihin Pathian hehpihnak thei ma uh ci; mahnaven atu-in, a hehpihnak co zo uh ci.

1 PETER 2:25

Lampaimi tuu bangin lampai zo uh ci; mahnaven atu-in nangmu hawvang khaltu le cingkhawitu Topa i lakah kihlehtikmi hi zo uh ci.

1 PETER 5:4

Mahten Tuucing Bawibel a lang ten a vaknak a kiam thei awng ngawlmi sunloihnak lukhu sunglawi cu ngah tuk uh ci.

MANGMUHNAK 3:20

Ngai tehin; kongka bulah dingin kongka kiu ing. Akua hei hihen, ka aw za in, kongka a hon tale, a inn sungah tumin, a lakah an ei tung a, amah vang keimah tuah an ei bok tuk hi.