JOHAN 10:14 - Ngawm Bible

^14-15 Tuucing pha cu keimah ing. Pa khi ka theih bangin Pa hei in keimah thei bok hi. Mahti bang bokin ka tuu ten keimah thei haw a, keimah hei in ka tuute thei bok ing. Mah hangin amu ca tukin ka nunnak pia ngam ing.

JOHAN 10:14 Iomraidhean Croise

SAAM LABU 1:6

Topa in, midik tei hawhnak lampi cu cingkhawi leleng hi; mahnaven mipha ngawlte cu bothal haw tuk hi.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

NAHUM 1:7

Topa cu mipha hi. Haksatnak hun ten a mipi tei ca in himnak phabel hi. A nelah humhimnak a zeitu cu hehpihin suahcaknak ngah haw hi.

JOHAN 10:11

Kei cu tuucing pha ing. Tuucing pha in, a tuu tei ca in, a nunnak pia ngam hi.

JOHAN 10:13

Cialcopmi cu cialcop a hih hangin le tuu tei ca a ngaihsut ngawl hangin tai thong hi.

JOHAN 10:27

Ka tuu ten ka aw ngai haw hi, amuh vang thei ing a, amuh hei in keimah zui haw hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

EFESA 1:17

Mahten a Topa uh Jesuh Khrih i Pathian a sunglawimi a Pa uhin, nangmu lakah Hawvang pia zazal tukin ngen ing. Mah Hawvangin theiciangtik tuk a, Pathian cu nangmu lakah langtik bok tuk hi. Mahten Pathian cu thei tuk uh ci.

EFESA 3:19

A itnak cu cangkim zetin theih khawng cu um awng tukma naven theileh leng tuk poh uh ci. Mahten a cangkimmi Pathian a hihnak tuah na nunnak uh cu dim zal tahen.

FILIPI 3:8

Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

2 TIMOTE 1:12

Hi bangin ka thuaknak cu mahmi hangin hi. Mahnaven ka muansanmi akua him tih ka theih hangin lungmuannak a dimin nei ing. Mah hangin ka khut sungah a keptikmi cu mah ni khua a hen tianin himdamno in, amah in cingkhawi tuk hi tih cangcian zetin thei ing.

2 TIMOTE 2:19

Mahnaven Pathian sungah khim zetin, a mut ngah zomi a zung uh cu, hin theih ma hi. Mah a zung humah, “Topa in, a ma mite cu akua zong haw him tih thei hi,” tih le “Topa ta hi ing tih a theitu ten phat ngawlnak pen pial haw tuk hi,” tin nganmi um hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 2:13

Na umnak mun cu thei ing: Satan in, a kumpi khunnak a koihnak mun hi. Ka ca in muantak zetin nung ci; Satan umnak munah muantakmi ka thu theihpihtu Antipas a thah laih haw hei in, ka hum a, upnak na neihmi kiam cuang ma ci.

MANGMUHNAK 2:19

Na nadehmi thei ing. Itnak na neihzia, muantak na hih zia, na nadeh zia le thinsaunak na neih dante thei khawng ing. Amasa sangin atu-in, tam saw in dek ci tihvang thei ing.

MANGMUHNAK 2:2

Na nadehnak thei ing; teima zetin, na nadehdan le thinsau zetin, na um zia thei ing. Mahten mipha ngawl tei humah thincom ngawl a na um zia, le nungzuitu hi ngawl napi nungzuitu hi ung titu khi dongkanin zolthuson a hihnak haw na muh khawngnak thute thei khawng ing hi.

MANGMUHNAK 2:9

Haksatnak na thuak thei ing. Mi ca-ngah na hihlam vang thei ing; mahnaven a ngangai in mihau hi ci. Judah mi hi ung ti haw naven ahi ngangai ngawl tei a sonsiatnak haw vang thei ing. Amuh cu Satan tahaw hi.

MANGMUHNAK 3:1

“Sardis pawlpi i vancungmi lakah hi bangin nganin hi: “Pathian i hawvang salih le aksi salih neitu i thucahmi cu hi bangin hi. Na nadehmi thei ing, a nungmi pawlpi tin na minthangzet naven a thi na hihlam thei ing.

MANGMUHNAK 3:15

Na nadehmi thei ing. Dap le dap sih ngawl, sa le sa sih ngawl na hihlam thei ing. Na dap tale dap vanglak inna, na sa tale sa vanglakin tih deih ing.

MANGMUHNAK 3:8

Na nadehmi thei ing. Na zaangtha dawm tihvang thei ing. Mahnaven ka thuzilhmi zui in muantakin um ci. Na mai ah kongka hong ing a, kuamah in khak thei haw tukma hi.