JOHAN 10:12 - Ngawm Bible

¹² Cialcop tuucing pa cu tuucing ngangai a hih ngawl hangin le a neitu ngai a hih ngawl hangin cingnete hung li amuh ten tuute zamsanin tai masabel hi. Mah hangin cingne ten tuu cu manin hilkek khawng haw hi.

JOHAN 10:12 Iomraidhean Croise

MATTHAI 10:16

“Ngai un! Cingne hang hon lakah tuu bangin nohte hah ing. Mah hangin ngul bangin cip unna, khulo bangin nunnem un.

MATTHAI 7:15

“Profet manngawlte na ngalling un: a pualam haw cu tuu bangin um haw naven a sunglam haw cu cingne hangsan bang haw hi.

JOHAN 10:13

Cialcopmi cu cialcop a hih hangin le tuu tei ca a ngaihsut ngawl hangin tai thong hi.

JOHAN 10:2

A kongka pen a tumtu cu a cingkhawitu tuucing hi.

JOHAN 10:3

Kongka cingtu in kongka cu honin, tuu ten a aw khi za haw hi. A tuu cu amu min tek tuah samin pualamah tulpih hi.

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

1 TIMOTE 3:3

Zukham misil hi tukma, thinsup thei ngawlmi, midang tuah a haudun theimi, mi ngilo, iksiknak neimi le phuciak theimi hi ma hen, mahnaven lungnemmi le lemdaihnak a deihtu hi tuk hi. Sum deih leitatu hi tukma hi.

1 TIMOTE 3:8

Pawlpi upa cu ziaza pha neimi le lungmu manmi hihen, zu a in ngawlmi le tangka lamah hampum leita mi hi haw ma hen.

2 TIMOTE 4:10

Demas cu hi leihum a ih saw hangin taisanin, Thesalon khua ah hawh zo hi. Kresen cu Galati pengah hawhin, Titas cu Dalmatia pengah hawh hi.

TITUS 1:7

Itahim titale pawlpi lamhuaitu cu Pathian na dehvo a neitu a hih hangin mawhsiatnak tuk a nei ngawlmi hihen; mi pualthau le mi thincom, zukham misil, mi ngilo le sum deih leita mi hi ma hen.

1 PETER 5:2

Pathian i piakmi tuuhon cingtu hi un; Phu thathahin, a cingtu hi ngawlin Pathian i itnak bangin, lungtho zetin cingtu hi un. Na nadeh uhten thaman ngah nuam hangin dek hi ngawlin itnak tatak tuah dek saw un hi.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.