JOHAN 1:49 - Ngawm Bible

⁴⁹ Nathanel in, “Sazapa, nang cu Pathian Capa hi ci! Israel Kumpi hi ci,” ti hi.

JOHAN 1:49 Iomraidhean Croise

SAAM LABU 110:1

Topa in, ka kumpi bawipa i lakah “Na ngalte na ke sihnak nuai ah ka koih laklawh, ka taklamah khungin,” ti hi.

SAAM LABU 2:6

Topa in, “Ka mual thiangtho Zion mual humah, ka tenmi kumpi cu khungtik zo ing,” ti hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

DANIEL 9:25

Hi thu hi phano in cing inna, komno ngaisungin hi. Jerusalem tungdingleh tukin thupiak hun a hih hangin Pathian i tenmi hotu a hen laklawh kum salih i let salih phat tuk hi. Jerusalem cu lampi ngengpi le kulhtian khozet tuah tundinleh hi tuk a, kum sawm luk le kum nih i let salih sung ding tuk hi; mahnaven hi hun cu haksatnak le buainak hun hi tuk hi.

HOSEA 3:5

Mahnaven Israel mite cu Topa Pathian lamah hekkikin, David kumpipa i casuan lakah zuan kikleh haw tuk hi. Mah ni ten Topa cu kihca in, laksawng pha co haw tuk hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

ZEFANIAH 3:15

Topa in, a dantatnak cu cawl zo a, na ngalte vawksak khawng zo hi. Topa, Israel i kumpipa cu na nelah um hi, lauthawng tuk imah umma toh hi.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

MATTHAI 14:33

“Nang cu Pathian Capa ngangai ci,” ti in bia haw hi.

MATTHAI 2:2

“Judah mitei kumpipa tukin a hingmi nauno ilai ah him? Nisuahnak lam pen ama aksi ka muh uh bangin amah a bia tukin hung ung,” tin ti haw hi.

MATTHAI 21:5

“Zion khuapi cu hilh un, na kumpipa cu na lakah hung li laih hi. Amah cu lungnemmi hi in, laak humah khung hi. Laakno humah khung,” ti hi.

MATTHAI 23:7

Bazal tuan mipi tamnak mun pen mitei upat piak tuk nuamin le, ‘Sazapa,’ tin sam tuk nuamzet haw hi.

MATTHAI 23:8

Mahnaven noh ten, ‘Sazapa’ tin, a sam haw tuk nuam pahsuh un! Itahim titale nohte cu unau noh ten hi uh ci, ‘Sazapa’ tin na sam tuk uh Khrih pa khat bek nei uh ci.

MATTHAI 27:11

Jesuh cu Rom acozah ngamuktu bawi pa i mai ah dingin, ngamuktu bawipa in, “Judah mitei kumpipa hi a cim maw?” tin dong hi. Jesuh in, “Na tihnak bangin hi ing,” tin don hi.

MATTHAI 27:42

“Midangte cu pan thei naven amah le mah cu pandun thei ma! Israel kumpipa hi ma maw? tu loli in thinglamteh hum pen a tolh tale sang tuk ung hi!

MATTHAI 4:3

Mahten Satan cu a lakah hengin, “Pathian Capa ngangai na hi tale hi suangte hi cangho suak tukin thupia in,” ti hi.

MARKA 15:32

Israel Kumpipa Khrih cu thinglamteh hum pen atu loli in, a tolhsuk mu le hung mahten sang tuk hung hi, tin pa khat le pa khat tidun li haw hi. Thinglamteh humah thahcih bokmi pa nih ten zawnsak bok haw hi.

LUKA 1:35

Vancungmi in, “Hawvang Thiangtho cu na nelah um tuk a, Pathian huham cu na humah heng tuk hi. Mah hangin a thiangthomi nau cu Pathian Capa tin sam hi tuk hi.

LUKA 19:38

“Topa i minin, a hungmi Kumpipa i humah Pathian muicu um tahen! Vanah lemdaihnak um tahen na, Pathian nelah sunloihnak um tahen,” tin au haw hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 1:34

Mahpa cu mu ngah zo ing. “Amah cu Pathian Capa hi,” ti hi.

JOHAN 1:38

Jesuh cu a nunglam heklehin, a nungzui haw tih amuh ten, “Ikaw na zei uh?” tin dong hi. Amuh ten, “Rabbi, ilai ah kaw na um?” tin don haw hi. Rabbi tih cu Sazapa tihnak hi.

JOHAN 1:50

Jesuh in, “Theikung nuai a, na khun laihin mu ing ka tih hangin kei um ci mei? Hi sangin thupi saw tampi mu tuk laih ci,” ti hi.

JOHAN 18:37

Pilat in, “Kumpi hi ngai a cim maw?” tin dong hi. Jesuh in, “Nang in, Kumpipa ci tin ti ci. Leihumah ka hunsanbel cu thu pa khat bek hi. Mahmi cu thutak lamah tettikhan tukin hi. Thutak sung a ummi hempohin ka thuhilhmi ngai haw,” ti hi.

JOHAN 4:31

Mahlai in nungzuitu ten Jesuh cu, “Sazapa, an ei in,” tin ti haw hi.