JOHAN 1:41 - Ngawm Bible

⁴¹ Thakhatin, a u Simon cu zei in amuh ten, “Khrih cu mu zo ing,” ti hi.

JOHAN 1:41 Iomraidhean Croise

2 KUMPI 7:9

amuh le muh, “Hi ti bangin a bawl uhmi hi pha kha tukma hi. Thuthangpha nei hung a, eimu ca bekin tih tuk kha ma hi. Zinglam tian a ngak uh tale mawh pua tatak tuk hung. Tu loli in hawh nung inna, kumpi khutnuai bawite hilh nung,” tin tidun haw hi.

SAAM LABU 2:2

Amuh tei kumpi ten ngal tho haw hi. Topa le sathau a thihmi kumpi cu do tukin, a kumpi le hotu ten suam tukin thu vaisiam haw hi.

SAAM LABU 45:7

A manmi cu deih ci a, a pha ngawl cu hua ci. Mah hangin Topa na Pathian in nang cu teng zo hi. Midang hempoh sangin na humah lungdamnak cu buaksuk zo hi.

SAAM LABU 89:20

Ka sila David cu tengin, nangmuh tei kumpi tukin sathau thih zo ing.

ISAIAH 11:2

Topa i hawvangin cihnak pia tuk hi. A mite uk thiamnak le theihtupnak pia tuk hi. Topa i deihnak cu thei in, kihca tuk hi.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

MATTHAI 1:23

“Khanglai himin ca pai tuk a, capa hing tuk hi, a min cu Immanuel tin sam haw tuk hi,” tin a hilhsami a kimnak tukin hi bangin a piangmi hi. Immanuel tihmi cu, “Pathian eimu lakah um,” tihnak hi.

LUKA 2:17

Tuucing ten nauno amuh bek haw ten vancungmi tei nauno thu a hilhham mi cu amuh tei lakah hilhleh haw hi.

LUKA 2:38

Mah hun laih takin, na heng kha bok a, Pathian thangphatin Jerusalem luatnak tuk a ngaktu mi hempoh lakah hi nauno i thu cu hilh hi.

JOHAN 1:45

Filip in Nathanel tawkin, a lakah, “Moses Daan laibu sungah a thula a ngatmite le profette vangin a thula a ngat haw mi pa cu tawk zo ung. Amah cu Josef capa Jesuh, Nazareth khua mi tin,” ti hi.

JOHAN 4:25

Numei nu in, a lakah, “Khrih cu hung tuk a, a hun ten ihempoh aman hilhleh tuk,” ti hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 4:27

Itahim titale Herod le Pontius Pilat ten na tenmi na salpa Thiangtho Jesuh langpang tukin khuapi sungah Gentail mite le Israel mite tuah tawkdun khawm ngangai haw hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.