JOHAN 1:33 - Ngawm Bible

³³ Amah cu akua him tih thei ma naveng tui tuah tuiphumnak pia tukin kei a tiiktu Pathian in, ‘A Hawvang heng tuk a, mi pa khat humah a kop khi mu tuk ci; mahpa cu Hawvang Thiangtho tuah tuiphumnak piatu hi tuk hi,’ tin hilh hi.

JOHAN 1:33 Iomraidhean Croise

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

LUKA 3:16

Mah hangin Johan in, “Kei in tui tuah tuiphumnak pia ing. Mahnaven kei sangin a ngeng saw mi pa khat hung tuk hi. Kei cu a kedam khau duktu tuk hei tak mang hi. Amah in Hawvang le mei tuah hinthaknak pia tuk hi.

JOHAN 1:31

Amah hi akua hi tuk him tih thei mang. Mahnaven amah hi Israel tei a theihnak haw tukin tui tuah tuiphumnak ka piak lihnak cu na hi,” ti hi.

JOHAN 14:26

Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

JOHAN 3:5

Jesuh in, “Thutak hilh ing: kua hei hihen tui le Hawvang tuah hinleh ahimata Pathian Uknak sungah tum thei tukma hi.

JOHAN 7:39

Jesuh i hilhnuammi cu Hawvang Thiangtho thu hi. Mah Hawvang Thiangtho cu amah umtu hempoh tei ngah tukmi hi. Hi hunlaihin Hawvang Thiangtho cu piakin umma laih. Itahim titale Jesuh cu sunloihnak tuah thawhtik hi ma laih hi.

NUNGZUITU 1:5

Johan in tui tuah tuiphumnak pia hi; mahnaven a ngei ngawlin Hawvang Thiangtho tuah dimtikmi hi tuk uh ci” tin ti hi.

NUNGZUITU 2:4

A venghawng haw in, Hawvang Thiangtho tuah dim haw a, Hawvangin ot theihnak a piak hangin, awn phundangin awn haw hi.

1 KORIN 12:13

Mah bangin ohte vang Judah mi le Gentail mi tin le suakca le sal tin a um uh vangin a venghawng uhin mah pumpi pa khat sungah Hawvang pa khat i nipmi hung hi. A venghawng uhin mah Hawvang pa khat cu in tukin piak hi zo hi.