JOHAN 1:3 - Ngawm Bible

³ Ama sung pen Pathian in ihempoh bawl hi; bawlmi na hempoh sung pen amah tel ngawlin bawlmi pa khatno hei umma hi.

JOHAN 1:3 Iomraidhean Croise

PIANPATNAK 1:1

Amasabelin, Pathian in lei le vante piangtik hi.

PIANPATNAK 1:26

Pathian in, “Mihing bawl toh nung; eimu melsuun in, eimuh bang hi haw tuk hi. Tui sungum ngasa le vanah a lengmi vano tei humah hihen, inn ngulh nganhing le ngamsa a ngeng a neu humah hihen, thunei haw tuk hi,” tin ti hi.

SAAM LABU 102:25

Tanglaihin leipi piangtik ci a, na khutzung tuah vante hi semsuah ci.

SAAM LABU 33:6

Topa in, van a ummi hempoh a thupiaknak tuah semsuahin, a awnkamin ni, hade, aksite bawl hi.

THUPAUCAP 8:30

Inn luangzingtu thil thiampa bangin a elah um ing. Nisial a lungdamnakbel cu keimah hi ing a, a mai ah ka lungdam leleng ing.

ISAIAH 45:12

Leihum buppi a bawltu cu keimah ing. A humah um tukin mihing piangtik ing. Ka ngilnak tuah van khi zalh ing, ni, hade le aksite uk ing.

ISAIAH 45:18

Topa in vante bawl hi. Amah cu Pathian hi. Amah in leipi piangtikin, a bawltu vang hi. Ngeizet phatin le khoh zetin bawl hi. A lawngpi in bawl ngawlin, mihing umnak tuk takin bawl hi. Amah in, “Keimah cu Topa ing hi; Pathian dang imah lai ah umma hi.’ ”

JOHAN 1:10

Mah Thu cu leihumah umin, ama sung pen Pathian in, leihum hi bawl naven leihumin amah cu thei ma hi.

JOHAN 1:2

A pattungin mah Thu cu Pathian tuah um zo hi.

1 KORIN 8:6

ohtei ca in Pathian pa khat a Pa uh, ihempoh Bawltu umin Amata tukin a nungtute hung hi; mahten Topa pa khat, Jesuh Khrih bek um hi. Ama sung pen ihempoh piang hi. Ama sungah a nungtute hung hi.

EFESA 3:9

Pathian i tuptahmi a thu-ip cu iti bangin lang zo him tih khi mi hempoh tei muh theih tukin a mit haw vaktik tukin Pathian in dehvo pia hi. Ihempoh a bawltu Pathian in nunglam hun khan sung hempoh a, thu-ip cu sel lo hi.

HEBRU 11:3

Upnak a neih uh hangin lei le van hi Pathian awnkam tuah bawl tih khi thei hung hi; mah hangin Pathian in muh theihmi bawlnakin, muh theih ngawlmi mang hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.

MANGMUHNAK 4:11

“Kohtei Topa le Pathian, nang cu sunloih upat le huham ngah takmi hi ci. Itahim titale nangmah in ihempoh semsuah ci a, na thu in umtikmi le nuntikmi haw hi,” tin ti haw hi.