JOHAN 1:29 - Ngawm Bible

²⁹ A zingten Johan in, Jesuh a lakah a hun lih laih cu mu in, “Leihum sualnak a hawhpihtu Pathian Tuuno khi zo un!

JOHAN 1:29 Iomraidhean Croise

SUAHTULNAK 28:38

Aaron in, a calah belh tuk a, mahti bangin Israel miten Topa i lak a, a piakmi haw humah soiselnak um tukma hi. A piak haw mite cu Topa i santak a hihnak tukin mah calbelh cu Aaron in, a calah belh leleng tuk hi.

ISAIAH 53:10

Topa in, “A thuak tuk cu keima deihnak hi. A thihnak cu ngaihdamnak a hengtiktu biakpiaknak hi. Kum ngeipi nungdamin, a casuante mu tuk hi. Ama sung pen ka tuptahmi kim tuk hi.

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

ISAIAH 53:7

“Bawlsiazet haw naven, niamkhiatnak tuah thuak kawko in, kam khatno hei awn ma hi. Ngawh tukin a hawhpih haw mi tuuno bangin le a mulmeh tukmi tuu bangin kam khatno hei awn ma hi.

HOSEA 14:2

Topa lakah kikleh unna, hi bangin thungen un: “Ka sualnak uh hempoh ngaidam zal inna; ka thungetnak uh sansakin, ka thutiamsa uh bangin pahcawi tuk ung hi.

THIAMPI NADEHNAK 10:17

“Ita sualhah biakpiaknak cik cu mun thiangtho pen na eih tukin a piak zo mi si, ita ei ma uh cim? Israel hinnam a sualhahnak tukin Topa in, na eih tuk uh a piak zo mi hi a, a thiangthomi hi.

ZEKHARIAH 13:1

“Mah hun a hen ten,” Cungnungbel Topa in, “David casuante le Jerusalem mite a sualnak haw le a milim biaknak haw pen thiangtik tukin ciktui pa khat put tuk hi.

MIPUM SIALNAK 18:1

Topa in Aaron lakah, “Nangmah le na capate le na nampih Levi ten ka umnak Puanbuk sungah na nadehnak uhten na sualman uh cu thuak tuk uh ci. Mahnaven nangmah le na capate bekin thiampi na dehnak uh a, na sualman uh cu thuak tuk uh ci.

MIPUM SIALNAK 18:23

Tu pepanin, Levi mite bekin Puanbuk cu cingkhawi in, a bawl sual haw tale amuh ten thuak haw tuk hi. Hi daan cu na casuante hei in, a zui haw tukmi hi. Levi miten Israel mi lakah kumkhua in co tukmi lo le lam nei haw tukma hi.

MIPUM SIALNAK 21:9

Moses in a hilhnak bangin daal ngul cu bawlin, khuam humah tak hi. Ngul i cih mite mah daal ngul zotu hempoh cu dam haw hi.

MATTHAI 1:21

Amah in capa hing tuk a, a min Jesuh tin sa tuk ci, itahim titale a miphun tei sualnak pen a nun haw pan tuk hi,” tin ti hi.

MATTHAI 20:28

Mihing Capa vang cu mahtih bang hi bok hi. Mihing Capa cu mite nadeh atiktu hi ngawlin, mitei nadehsaktu tukin le mi tampi i nunpan tukin a nunnak pia tukin hung hi,” tin ti hi.

JOHAN 1:35

A zingten Johan le a nungzuitu pa nih cu mah laih munah dingleh haw in,

JOHAN 1:36

Jesuh a hawh khi amuh haw ten, “Pathian Tuuno khi zo un,” tin Johan in ti hi.

JOHAN 1:43

A zingten Jesuh cu Galilee ah hawh tukin ngaisung hi. Filip a muh ten, “Keimah zui in,” ti hi.

JOHAN 2:1

Ni nih nungten Galilee peng Kanaan khua ah mopuai na um hi. Jesuh i nu vang mahlai ah um bokin,

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 4:42

Numei nu i lakah, “Tu cu nangma thuhilhmi hang hi ngawlin keimuh loli in, a thuhilhmi zain, um ung hi; amah hi leihum Nunpantu hi tatak hi tihvang thei ung hi,” tin ti haw hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

NUNGZUITU 8:32

A sialmi Lai Thiangtho cu a nuailam a bangin hi: “Amah cu thah tukin puimi tuu bangin hawhpih haw a, tuuno mul a meh haw ten a ham ngawl bangin, awn ngawlin daidenno in um hi.

1 KORIN 15:3

Ka pom ngah zomi atu-in nohtei lakah a thupibel hi tin ka phuan sawlawn mi cu hi bangin hi. Lai Thiangtho sungah ngatmi bangin, Khrih cu a sualnak uh hangin thi hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

GALATI 1:4

Tuhun hi hunsia sung pen ohte luattik tukin Khrih in Pa Pathian i deihnak zui in, ohtei sualnak hangin a nunnak pia zo hi.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

1 TIMOTE 2:6

Mah kamtaitu cu mi hempoh nunpan tukin a nunnak a piatu Khrih Jesuh hi. Mahtin a nunnak a piakmi cu Pathian in, a hunkim ten mi hempoh nunpan khawng nuam hi tih langtiknak hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 2:17

“Abraham casuante bawm hi,” tih hi saw hi. Mahti bang a hih hangin ihempoh ah unaupih bangbok kul hi. Mahtin a hihnak cu mihing ten sual ngaihdamnak a ngah theihnak tukin Pathian nadehnakah muantak le hehpihnak neitu Thiampi Sang hih theihnak tukin hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 1:19

A luattiktu cu a sunglawimi, Khrih thisan hi; Khrih cu sonbang ngawl, a thiangthomi tuuno bang hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.

1 JOHAN 3:5

Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 12:11

A unaupih uhten Tuuno thisan le thudik a phuan haw mi i thawmin, nehnak ngah zo haw hi. A nunnak haw vang piak phal haw a, thih vang ngam haw hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 14:1

Mahten ka zo le Zion mualah Tuuno ding leng mu ing. Amah tuah munkhatah mi thawng za khat le thawng sawm li le thawng li um haw a, mah mite cu a cal hawah Tuuno le a Pa i min ngatin um hi.

MANGMUHNAK 14:10

Pathian thinuknak khuathai sung a, sun tukmi sabittui cu intuk hi. Mahti bangin Pathian thinuknak sabittui a intu cu vancung mithiangthote le Tuuno mai pen kaat mei alh sungah bawlsiatnak thuak haw tuk hi.

MANGMUHNAK 14:4

Amuhte cu mi thiangtho, numei tuah sual awng ngawlmite hi haw in, khanglai thianlim bang haw a, tuuno i hawhnak hempoh ah zui haw hi. Mi hempoh lak pen tatlehmi hi haw in, Pathian le Tuuno lakah anthak bangin piak masabelmi hi haw hi.

MANGMUHNAK 15:3

Pathian i nadektu Moses le Tuuno i la hi tin sa haw hi. “Topa, Cungnungbel Pathian, na thil bawlmi hi izahta in thasiah huai kaw! Minam hempoh tei kumpi bawi, na lampi cu izahin, a dik le a manmi hi haw him?

MANGMUHNAK 17:14

Amuh ten Tuuno do haw tuk hi, mahnaven Tuuno le a sammi, a tenmi le amah a muangtu ten neh haw tuk hi; itahim titale, Tuuno cu bawi hempoh lak pen bawibel, kumpi hempoh lak pen kumpibel na hi tin ti hi.

MANGMUHNAK 19:7

Lungdam thatui in um nung! A thawmngennak cu pahcawi nung; itahim titale Tuuno mopuai hun heng zo hi, a khanglai nu vang mopuai bawl tukin a mansa hilhialin um zo hi.

MANGMUHNAK 19:9

Vancungmi in, “Hihi nganin: Tuuno mopuainakah sammi cu mi lungdammi haw hi. Hi thu hi Pathian thuman,” ti hi.

MANGMUHNAK 21:14

Khuapi upnak kulhtian cu, inn kil tawphah suang sawm le pa nih humah phutmi hi haw hi; mahmi suang humah Tuuno i a tiikmi sawm le pa nih tei min ngan haw hi.

MANGMUHNAK 21:27

Mahnaven mah khuapi sungah a thiangtho ngawlmi imah tum tukma hi. Zahcakhuai thil a bawltute le zolthu sontute vang tum haw tukma hi. Tuuno i nunnak laibu sung a minngat mite bek tum haw tuk hi.

MANGMUHNAK 21:9

Vancungmi salih lak pen a dawltabel vancungmi, a lauhuai bawlsiatnak salih tuah a dimmi khuat salih a cawitu in ka nelah, “Hungin hi, Tuuno i zi tuk mothak lak nang,” ti hi.

MANGMUHNAK 5:6

Tuuno pa khat cu kumpi khunnak laizangah dingin sahang pa li le upa ten a kawnin, kiilin mu ing. Tuuno cu thahsa a thi mi bang hi. Ki salih le mit salih nei hi, mahmi mit salih cu leihum khua hempoh ah hahmi Pathian i hawvang salihte hi haw hi.

MANGMUHNAK 5:8

Mahtin a lak ceng bek ten Tuuno mai ah sahang pa li le upa sawm nih le pa lite cu kunin, bok haw hi. Tingtang pa khat le pak namtui tuah a dimmi sui pakan kuang pa khat tek cawi haw hi; mah pak namtui cu Pathian mihing tei thungetnak hi.

MANGMUHNAK 6:1

Mahten Tuuno in tacik salih lak pen pa khat a duh khi mu ing, sahang pa li lak pen pa khatin, a aw vanthum bangin, “Hungin hi” tin a tihmi za ing.

MANGMUHNAK 6:16

Mual le suangpi tei lakah, “Keimuh hu delh unna, kumpi khunnak a, a khungtu mitmai le Tuuno thinuknak pen sel zazal un.

MANGMUHNAK 7:14

“Thei ma sing, Topa, nangmah in thei saw tuk ci,” tin donleh ing. Amah in, “Hi mite cu bawlsiatnak nasezet sung pen a himno in, a suakmite haw hi. A puan haw cu Tuuno thisan sungah sawpin, ngotik zo haw hi.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.