JOHAN 1:18 - Ngawm Bible

¹⁸ Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 1:18 Iomraidhean Croise

PIANPATNAK 16:13

Hagar in, “Pathian cu hilai pen tawk ngangai ing, nunglaih ing maw?” tin, amah le amah tidun cop hi. A lakah a awntu Topa cu a min, “El-roi,” tin sam hi.

PIANPATNAK 18:33

Abraham in hi bangin thu a dot nungten Topa cu hawhsanta in, Abraham cu innah pin hi.

SUAHTULNAK 23:21

A hilhmi thu cu ngai unna, upat un hi. Amah cu deihma ung tin, langpang pahsuh un, itahim titale ka minin nadek tukin ka hahmi hi a, na langpang kha uh ahi tale ngaithiam hihim tukma hi.

SUAHTULNAK 24:10

Israel tei Pathian mu haw hi. A ke nuaiah, a thiangtho zetmi, vancai kilkel bang, mepian suangval tuah phahmi suang phah um hi.

THUPAUCAP 8:30

Inn luangzingtu thil thiampa bangin a elah um ing. Nisial a lungdamnakbel cu keimah hi ing a, a mai ah ka lungdam leleng ing.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

KAH LA 2:12

Dangdum le ngilkialin, nu aw, tin kap haw hi. Lampi humah maliam thuak bangin, lum haw a, dem hehetno in, a nu le pa tei ang humah, a nunnak haw bo hi.

MIPUM SIALNAK 12:8

ama lakah, maicang hekdun loli in awn ing hi; bawlcawmin awn mang, ciangzet le taituang zetin awn ing. Ka mel cawmin mu zo hi. Moses cu iti bangin sonsia thei tuk nge uh cim?” tin ti hi.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 12:41

Isaiah in hi thu a hilhmi cu Jesuh in sunloihnak co zo tih amuh hangin hi.

JOHAN 13:23

Jesuh i ihmi nungzuitu pa khat cu Jesuh nekbelin khung hi.

JOHAN 14:9

Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

JOHAN 17:26

Amu lakah na min cu than zo ing a, ka humah itnak na neihmi hi amu sungah a um boknak tukin le keimah vang amu sungah ka umboknak tukin na min cu amu lakah than pepel tuk laih ing hi, tin thungen hi.

JOHAN 17:6

Leihum pen na samtulmi tei lakah na min cu langtik zo ing. Mah mite cu nangmata hi haw in, keima lakah na piakmi hi haw a, na thu zui haw hi.

JOHAN 3:11

Thutak hilh ing: ka theih uhmi hilh ung a, ka muh uhmi theitik ung; mahnaven akua hei in, ka thu hilh uhmi pom nuam ma uh ci.

JOHAN 6:46

Mahti bangin tih ten a kuakua hei hihen pa amutu um haw tihnak cu kha ma hi. Pathian lak pen a hungmi pa bekin Pa mu awng hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

DAAN PIAKLEHNAK 4:12

Mah mei sung pen Topa cu na lak uhah awnin, a otmi vang na beng uhin za nave uhcin Topa i mellim cu imah mu ma uh ci.

KOLOSE 1:15

Khrih cu muh theih ngawlmi Pathian i mel langnak hi. Amah cu ca upabel hi a, bawlmi thil hempoh sangin humtabel hi.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

JOSHUA 5:13

Joshua cu Jerikho khua elah hengin, khua a zoh ten, namsau a kawng sung pen dawhsa cawi in, a maiah pano pa khat ding mu hi. Joshua in mahpa cu nekin, “Keima mihing cim maw? Ka ngalte uh cim?” tin dong hi.

1 JOHAN 4:12

Kuamah in Pathian cu a mit tuah mu awng haw ma hi. Mahnaven pa khat le pa khat a itdun uh tale Pathian pehzomdunnak tuah nungca in, a itnak cu eimu sungah cangkim hi.

1 JOHAN 4:20

Kua hei hihen Pathian it ing ti thah leng na pi in, a unau a huatu cu zolthu son hi. Itahim titale mit a muhmi, a unau hei a it ma tale muh theih ngawlmi Pathian cu it thei tukma hi.

1 JOHAN 4:9

Pathian in, a itnak cu a Capa neihcalam hi leihumah a piaksuknakin langtik hi. Amah hangin nunnak a co theihnak tukin hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.