JOHAN 1:15 - Ngawm Bible

¹⁵ Johan in mahpa i thu cu hi bangin hilh hi: “Amah cu keima nungten hung naven amah cu kei sangin ngeng saw hi. Itahim titale amah cu ka suah laih ngawlin um zo hi tin ka hilhmi cu ama thu khi hi,” ti hi.

JOHAN 1:15 Iomraidhean Croise

THUPAUCAP 8:22

Topa in tanglaihin, a bawlmi sung pen, kei cu a bawl masakbel mi ing.

ISAIAH 9:6

A lak uhah nauno hing zo hi; Capa piak hi zo hung hi; Amah cu eimuhte uktu hi tuk hi. A min cu, “Thasiahhuai, Lembawltu,” “A cakmi Pathian,” “Kumkhua Pa,” “Lemdaihnak Kumpi,” tin sam hi tuk hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

MARKA 1:7

Amah in hi bangin thuthan hi, “Keimah sangin a thawmngeng saw ka nungah heng tuk laih hi. Kei cu ama kedam khau duktu tuk hei in tak mang.

LUKA 3:16

Mah hangin Johan in, “Kei in tui tuah tuiphumnak pia ing. Mahnaven kei sangin a ngeng saw mi pa khat hung tuk hi. Kei cu a kedam khau duktu tuk hei tak mang hi. Amah in Hawvang le mei tuah hinthaknak pia tuk hi.

JOHAN 1:27

Amah cu ka nungah hung laih hi; mahnaven kei cu a kedam khau duktu tuk hei in tak mang,” tin ti hi.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

KOLOSE 1:17

Khrih cu ihempoh tei umlaih ngawlin um zo in, amah tuah a pehzomnak haw hangin ihempoh cu amu umnak tuk tek nei haw hi.

HEBRU 13:8

Jesuh Khrih cu zantaak, tuni le kumkhua in kheeldun awng ngawlmi hi.

MANGMUHNAK 1:11

Mahmi aw, ngingin, “Na muhmi hilai sungah ngan inna, mah laibu cu Efesa, Smyrna, Pergamum, Thiatira, Sardis, Filadelfia le Laodisia khua salih a ummi pawlpi tei lakah kuatin,” ti hi.

MANGMUHNAK 2:8

“Smyrna pawlpi i vancungmi lakah hi bangin nganin hi. “A bulpatnak le tawpnak, thi naven a nunglehmi i thucahmi cu hi bangin hi.