JOHAN 1:14 - Ngawm Bible

¹⁴ Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:14 Iomraidhean Croise

SAAM LABU 2:7

Kumpipa in, “Topa i thukhennak than tung,” “Topa in ka lakah nangmah cu ‘Ka capa ci, tuni in, na pa hi zo ing.

SAAM LABU 45:2

Nang cu pano hempoh lak pen a piangbel ci. Kam thiamzet na hih hangin Pathian in muicu pia leleng hi.

SAAM LABU 85:9

Amah a upattute pan suak tukin mansa lelengin um hi. A umpihnak cu ohtei ngamah kho tuk hi.

ISAIAH 40:5

Topa i sunloihnak cu lang tuk a, mi hempoh ten mu haw tuk hi. Topa amah loli in thutiam zo toh hi.”

ISAIAH 53:2

Topa i deihnak bangin a dektu cu thingkung bangin po hi; lei ko lak a, po thingzung bang hi. Zoh nop tukin a diangnak le mawinak nei ma. A lungmu le a mit uh a latu tukin mawinak imah nei ma.

ISAIAH 7:14

Mah hangin Topa amah loli in, lak hamnak pia tuk hi. Khanglaino pa khatin, naupai in, capa hing tuk hi; a min cu Immanuel tin sam haw tuk hi.

EZEKIEL 37:27

Amuh tuah um tung a; keimah cu a Pathian haw hi tung, amuh vang ka mihing hi haw tuk hi.

MATTHAI 1:16

Jakob i ca Jesuh hingtu Mary i pasal Josef hi.

LUKA 2:11

Tuzan loli in, David khua sungah nangmuh nunpantu tuk Khrih Topa hing zo toh hi.

LUKA 2:7

A catawntil capa cu hingin, puan tuah tuam a, khui ankuang sungah sial hi. Itahim titale khualbukah ngiahnak tuk a khan co ngah haw ma toh hi.

LUKA 9:32

Peter cu a ngualcamte tuah hihbuh ci zetin, na zau leng haw hi. A khanlawhto haw ten Jesuh cu sunloihnak le mi pa nih tuah dingleng khi mu haw hi.

JOHAN 1:1

Amasabelin Thu um zo hi. Mah Thu cu Pathian tuah umkawmin, mah Thu cu Pathian hi.

JOHAN 11:40

Jesuh in Martha cu, “Na um tale Pathian i sunloihnak mu tuk ci, tin ti ma tang maw?” tin ti hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 14:9

Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

JOHAN 17:22

Nangmah le keimah cu pumkhat a hih uh bangin amuhte vang pumkhat a suah theihnak haw tukin nangma piakmi sunloihnak cu amuhte vang pia bok ing.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 18:37

Pilat in, “Kumpi hi ngai a cim maw?” tin dong hi. Jesuh in, “Nang in, Kumpipa ci tin ti ci. Leihumah ka hunsanbel cu thu pa khat bek hi. Mahmi cu thutak lamah tettikhan tukin hi. Thutak sung a ummi hempohin ka thuhilhmi ngai haw,” ti hi.

JOHAN 2:11

Jesuh in nalamdang a bawl masabelmi cu Galilee peng Kanaan khua ah bawl hi. Mahlai ah a sunloihnak langtikin, a nungzuitu ten um haw hi.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 3:18

Akua hei hihen Capa a umtu cu thukhennak thuak tukma hi, mahnaven a umngawltu cu Pathian i Capa neihcalam a up ngawl hangin thukhennak thuak zo hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

JOHAN 8:32

Thutak thei tuk uh ci a, mah thutakin nohte suakcatik tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

ROM Khua Khristian Tei Lakah Paul i Laikuat (Paul’s Letter to the Romans) 9:5

A muhte cu ka pu le pa uh Hebru mi minthangzet tei sung pen a tulmi haw hi; mahten mihing lam pen a ngaisung uh ahi tale Khrih vang cu a sangngam pih haw hi. Ihempoh a uk khawngtu Pathian cu kumkhua in thangphat hi tahen! Amen.

1 KORIN 15:47

Lei a bawlmi masabel Adam cu lei pen hung hi. A pa nihnak Adam cu van pen hung hi.

2 KORIN 12:9

Mahnaven donlehin; “Ka hehpihnak cu nangma ca in tawk hi; itahim titale na thanem ten kei cu ka ngilnakbel,” ti hi. Mah hangin Khrih i huham le humhimnak cu keima lakah a umnak tukin ka thanemnakah vangin mitmai nei in lungdamzet ing.

GALATI 4:4

Mahnaven hun thiahmi a hen hun ten Pathian in, a Capa hah hi. Numei sung pen hingin Judah tei Daan nuai ah nung hi.

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

KOLOSE 1:19

Capa in ama sungah Pathian hihnak cangkimin, a neihnak cu amah Pathian i leitek sa hi.

KOLOSE 2:3

Khrih cu Pathian cihnak le a thu-ip hempoh theih theihnak tawhcang hi.

KOLOSE 2:9

Itahim titale Pathian hihnak cu Khrih i mihing hihnak sungah cangkim zetin umin,

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 1:5

Itahim titale Pathian in itih bang vancungmi hihen, “Nang cu ka Capa ci, tuni in, na Pa ah cang zo ing” ti awng ma hi. Mah humah i bang vancungmi hei hihen, “Kei cu a Pa hi tung a, amah cu ka Capa hi tuk hi,” tin ti awng ma hi.

HEBRU 10:5

Mahti bang a hih hangin lei humah Khrih a hunsuk ten Pathian nelah, biakpiaknak le piaknak cu na deihmi kha ma hi; mahnaven keima ca in taksa pum tuangtim sak zo ci.

HEBRU 2:11

Mihing tei sualnak somciangin, a somciang sak mitei Pa cu pa khat hi. Mah hangin Jesuh in amuhte cu “ka unaupih” tin sam tukin zakca ma hi.

HEBRU 5:5

Mahti bangin Khrih vangin amah le mah thiampi sangah dangdun cop ma hi. Pathian saw in, “Nangmah cu ka Capa ci, tuni ah na Pa in cang zo ing hi,” tin a lakah ti hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.

1 JOHAN 4:9

Pathian in, a itnak cu a Capa neihcalam hi leihumah a piaksuknakin langtik hi. Amah hangin nunnak a co theihnak tukin hi.

2 JOHAN 1:7

Mizoltu tampi leihumah heng zo haw hi. Mah mizoltu ten Jesuh Khrih cu mihingin hung ma hi, tin a titu cu Khrih i ngalte haw hi.

MANGMUHNAK 19:13

A vansilhmite cu thisan bang khawng hi. A min cu, “Pathian Thu,” hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.