JOHAN 1:10 - Ngawm Bible

¹⁰ Mah Thu cu leihumah umin, ama sung pen Pathian in, leihum hi bawl naven leihumin amah cu thei ma hi.

JOHAN 1:10 Iomraidhean Croise

PIANPATNAK 16:13

Hagar in, “Pathian cu hilai pen tawk ngangai ing, nunglaih ing maw?” tin, amah le amah tidun cop hi. A lakah a awntu Topa cu a min, “El-roi,” tin sam hi.

PIANPATNAK 17:1

Abram cu kum sawm kuah le kum kuah a kim ten, Topa cu a lakah langin, “Keimah cu Cungnungbel Pathian ing. Ka thu zui inna, sonbang tuk ngawlin thuman zetin umin hi.

PIANPATNAK 18:33

Abraham in hi bangin thu a dot nungten Topa cu hawhsanta in, Abraham cu innah pin hi.

ISAIAH 53:3

Amah cu a zotsak uhmi le a vawkthong uhmi hi. Natnak le haksatnakte thuak hi. Kuamah in, a zo hei zo nuam haw ma. Phukthong poh tin, a zamthong uhmi hi.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

JOHAN 1:11

Ama ngam sungah hung naven, a mihing ten sang haw ma hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 1:3

Ama sung pen Pathian in ihempoh bawl hi; bawlmi na hempoh sung pen amah tel ngawlin bawlmi pa khatno hei umma hi.

JOHAN 1:5

Vaknak cu khuathim sungah vakin, khuathimin mittik zo ma hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 5:17

Jesuh in, a lak hawah, “Ka Pa cu nadek leleng a hih hangin kei vang ka deh kul bok,” ti hi.

NUNGZUITU 14:17

Mahnaven thilpha bawlmi in amah um tih khi langtik leleng hi: van pen nguah zutikin, a huncan ten anci potik hi; tui le an pia in, na lung uh muang zetin bawl hi,” tin ti haw hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

1 KORIN 2:8

Hi leihum a uktu kuamah in mah cihnak cu thei awng haw ma hi. A thei haw ahin a sunglawi Topa cu thinglamteh humah that haw tukma hi.

1 KORIN 8:6

ohtei ca in Pathian pa khat a Pa uh, ihempoh Bawltu umin Amata tukin a nungtute hung hi; mahten Topa pa khat, Jesuh Khrih bek um hi. Ama sung pen ihempoh piang hi. Ama sungah a nungtute hung hi.

KOLOSE 1:16

Itahim titale Pathian in Khrih i sung pen ihempoh vancung le leihumah hihen, muh theihmi le muh theih ngawlmi hihen, hawvang lam cahnak huham neitute, bawite, uktute le thuneitu hei hihen bawl hi. Pathian in van le leihum hempoh Khrih sung pen, bawlin, Khrih ca in hulawmdun khawng tukin bawl hi.

HEBRU 11:3

Upnak a neih uh hangin lei le van hi Pathian awnkam tuah bawl tih khi thei hung hi; mah hangin Pathian in muh theihmi bawlnakin, muh theih ngawlmi mang hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.