JOHAN 1:1 - Ngawm Bible

¹ Amasabelin Thu um zo hi. Mah Thu cu Pathian tuah umkawmin, mah Thu cu Pathian hi.

JOHAN 1:1 Iomraidhean Croise

PIANPATNAK 1:1

Amasabelin, Pathian in lei le vante piangtik hi.

SAAM LABU 45:6

Pathian i piakmi kumpi khunnak cu kumkhua pen kumkhua tian kho tuk hi. Na uknak cu diknak tuah uk ci.

ISAIAH 7:14

Mah hangin Topa amah loli in, lak hamnak pia tuk hi. Khanglaino pa khatin, naupai in, capa hing tuk hi; a min cu Immanuel tin sam haw tuk hi.

ISAIAH 9:6

A lak uhah nauno hing zo hi; Capa piak hi zo hung hi; Amah cu eimuhte uktu hi tuk hi. A min cu, “Thasiahhuai, Lembawltu,” “A cakmi Pathian,” “Kumkhua Pa,” “Lemdaihnak Kumpi,” tin sam hi tuk hi.

MATTHAI 1:23

“Khanglai himin ca pai tuk a, capa hing tuk hi, a min cu Immanuel tin sam haw tuk hi,” tin a hilhsami a kimnak tukin hi bangin a piangmi hi. Immanuel tihmi cu, “Pathian eimu lakah um,” tihnak hi.

LUKA 24:53

Mahti bangin a hun le can haw hempoh cu Biakinn sungah lungdam biakpiaknakin mang haw hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 1:2

A pattungin mah Thu cu Pathian tuah um zo hi.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 20:28

Thomas in, “Ka Topa le ka Pathian,” ti hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

ROM Khua Khristian Tei Lakah Paul i Laikuat (Paul’s Letter to the Romans) 9:5

A muhte cu ka pu le pa uh Hebru mi minthangzet tei sung pen a tulmi haw hi; mahten mihing lam pen a ngaisung uh ahi tale Khrih vang cu a sangngam pih haw hi. Ihempoh a uk khawngtu Pathian cu kumkhua in thangphat hi tahen! Amen.

EFESA 3:9

Pathian i tuptahmi a thu-ip cu iti bangin lang zo him tih khi mi hempoh tei muh theih tukin a mit haw vaktik tukin Pathian in dehvo pia hi. Ihempoh a bawltu Pathian in nunglam hun khan sung hempoh a, thu-ip cu sel lo hi.

FILIPI 2:6

Khrih cu Pathian hihnak nei leleng hi. Mahnaven Pathian bang tukin tumlo awng ma hi.

KOLOSE 1:15

Khrih cu muh theih ngawlmi Pathian i mel langnak hi. Amah cu ca upabel hi a, bawlmi thil hempoh sangin humtabel hi.

KOLOSE 1:17

Khrih cu ihempoh tei umlaih ngawlin um zo in, amah tuah a pehzomnak haw hangin ihempoh cu amu umnak tuk tek nei haw hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

HEBRU 13:8

Jesuh Khrih cu zantaak, tuni le kumkhua in kheeldun awng ngawlmi hi.

HEBRU 7:3

Melkhizedek tih hi a nu le pa, a pi le pu tei cikhaih thu ngatnak le a suahnak le thihnak tangthu imah lai ah umma hi. Pathian Capa bang hi; Mahten kumkhua in thiampi pa hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

1 JOHAN 5:7

Theihpihtu pa thum um haw hi:

MANGMUHNAK 1:11

Mahmi aw, ngingin, “Na muhmi hilai sungah ngan inna, mah laibu cu Efesa, Smyrna, Pergamum, Thiatira, Sardis, Filadelfia le Laodisia khua salih a ummi pawlpi tei lakah kuatin,” ti hi.

MANGMUHNAK 1:17

Mahtin ka muh ten mithi bangin a kebulah lum ing. A taklam khut cu ka humah nga in, “Lau pahsun, Keimah cu a bulpatnak le a tawpnak ing hi;

MANGMUHNAK 1:2

Johan in, a muhmi hempoh cu hilh khawng hi. Pathian lak pen a hungmi thuthang le Jesuh Khrih i theihtikmi thutak cu Johan in hi bangin hilh hi.

MANGMUHNAK 1:8

Cungnungbel Topa Pathian in, “Kei cu Alfa le Omega, ihempoh i bulpatnak le a tawpnak ing.” A bosa hun, tu hun le a heng tuk laihmi hunah hei in, a um leleng tukmi ing, ti hi.

MANGMUHNAK 19:13

A vansilhmite cu thisan bang khawng hi. A min cu, “Pathian Thu,” hi.

MANGMUHNAK 2:8

“Smyrna pawlpi i vancungmi lakah hi bangin nganin hi. “A bulpatnak le tawpnak, thi naven a nunglehmi i thucahmi cu hi bangin hi.

MANGMUHNAK 21:6

Mahten hitin hilh lehleu hi, “Ihempoh bawl khawng hi zo hi. Keimah cu Alfa le Omega ing, a bulpatnak le a tawpnak ing hi. Akua abang a dangdum mite cu man piak kul ngawl ciktui pen a luangmi nunnak tui intik tung hi.

MANGMUHNAK 22:13

Keimah cu Alfa le Omega, ihempoh i bulpatnak le a tawpnak ing,” ti hi.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.