JOEL 3:4 - Ngawm Bible

⁴ Noh Taiar, Sidon le Filistin ngamte, keimah iti bang bawl nuamin pel li uh nge cim? Ka humah phulak tum uh cim? Ka humah i bawl thei tuk uh cim? Na bawl uh tale manlang zetin, nangmu lu humah hengkik paih tung hi.

JOEL 3:4 Iomraidhean Croise

2 KHANGSIALNAK 21:16

Mah laihin Filistin mi khenkhat le Arab mi khenkhat cu tuipi mawk a um Ethiopia mitei elkimah um haw hi. Mah mite cu Jehoram do tukin Topa in sosuah hi.

ISAIAH 14:29

Filistin mite aw, nangmuh a vahnak ngolh ek zo hi; mahnaven, lungdam nuam pahsuh un! Ngul pa khat a thih ten, a ai-awhin, a hang saw mi ngul pa khat tul hi. Ngul in, a tui cu tui in, op a, a leng thei mi ngulpi keuh hi.

ISAIAH 34:8

Mah hun cu Topa in Zion a pat hun hi tuk a, Zion ngal tei humah phu alak hun hi tuk hi.

ISAIAH 59:18

A ngalte cu ngam khawla ah a um haw hei in, a bawl sualnak haw bangin bawlsia tuk hi.

JEREMIAH 47:1

Izipt kumpi in, Gaza a do laih ngawlin Topa in, Filistin ngam cungcang hilh hi;

JEREMIAH 47:4

Filistin ngam siatsuahnak hun heng zo. Taiar le Sidom pen bopnak a ngah calam haw mi sahcatnak tuk hun cu! Keimah, Topa in Filistin mite siatsuah tung. Krete tuikulh pen a hungte cu!

JEREMIAH 51:6

Babilon pen suakca tukin taitul un. Babilon sualnak hangin thihnak tawk nuam pahsuh un. A humah phula in, a thuak tuk zahin bawlsia ing.

JOEL 2:10

A matan hawah lei buppi cu hingin, van vang hing dudut hi; ni le hade thimin, aksite vaak haw ma toh hi.

JOEL 2:2

Khuathim le khawngaih ni heng hi. Meingo thimpi le khaaumawng tei khuhbing ni heng hi. Mual humah khuathim bangin khaaumawng ngalkap honpi heng hi. Hih ni bang um awng ma hi. Mailam hei ten um awng tukma hi.

MATTHAI 11:21

“Khorazin khua mite, bawngsiazet sisi! Bethsaida khua mite, bawngsiazet sisi! Nangmu lak pen nalamdang ka bawlte hi Taiar khua le Sidon khua ah ka bawlta ahin, mahlai khuasung ten sual a sih haw langtiknakin thangkhau puan silhin, vut a bualnak haw ngeizet tuk toh ven!

MATTHAI 11:22

Thungai in hilh ing. Thukhennak Ni ten Pathian in nohte sangin Taiar le Sidon khua tei humah hehpihnak tam saw nei tuk hi.

LUKA 10:13

“Maw Khorazin khua, bawngsiazet hi uh ci. Maw Bethsaida khua, nang ca in lauhuaizet hi. Na sung a, thasiahhuai na ka deh hi, Taiar khua le Sidon khua ah ka dekta ahin mahlai khua sungmi ten a sihkik haw laklehnakin thangkhau puan silhin, vut a bualcih dunnak haw ngeipi zo tuk toh hi.

LUKA 10:14

Thukhennak ni a hen ten nang sangin Taiar le Sidon khua tei humah hehpihnak nei saw tuk hi.

LUKA 18:7

Pathian in bopnak ngenin, sun le zan au litu a mihing tei thukhen sak ngawlin um tuk maw ihim? Amuh bawm tukin a zuancum li tuk maw ihim?

NUNGZUITU 9:4

Saul cu lei ah lumin, “Saul, Saul, itahim kei na bawlsiat?” tin aw pa khat za hi.

DAAN PIAKLEHNAK 32:35

Topa in phuba la in thuk kiknak cu Amata hi. Lumin, a cak hun haw nai zo, a siatnak ni cu hengpal tuk toh hi.

2 THESALON 1:6

Pathian in, a manmi bawl tuk hi. Haksatnak a piatu tei humah haksatnak henglehtik bok tuk hi.

THUKHENTUTE 11:12

Jefthah in, Ammon kumpi lakah palai hahin, “Ita ka ngam uh do uh cim? Ka hum uhah lungkim ngawlnak nei uh cim maw?” tin dong hi.