JOEL 3:2 - Ngawm Bible

² Ka miphun hempoh cu munkhatah sam khawm tung a, thukhennak Munlawnah hawhpih tung hi. Ka miphun Israel tei can ai-in, mahlai munah amuhte thukhen tung hi. Ka mihingte cu amu ngamsung tekah kai khekin, ka ngam cu semkeh haw hi.

JOEL 3:2 Iomraidhean Croise

2 KHANGSIALNAK 20:26

Ni linakin Berakah munlawnah khawmdunin, Pathian thangphat haw hi. Mah munlawn cu tu tianin, “Berakah” tin sam haw hi.

ISAIAH 66:16

Ama mai a, sualnak neitu leihum a mihingte cu mei le ngalnam tuah bawlsia tuk a, mi tampi thi haw tuk hi.

ISAIAH 66:18

A lungmu ngaihsut haw le a nadeh haw cu thei khawng ing. “Miphun tampi le hinnam tampi pumkhawmtik tukin hung tung hi. Mahti bangin a tawhdun khawm haw ten ka thil tihtheih dan mu haw tuk a,

JEREMIAH 12:14

Topa in, “Ka mihing Israel tei ngam a siatsuahtu Israel ngam el a ummi ngam tei lakah hilh tuk, nei ing. Mah mipha ngawlte cu bawhmi thingkung bangin a ngam haw pen bot vawk tung a, amu lak pen Judah mite cu pan tung hi.

JEREMIAH 25:31

A thawm cu leimawk tianin thangkhawk tuk hi. Topa in miphun hempoh tei humah, a mawhnak haw thukhen tuk nei hi. Akua nabang i thu son tuk hi. Misualte cu that tuk, Topa in hilh zo tin,’ ” ti hi.

JEREMIAH 49:1

Ammon ngam cungcang ah Topa in, hi bangin hilh hi: “Israel mite ilai ah kaw a um haw, A ngam haw huptu kuamah um haw ma maw? Itakaw Gad ngam cu Molek ngam huai a biatute latikin, a luahtumtik haw?

JEREMIAH 50:17

Topa in, “Israel mite cu kiosa hilmi le a khenkhekmi tuu bang haw hi. Amasa in, Assiria kumpi in simin, a nungten Babilon kumpi Nebuchadnezzar in, a nguh haw cep hi.

EZEKIEL 25:8

Cungnungbel Topa in, “Moab in, Judah vang hi midang bang leleng poh si a tih hangin,

EZEKIEL 34:6

Mah hangin ka tuute cu mual le luamah vakvai khawng haw hi. Leihum khua tihkimah khen khek khawng hi haw in, kuamah in zei ngawlin le puileh tuk a tumtu hei um haw ma.

EZEKIEL 35:10

“Topa keimah hi, Judah le Israel Pathian hi naveng, mah ngam pa nih cu a ngam hempoh tuah keima ta hi, ti ci.

EZEKIEL 36:1

Topa in, “Mihing pa, Ezekiel aw, Israel mualsang tei lakah thu hilh inna, Cungnungbel Topa Keimah in, a lak hawah ka hilhmi thu hi ngai tukin hilhin hi.

EZEKIEL 36:5

Cungnungbel Topa keimah in, elkim ngamte, Edom ngam hum bebelah hilh zo ing. Nuihsan le nautatnak tuah ka ngam cu la in, mun nopte luah khawng haw hi.

EZEKIEL 38:22

Natnak le thisan luannak tuah Gog cu bawlsia tung. Nguah le nial cu mei le kaat mei tuah amah le a ngalkap tei lamtangtu miphun hempoh tei humah buaksuk tung.

EZEKIEL 39:11

Topa in, “Mah hun a kim ten Gog cu Israel ngam Tuipi Thi i nisuahnak lam Khualzin tei Munlawnah vuinak tuk mun pia tung. Gog le ngalkapte cu mahlai ah vui hi haw tuk a, mah munlawn cu ‘Gog ngalkap tei munlawn,’ tih hi tuk hi.

JOEL 3:12

“Miphun hempoh ten ngaldo tukin thok haw hen. Topa i Thukhennak Munlawnah hawh haw hen. Na elkim a, um miphun hempoh; thukhen tukin mahlai munah keimah khung tung hi.

JOEL 3:14

Thukhennak Mun lawngpi sungah mi thawng tampi um haw hi. Thukhennak Mun Kuampi pen Topa i thukhennak ni nai zo hi.

AMOS 1:11

Topa in, “Edom mite cu a sual lelem haw hangin bawlsia loli tung hi. A unau Israel mite hehpih ngawlin nam tuah hawlvawk haw hi. A thinuknak haw cu tawp ni nei ngawlin le ituk mah ten phaleh thei haw tukma hi.

MIKAH 4:12

Mahnaven hi mipi ten Topa i lungmu sungah i um him tih thei haw ma hi. Cang cu cil tukin a koih khawm haw bangin Topa in, a muhte dantat tukin a khon khawm khawng lam thei haw ma hi.

ZEFANIAH 3:8

“Ngak hih un! Miphun tampi sual ka nawt ni tian ngak hih un. Miphun tampi le uknak tampi ten ka thinuknak a nase dan a theihnak haw tukin le munkhatah hulawm tukin ngaisung ciang zo ing. Ka thinuknakin lei buppi hi mei bangin kang khawng tuk hi.

MANGMUHNAK 11:18

Na thinuknak hun hengin mithite thukhennak hun a kim ten Pathian umngawlte thinuknak tuah dim haw hi. Na sila profet le nangmah upattu na mihing a neu a ngeng ti ngawlin laksawng a ngahnak hun heng hi. Leihum a siatsuahtute na siatsuahnak hun heng zo hi,” tin ti haw hi.

MANGMUHNAK 16:14

Mah mite cu nalamdang bawltu khawhuai tei hawvangte hi haw hi. Mah hawvang pa thum ten leihum kumpi bawi hempoh munkhatah pui khawm haw hi. Mah tei a pui khawmnak haw cu Cungnungbel Pathian Ni sunglawi ni ten ngaldo tukin hi.

MANGMUHNAK 16:16

Mahten hawvang pa thumin, kumpi bawite cu Hebru awnin, Armageddon a tihmi munah pui haw hi.

MANGMUHNAK 16:6

mi thiangthote le profet tei thisan a luantik haw hangin, a in haw tuk thisan na piakmi hi a in haw tukin phu hihim,” ti hi.

MANGMUHNAK 20:8

leihum hempoh ah lengkekin, a ummi minamte zol tukin hawh tuk hi; Mah minamte cu Gog le Magog tihmi haw hi. Ngaldo tukin Satan in munkhatah khawmkhawm tuk a, tuipi el a philnel zah haw tuk hi.