JOEL 3:19 - Ngawm Bible

¹⁹ Mahnaven Izipt cu phillawn ngamko in cang tuk hi. Edom ngam cu hampa lakin cang tuk hi. Itahim titale Judah ngamah thilpha ngawl dekin misual ngawl tei thisan a luantik haw hang hi.

JOEL 3:19 Iomraidhean Croise

SAAM LABU 137:7

Topa aw, Jerusalem a lak ni haw in, Edom mitei a bawl haw mi cu cing lelengin; “Siatsuah khawng un, siatsuah khawng un,” tin, a au haw khi phawkngil pahsun.

ISAIAH 11:14

Mun khat tangkhawm haw tuk a, nitumnak lam pen Filistin le nisuahnak lam a, ummite do haw tuk hi. Edom mi le Moab mite neh haw tuk a, Ammon miten a thu ngai haw tuk hi.

ISAIAH 11:15

Topa in, Suez tuikel cu kangtik tuk a, Eufrates ngun kangtik tukin huihsa theutik tukin luino salih bek a khawih ten akua na bangin tan thei haw tuk hi.

JEREMIAH 49:17

Topa in, “Edom humah a heng tukmi dantatnak cu nasezet tuk a, a el hawhtu hempoh lamdangsa in lau haw tuk hi.

JEREMIAH 51:35

Zion miten, “Ka thisan uh a luantik haw hangin, Babilon miten thuak bok haw hen.” Jerusalem miten, “Haksatnak ka thuak uh hangin Babilon mite cawh hihen, ti haw hen hi.”

KAH LA 4:21

Nui li un, Edom le Uz mite, na lung uh damin, lam li un hi. Na siatlalnak uh hun heng tuk poh hi; Thacang le zakca in, bahin, lum li tuk poh uh ci.

OBADIAH 1:1

Cungnungbel Topa in, profet Obadiah lakah Edom miphun tei thu a hilhmi hi. Topa in miphun tei lakah a kamtai hahin, “Na tuangtim unna, na venghawng uhin tho in, Edom do un,” a tihmi za ung hi.

HABAKKUK 2:17

Lebanon tupi sung a, thingte phuk khawng ci; atu-in nangmah phuh tawk tuk ci. A ngamsate thatin, a tuu ten ngamsate launak tuah dim tuk hi. Leihum buppi mihing le a khuapi haw a siatsuah hangin le mihing tampi na thah hangin hi bangin na humah heng tuk hi.

ZEKHARIAH 10:10

Izipt ngam le Assiria ngam pen pui kiklehin, amu ngam sungah cennak tuk mun bawlsak tung hi. Gilead le Lebanon ngamah cengtik tung a, ngam buppi ah mihing dim haw tuk hi.

2 THESALON 1:6

Pathian in, a manmi bawl tuk hi. Haksatnak a piatu tei humah haksatnak henglehtik bok tuk hi.