JOEL 3:17 - Ngawm Bible

¹⁷ Keimah cu, Topa na Pathian ka hihlam thei tuk uh ci; ka mual thiangtho Zion ah a ummi ing. Jerusalem cu khua thiangtho hi tuk a, ngamdangmi kuamah in neh thei haw tukma hi.

JOEL 3:17 Iomraidhean Croise

JOB Laibu (The Book of Job) 15:19

A ngamsung hawah ngamdangmi kuamah um haw ma, Pathian lak pen a puitultu tuk kua mah um haw ma hi.

SAAM LABU 76:2

Jerusalem ah inn nei in, Zion mualah amah um hi.

SAAM LABU 9:11

Zion pen mi a uktu Topa i lakah, thangphatnak lasa un. A thil bawl mite cu mi hempoh lakah hilh un.

SUAHTULNAK 16:12

“Israel tei phuknak cu za zo ing; amuh tei lakah, ‘taklam khuathim lulup ten eih tuk cik ngah tuk uh ci a, zinglamah na deihzah uhin an ngah tuk uh ci. Topa keimah cu a Pathian haw ka hihlam thei haw tuk hi,’ tin hilhin hi,” ti hi.

ISAIAH 11:9

Pathian mual thiangtho Zion ah, Liamsuahnak le phatngawlnak imah um tukma hi. Itahim titale tuipi ah tui a dim bangin, leihumah Topa i thutheihnak dim tuk hi.

ISAIAH 12:6

Zion ah a ummi hempoh ten lasa in, au haw hen. Israel tei Pathian thiangtho cu a thawmngengzet thong hi; A mitei lakah um,” tin lasa haw tuk hi.

ISAIAH 35:8

Mahlai ah mipi ca in lampi ngengpi um tuk a, “Thianthohnak lampi” tin sam hi tuk hi. Misualte cu mahmi lampi zui thei haw tukma. Mahlai ah a hawhtute cu misil tei lamhoih sualnak tawk haw tukma hi.

ISAIAH 4:3

Jerusalem ah a tangmi, nungca tukin Pathian i tenmite cu mi thiangtho tin, sam hi haw tuk hi.

ISAIAH 46:13

nehnak ni cu cawi ing a, heng awndiak toh; Khawlalehma toh hi. Ka mi nehnak cu kuamah in cumtik thei haw tukma. Jerusalem cu pan tung a, Israel tei nelah minthannak pia tung,” ti hi.

ISAIAH 52:1

Jerusalem aw, khanglo in; khanglo inna, tha la lehin! Pathian khuapi thiangtho, a mawi mi in thuam lehin hi. Pathian thei ngawlte cu na kongka sungah tumleh haw tukma toh hi.

ISAIAH 56:7

“Ka mual thiangtho Zion ah, henpih tung; ka thungetnak inn pen lungdamnak pia tung a, ka biaklandawhah na piak uhmi biakpiaknak cu sang tung hi. Ka Biakinn cu miphun hempoh tei ca in thungetnak inn ti haw tuk,” ti hi.

JEREMIAH 31:23

Cungnungbel Topa, Israel i Pathian in, sal a tannak pen a ngam hawah ka pui kikleh ten Judah ngam le a khua hawah; ‘Topa in, Jerusalem mual thiang cu, muicu pia zal tahen, A ma umnak mun thiangtho hi, tin tileh haw tuk hi.’

JEREMIAH 31:40

Mithi vuinak le buak a vawknak haw munlawn buppi le Kidron luimawk kuam hum a, ngam hempoh, nisuahnak lam pen cipuh kongka tian, a venghawngin keima ca in mun thiangtho hi tuk hi. Khuapi cu ituk mahten phiat le siatsuah hileh tukma toh,” tin ti hi.

EZEKIEL 20:40

Mah ngamsung ka mual thiangtho, Israel ngam a mualsang humah Israel mi na venghawng uhin Keimah bia tuk uh ci. Na hum uhah ka lungdam tuk a, ka lakah na piak uhmi a phabel, na biakpiaknak uh le na laksawng thiangtho uhte pia tukin muang tung hi.

EZEKIEL 37:6

Tha ngui pia tung a, taksa tuah tuamin, vun tuah khuh tung hi. Na sung uhah haihawh khum tung a, nungleh tuk uh ci. Topa ka hihlam cu thei tuk uh ci,” ti hi.

EZEKIEL 43:12

Biakinn daan cu hi bangin hi: Biakinn umnak mualhum le a elkim hempoh cu mun thiangtho,” ti hi.

EZEKIEL 44:9

“Cungnungbel Topa keimah in hilh ing: vunceptan ngawl ngamdangmi le ka thu a ngai nuam ngawlte cu Israel tei lak a, um ngamdangmi ahi haw hei in ka Biakinn sungah tum thei haw tukma,” ti hi.

EZEKIEL 48:35

Khuapi kimkot kulhtian pa li cu a venghawngin tong thawng sawm le thawng liat sau hi. Mah hun pepan hi khuapi min cu “Hilai ah khin Topa Um Hi!” tih hi tuk toh hi.

DANIEL 11:45

A kumpi puanbukte hei cu tuipi le Biakinn dinnak mual laklawhah sa tuk hi. Mahnaven mahlai ah kuamah bawmtu nei ngawlin thi tuk,” ti hi.

DANIEL 9:16

A bosa hun sungin nang cu kohte pantu hi leleng ci, mah hangin Jerusalem humah na thinuk zal toh pahsun. Jerusalem cu nangma khuapi le na mual thiangtho hi. Keimu sual hangin le ka pu le pate a sual haw hangin a elkim ngammi hempoh ten Jerusalem le na mihingte cu nautat haw hi.

JOEL 2:27

Israel mi lakah ka um hi, thei tuk uh ci. Topa keimah bek hi, na Pathian uh ing hi; a dang um haw ma hi. Ka mihingte cu mualpho in um haw tukma toh hi.

MIKAH 4:7

Ke bai haw a, inn pen ngam khawlapi ah um haw hi. Mahnaven a thakin dinpihleh tung a, miphun ngengpi in cang haw tuk hi. Zion mual pen mah hun pepanin, a kumkhua tiang keimah in uk tung,” ti hi.

NAHUM 1:15

Mualhumah thuthangpha le lemdaihnak a henpihtu i ke khi zo ten un! A nehnak tuk thuthan hi! Judah mipite na bawl tukmi puai cu bawlin, na thutiammi cu kimtikin hi. Mipha ngawl ten nehleh haw tukma toh hi. Amuhte cu siatsuah khawngmi hi zo haw hi.

ZEKHARIAH 8:3

Kikleh tung a, ka khuapi thiangtho Jerusalem ah um tung. Muantak khuapi tin thei haw tuk a, Cungnungbel Topa i mual cu mual thiangtho tin sam haw tuk hi.

MANGMUHNAK 21:27

Mahnaven mah khuapi sungah a thiangtho ngawlmi imah tum tukma hi. Zahcakhuai thil a bawltute le zolthu sontute vang tum haw tukma hi. Tuuno i nunnak laibu sung a minngat mite bek tum haw tuk hi.