JOEL 3:15 - Ngawm Bible

¹⁵ Ni le hade cu thimin, aksite deleh haw ma toh hi.

JOEL 3:15 Iomraidhean Croise

THUHILHTU 12:2

Ni le hade le aksite a thim haw laih ngawlin le, meinimin, nguah ngeh a cawisuk laih ngawlin.

ISAIAH 13:10

Van aksi le aksi honpite vang vak haw tukma hi. Ni a suak hei ten thimin, hade hei vak tukma hi.

EZEKIEL 32:7

Nangmah ka siatsuah ten van cu lang ngawlin khuh tung a, aksite thimtik khawng tung. Ni cu meingo limah ngelh tuk a, hade hei vak tukma hi.

JOEL 2:10

A matan hawah lei buppi cu hingin, van vang hing dudut hi; ni le hade thimin, aksite vaak haw ma toh hi.

JOEL 2:31

A lauhuai zetmi Topa ni, a hen deuh laih ngawlin ni cu thim tuk a, hade cu thisanin cang tuk hi.

MATTHAI 24:29

“Mahmi haksatnak hun a bo ten ni thim tuk, hade vakleh tukma toh, van pen aksite cakin, van a ummi vaknak huhamte cu amu hawhnak lampi pen pial haw tuk hi.

MARKA 13:24

“Mah haksatnak hun ceng ten ni thimin, hade vak tukma hi.

MANGMUHNAK 8:12

Mahten vancungmi pa linakin, a pengkul a tum ten, ni khen thum khenkhat, hade khen thum khenkhat le aksi khen thum khenkhat cu thim hi. Mah hangin khuavaknak khen thum khenkhat pai hi. Sun khen thum khenkhat le zan khen thum khenkhatah khuavak ma hi.