JOEL 3:1 - Ngawm Bible

¹ Mah hun le mah ni ten Judah le Jerusalem cu mi bawngpha in bawlleh tung.

JOEL 3:1 Iomraidhean Croise

SAAM LABU 14:7

Israel tei patnak cu Zion pen a heng ahin deih na veng! Topa in, a mihingte muicu a piakleh ten, Jakob i casuante cu a lung haw dam tuk hi. Israel mite vang thatui haw tuk hi.

SAAM LABU 85:1

Topa aw, na ngam ca hehpihnak nei zo ci. Israel cu neinung zetin umlehtik zo ci.

THUPAUCAP 1:23

Nun ka hilh laihin phano in ngai in, Ngaihsutnak pha pia tung a ka cihnak cu sem bok tung hi.

ISAIAH 44:3

Adangdum mi ngamah tui pia tung; ngamkonakah tui luangtik tung; Na ca tei humah ka hawvang buak tung a; Na casuan tei lakah muicu pia tung hi.

JEREMIAH 16:15

Saklam ngam pen le ka sehkehnak ngamte pen Israel mi a puitultu a nungmi Pathian samin thutiamnak bawl saw haw tuk hi. Amu ngam, a pu le pa tei lak a, ka piakmi ngamah kiklehtik tung. Keimah Topa in hilh zo ing.”

JEREMIAH 29:14

Mahzuh hi, zei tuk uh ci a, na khua le ngam uhah kiklehtik tung, tin hilh ing. Mun hempoh le ngam hempoh a, ka vahkektiknak pen cawm khawm tung a, sal na tan laih ngawlin na umnak sa ngamah pui kikleh tung hi. Keimah, Topa in hilh zo toh ing,’ ti hi.

JEREMIAH 30:18

Topa in, “Ka mihingte cu a ngam hawah kiklehtik tung a, A innkua haw hempoh ah hehpihnak nei tung. Jerusalem cu dinleh hi tuk a, a kumpi inn cu lemleh hi tuk hi.

JEREMIAH 30:3

Itahim titale ka mi Israel le Judah mite ka kiklehtiknak tuk hun heng tuk hi. A pu le pa tei lakah ka piakmi ngamah kiklehtik tung a, amu ta hileh tuk hi. Keimah, Topa in hilh zo ing,” ti hi.

EZEKIEL 16:53

Topa in, Jerusalem lakah, “Sodom le Samaria tei canute cu khangto lehtik tung. Hi zuh hi, nangmah vang khangtotik bok tung hi.

EZEKIEL 39:25

Cungnungbel Topa in, “Mahnaven atu-in Jakob casuan Israel tei humah hehpihnak nei tung a, mi khangto le mi neinung hi lehtik tung hi. Ka min thiangtho cingkhawi tung hi.

DANIEL 12:1

Nimzang ma neuno tuah tahmi puan a silhtu vancungmi in, “Mah hun ten na mihingte cingkhawitu vancungmi Mikhael lang tuk hi. Hi miphun tei lakah a pianpat haw pepanin, a tawh awng haw ngawlmi haksatnak nasezet heng tuk hi. Mah hun ten Pathian laibu sung a, min ngatmi na miphunte cu pat suak hi haw tuk hi.

JOEL 2:29

Mah ni ten salnu le salpa tei hum tianah ka Hawvang buaksuk tung hi.

AMOS 9:14

Ka mihingte amu ngamah pintikleh tung. A sesa mi a khua haw dinlehin, mah munah nungcaleh haw tuk hi. Sabit huan bawl haw tuk a, sabittui in haw tuk hi. Huan bawlin a cin haw mi ei haw tuk hi.

MIPUM SIALNAK 11:29

Moses in, “Keimah hawza a cim? Aw, Topa in, a mihing tei humah a hawvang cu hengtikin, profet bangin a venghawng haw in, a awn khawng haw ahin awi sing!” tin ti hi.

MIPUM SIALNAK 12:6

Topa in, “Ka awn hi cing leng un! Nangmu lakah profet a um haw ten a lak hawah langin, a mang hawah thu hilh ing.

DAAN PIAKLEHNAK 30:3

Mahbek ten Topa in, na hum uhah hehpihnak nei tuk hi. A khenkheknak ngam pen kiklehtik tuk a, neinung zetin umleh tuk uh ci.