JOEL 2:30 - Ngawm Bible

³⁰ “Vanah hihen, leihumah hei hihen, ngallinnak langtik tung hi. Thisan le mei alh, meikhu tom um tuk hi.

JOEL 2:30 Iomraidhean Croise

PIANPATNAK 19:28

Sodom le Gomorrah khua le phillawn tuan cu a zoh ten, meipual halmi meipi khu bangin meikhu zam bembum pi cu mu hi.

SOLOMON LA 3:6

Mura le Fragrant namtui, sumbuk pak namtuite, A halmi haw i khu bang, ngamsung pen a tulmi khi, i hi tuk nen tim?

JEREMIAH 4:28

Leipi cu mithi ngai in um tuk hi. Vante thim khawng tuk hi. Topa in hilh zo toh naven a lungmu haw khelleh tukma toh. Thu ngaisung cat zo toh a, sikleh hihim tukma, nung vang kikleh tukma hi.

ZEKHARIAH 14:6

Mah hun a hen ten khawsik le vukta tih um tukma toh.

MATTHAI 24:29

“Mahmi haksatnak hun a bo ten ni thim tuk, hade vakleh tukma toh, van pen aksite cakin, van a ummi vaknak huhamte cu amu hawhnak lampi pen pial haw tuk hi.

LUKA 21:11

Leihum mun tihkimah hiinhing tuk a, paam le natsia namkim heng tuk hi. Nalamdang le a lauhuai zetmi cu van pen lang haw tuk hi.

JOSHUA 8:20

Ai khua ngalkap cu nunglam a hek kik haw ten a khua haw pen meikhu van tian kai in mu haw hi. Hampalak ah a taimi Israel ngalkap cu nunglam hekkikin, nase zetin do haw hi. Ai khua ngalkap tei ca in suahcaknak umma hi.

MANGMUHNAK 18:18

Khuapi meikang khu amuh haw ten, “Hi khuapi bang khuapi ituk mah ten um awng ma hi,” tin au haw hi.

MANGMUHNAK 18:9

Lei tisa sualnak le taksa nopsaknak sungah a teltu leihum kumpi bawi ten Babilon khuapi meikang khu amuh haw ten kapin au haw tuk hi.

MANGMUHNAK 8:7

Vancungmi pa khatnakin, a pengkul a tum ten nial le mei, thisan tuah cokhelin leihumah nguah bangin zusuk luluih hi, leipi i khen thum khenkhat kang khawngin, thingkung khen thum khenkhat le hamhing hempoh kang khawng hi.

THUKHENTUTE 20:38

Israel mite le a ngelhmi a ngalkapte cu tepdunnak nei haw hi. A tepdunnak haw cu: Gibeah khuasung pen meikhu tamzet vanah kai amu haw tale,

THUKHENTUTE 20:40

a tepdun sa haw bangin Gibeah khuasung pen meikhu liangluang cu mu haw hi. Benjamin ngalkap ten nunglam a zohkik haw ten khua bupin, kang li amuh haw hangin lamdangsazet haw hi.