JOEL 2:27 - Ngawm Bible

²⁷ Israel mi lakah ka um hi, thei tuk uh ci. Topa keimah bek hi, na Pathian uh ing hi; a dang um haw ma hi. Ka mihingte cu mualpho in um haw tukma toh hi.

JOEL 2:27 Iomraidhean Croise

SAAM LABU 46:5

Mah khuapi ah Pathian um hi. Ituk mahten siatsuah hi tukma hi. Zingtungno in, mah khua bawm tukin hung tuk hi.

SAAM LABU 68:18

Topa cu muallekah kai hi. A ngalmatmi tampi hawhpih hi. Ngalthotu tei lak pen laksawng tampi ngah hi. Topa Pathian cu mahlai ah um tuk hi.

THUPAUCAP 1:23

Nun ka hilh laihin phano in ngai in, Ngaihsutnak pha pia tung a ka cihnak cu sem bok tung hi.

ISAIAH 12:6

Zion ah a ummi hempoh ten lasa in, au haw hen. Israel tei Pathian thiangtho cu a thawmngengzet thong hi; A mitei lakah um,” tin lasa haw tuk hi.

ISAIAH 44:3

Adangdum mi ngamah tui pia tung; ngamkonakah tui luangtik tung; Na ca tei humah ka hawvang buak tung a; Na casuan tei lakah muicu pia tung hi.

ISAIAH 44:8

Ka mihingte, imah lau pahsuh un; Tanglaih pen atu khan tian a piang tukmi hempoh a laih ngawlin hilh ham zo ing; Mah thu na zak uh hangin keima thu theihpihtu uh ci. Pathian dang kuabek um haw maw? A ngilmi Pathian, ka theih awng ngawlmi um haw a maw?” tin ti hi.

ISAIAH 45:18

Topa in vante bawl hi. Amah cu Pathian hi. Amah in leipi piangtikin, a bawltu vang hi. Ngeizet phatin le khoh zetin bawl hi. A lawngpi in bawl ngawlin, mihing umnak tuk takin bawl hi. Amah in, “Keimah cu Topa ing hi; Pathian dang imah lai ah umma hi.’ ”

ISAIAH 45:5

“Keimah cu Topa ing hi, Pathian dang kuamah um haw ma hi. Nang in, keimah thei ma navecin, na kulmi zaangtha pia tung hi.

ISAIAH 45:6

Langlam vanmawk pen langlam vanmawk tian, mi hempoh ten keimah hi Topa ka hihnak le Pathian dang imah lai ah umma tih, a theih khawngnak haw tukin hi tih bangin bawl ing.

ISAIAH 46:9

Thil a piangsa mite phawkleh hem un; Keimah bek Pathian ka hihlam thei un; Keimah bang kuamah um haw ma.

ISAIAH 49:23

Kumpipate cu nangmu ca in pa bang hi haw tuk a, Kumpinute cu nangmuh a cingkemtu na nu uh bang hi haw tuk hi. Nangmu mai ah a lu kunin upat haw tuk hi. Na mai uhah upatnak pia haw tuk hi. Keimah cu Topa ka hihlam thei tuk uh ci. Keima bopnak a ngaktute cu a lungbing haw tukma,” ti hi.

ISAIAH 53:6

A paimi tuu bangin vakvai khawng hung. Eimuh tei nuamnak lam tekah hawh thong hung. Mahnaven Topa i dantatnak cu a hum uhah hengtik hi. A thuak tuk uhmi sualman dantatnak tawk hung.

EZEKIEL 37:6

Tha ngui pia tung a, taksa tuah tuamin, vun tuah khuh tung hi. Na sung uhah haihawh khum tung a, nungleh tuk uh ci. Topa ka hihlam cu thei tuk uh ci,” ti hi.

EZEKIEL 39:22

Mahnung ten Israel miten keimah cu Topa Pathian hi tih thei haw tuk hi.

EZEKIEL 39:28

Ka mihing ten a Topa le a Pathian haw ka hihnak cu thei haw tuk hi. Mahti bangin thei haw tuk hi, itahim titale saltannak munah a muhte a kuattu le atu-in, pa khat hei tang ngawlvo in, a ngamsung hawah kai khawmtu le puikiktu cu keimah ing.

EZEKIEL 39:29

Israel mi humah ka hawvang buak tung a, ituk mahten ka mai selleh tukma toh ing. Cungnungbel Topa keimah in hilh zo ing tin,” ti hi.

JOEL 2:26

Na duhzah uhin, ei in, taizet tuk uh ci. Topa na Pathian min cu pahcawi tuk uh ci. Na ca uhin, a lamdang na bawlsak zo. Ka mihingte cu mualpho in, umleh haw tukma toh hi.

JOEL 3:17

Keimah cu, Topa na Pathian ka hihlam thei tuk uh ci; ka mual thiangtho Zion ah a ummi ing. Jerusalem cu khua thiangtho hi tuk a, ngamdangmi kuamah in neh thei haw tukma hi.

ZEFANIAH 3:11

noh ka mihingte, keimah na langpang uh hangin zakca in um tukma toh uh ci. Mi ngal le mi pualthau hempoh cu phathongtik khawng tung a, noh ten ka mual thiangtho hum pen dodalleh tukma toh uh ci.

ZEFANIAH 3:17

Topa na Pathian cu na nelah um hi, a ngilnak huhamin nehnak pia hi. Topa cu na humah a lungdamin, a hehpihnak hangin nunnak thak pia tuk hi. Lasa tuk a, na humah a lungdam tuk hi.

ZEKHARIAH 2:9

“Topa amah loli in, do tung a, nangmu salin, a um awng ten nangmuh simleh bok haw tuk tin,” ti hi. Mah hun a kim ten Cungnungbel Topa i hahmi ka hihlam cu akua na bangin thei haw tuk hi.

MIPUM SIALNAK 11:29

Moses in, “Keimah hawza a cim? Aw, Topa in, a mihing tei humah a hawvang cu hengtikin, profet bangin a venghawng haw in, a awn khawng haw ahin awi sing!” tin ti hi.

MIPUM SIALNAK 23:21

Israel tei mailamah a hawhnak haw tukin bawngsiatnak le haksat tawhnak tuk mu mang. Topa, a Pathian haw cu amu nelah umin Pathian cu a kumpi in, aupih haw hi.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

DAAN PIAKLEHNAK 23:14

Na ngiahbuk uh cu thiangno in koih un, itahim titale nangmuh hup tukin le na ngal tei humah nehnak pia tukin Topa na Pathian uh cu na lak uhah, na ngiahbuk uhah um hi. Topa i nohte a nunghek ngawlnak tukin zoh mawi ngawlmi na imah bawl pahsuh un hi.”

1 PETER 2:6

Itahim titale Lai Thiangtho in, “Suang manpha pa khat teng ing a, innkil suang tukin Zion ah koih ing. Amah a umtu hempoh cu ituk mahten mualpho haw tukma hi;” ti hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.