JOEL 2:22 - Ngawm Bible

²² Ngamsate aw, lau pahsuh un; na tatnak tuk uh hamhing leleng tuk hi, thingkungte a ngah, ngahin, theipi le sabit vang ngahzet tuk hi.

JOEL 2:22 Iomraidhean Croise

PIANPATNAK 4:12

Anci na cing vangin lei pen imah suak tukma hi, umnak inn nei ngawlin leihumah mi vakvai hi tuk ci,” tin ti hi.

SAAM LABU 36:6

Na dikcangnak cu mualpi bang khohin; na thukhennak cu tuipi thuanthum bangin thuk hi. Mihing le ngamsate cingkem ci.

SAAM LABU 65:12

Philnel ngamko lak a hamhing umnak munah tuuhon, keelhon umin, mualbawk cu hamhing dimdemin um hi.

SAAM LABU 65:13

Lo hempoh cu tuuhon tuah dimin, munlawnte cu sangvut nguakcangin dim hi. Ihempoh cu lungdam thatui in, lasa in au haw hi.

SAAM LABU 67:6

Leingamin an suah zo; Pathian, a Pathian uhin muicu pia zo hi.

ISAIAH 51:3

Jerusalem humah lainatnak nei tung, siatsuah khawng sa mi, a khua le ngam a ummi tei humah a ngam cu phillawnin cang naven huandumin cang lehtik tung. Eden a ka koihmi huandum bang tuk a, lungdam thinnopnak um tuk hi. Keima lakah lungdamnak le thangphatnak tuah dim tuk hi.

EZEKIEL 36:30

Na thingngah uh le na lo sung an uhte pungzaitik tung a, paam ngawltohin miphun tei lakah zakcaleh tukma toh uh ci.

EZEKIEL 36:35

Ngamkhing a suak sami ngam cu Eden huan bang suahleh hi, tih cu mi hempoh ten mu haw tuk hi. Siatsuah sami, suam sami le zamsan zomi khua cu luahtum lehin, ngal kulhtian tuah a tian khawng cu mu haw tuk hi.

EZEKIEL 36:8

Mahnaven na mualsang uh humah thingceh tawtleh haw tuk a, ka mihing Israel nangmu eih tukin ngah tuk hi. Na inn uhah pinpal tuk uh ci.

JONAH 4:11

Mahtibang ahi tale hi Nineveh khuapi sung a, vei le tak a khenkhuai thei laih ngawlmi naupang thawng za khat le thawng sawm nih umnak le ngamsa sialcelh ngawl umnak khua cu hehpih ngawlin maw ka um tuk!” ti hi.

HAGGAI 2:16

na lo an uh seu sawm nih suak tukin muang nave uhcin, seu sawm bek ngah uh ci. Bulpi sung pen sabittui pung sawm nga ngah tukin muang nave uhcin pung sawm nih bek ngah uh ci.

ZEKHARIAH 8:12

Lungmuang zetin anci cing thei haw tuk toh hi. A sabit kung haw in, a ngah, ngah tuk a, leipi in, an suaktikin, nguah tampi zutuk hi. Ka miphun sung pen a tang calam tei humah hi bangin muicu pia tung hi.

1 KORIN 3:7

Anci cingtu le tui a leihtu cu thupi haw ma hi. A thupibel cu a khangtotiktu Pathian hi.