JOEL 2:21 - Ngawm Bible

²¹ Leingam aw, imah lau pahsun, lungdam thatui zetin umin hi. Topa in, nohtei ca tukin na ngengpi bawlsak zo hi.

JOEL 2:21 Iomraidhean Croise

PIANPATNAK 15:1

Mahnung ten Abraham in muhnak nei in, Topa in, “Abram, lau hihim pahsun. Keimah in lauhuainak sung pen nangmah hup tung a, na thaman ngengzet tuk hi,” tin hilh hi.

SAAM LABU 71:19

Maw Pathian aw, na diknak cu van khong hi. Thasiahhuai nate bawl zo ci; Nangmah a bangtu kuamah um haw ma hi.

SAAM LABU 98:8

Maw tuipi thuanthumte baibeng un! Maw mualte, Topa i mai ah lungdam thatho zetin lasa ten un!

ISAIAH 35:1

Phillawn cu a lungdam tuk; ngamkhing lakah pak kungte pak haw tuk hi.

ISAIAH 41:10

Imah lau pahsun, na lakah um ing. Keimah cu na Pathian ing hi, imah in lautik pahsuh hen. Nangmah bawm tung a, ngiltik tung; Hup tung a, pan tung hi.

ISAIAH 44:23

Maw vante, lungdamin au un! Lei thukpite aw, au ten un! Mual le tupi sung a, thing hempoh hei in, lungdam thatui in au ten un! Topa in, a thawm ngengnak langtikin, a mi Israel pan zo toh hi.

ISAIAH 54:4

Imah lau pahsun. Zahcak tawkleh tukma toh ci. Mualpho in umleh tukma toh ci. Zi dawnno na hih laih a, na tangzangnak le meivong na hih laih a, khawngai lunglengin, na umnakte cu phawkleh kha tukma toh ci.

ISAIAH 55:12

“Lungdam zetin Babilon pen tul kik tuk uh ci, thatui zetin puitulmi hi tuk uh ci. Na mai uhah mualsang hihen, mualniam hihen, lasa in au bengbung haw tuk hi. Thingkungte vang lungdamin, au leilui haw tuk hi.

JEREMIAH 33:3

“Sam inna, donleh tung. Na theih awng ngawlmi thasiahhuai na lamdang hilh tung hi.

HOSEA 2:21

Mah hunin, ka mihing Israel i thungetnak cu sangin; leihumah nguahzutik tung hi. Lei pen an, sabit le olif suaklehtik tung hi.

JOEL 2:20

Saklam ngam a, na lauzet uhte cu na nel uh pen phillawn lamah hawlvawk tung. A mai nawktute cu nisuahnak lam Tuipi Thi sungah, a nungzui lehtute cu nitumnak lam Mediterranean tuipi sungah hawlvawk tung. A luang uih haw cu khawlapi tiang nam tuk hi. Pualthau zetin, na a deh haw hangin siatsuah tung hi.”

JOEL 2:26

Na duhzah uhin, ei in, taizet tuk uh ci. Topa na Pathian min cu pahcawi tuk uh ci. Na ca uhin, a lamdang na bawlsak zo. Ka mihingte cu mualpho in, umleh haw tukma toh hi.

ZEKHARIAH 8:15

Mahnaven atu-in, Jerusalem le Judah mite muicu pia tukin tumtah ing. Mah hangin imah lau pahsuh un!

DAAN PIAKLEHNAK 4:32

“A bosa hun, na pian laih ngawl uhin leihumah Pathian in mihing a bawl hun tian, a bosa hunte zo hem un, leihum buppi hi cuan hem un. Hiti bang na ngengpi hi ilai ah um awng kaw? Hiti bang nalamdang hi a thei awng pa khat bek um haw maw?

1 SAMUEL 12:16

Mah hangin na umnak mun ten uhah ding unna, Topa i thasiahhuai na a bawl tukmi hi zo ten un.

1 SAMUEL 12:24

Topa cu kihca unna, muantak zetin, na lungmu venghawng uh tuah ama nadek un. Nohtei ca in thasiahhuai na a bawl mite ituk mah ten phawkngil pahsuh un.