JOEL 2:20 - Ngawm Bible

²⁰ Saklam ngam a, na lauzet uhte cu na nel uh pen phillawn lamah hawlvawk tung. A mai nawktute cu nisuahnak lam Tuipi Thi sungah, a nungzui lehtute cu nitumnak lam Mediterranean tuipi sungah hawlvawk tung. A luang uih haw cu khawlapi tiang nam tuk hi. Pualthau zetin, na a deh haw hangin siatsuah tung hi.”

JOEL 2:20 Iomraidhean Croise

2 KUMPI 8:13

Hazael in, “Itin kaw mahti bangin bawl theihnak huham ka neih tuk? Kei cu uico bang hi poh sing, imah ma sing,” ti hi. Elisha in, “Topa in keimah lak zo hi, Siria ngam kumpi hi tuk ci,” ti hi.

SAAM LABU 126:3

Topa in, ohtei ca in, na ngengpi a bawl hangin, iti zahin lungdam kam hung.

SUAHTULNAK 10:19

Mahceng ten Topa in nisuahnak lam huih cu nitumnak lam huih ngilzet tuah thek a, khaau cu Izipt ngam buppiah pa khat hei tang ngawltohin, Tuipi San sungah mutvawk khawng hi.

SUAHTULNAK 8:14

Izipt miten simphuk cu a honpi, sehkhawmin, a ngam haw cu simphuk ngim uih tuah dim hi.

ISAIAH 34:3

A luangte cu vui hi haw tukma; a pualamah uihin, muat haw tuk hi; mualte cu thisan tuah san khawng tuk hi.

EZEKIEL 47:18

“Nisuahnak lam ngamngi cu Damaskas le Hauran ngamngi pepanin, hanglamah Jordan Ngun cu ngamngi in suak hi. Jordan ngun pen nitumnak lam cu Israel ngam hi tuk a, nisuahnak lam cu Gilead ngam hi; Tuipi Thi mawk a, Tamar tian heng hi.”

AMOS 4:10

Izipt ngamah ka hentik bangin na hum uhah pulhnat hengtik ing. Ngaldonak mun pen na khangno uhte thitikin, na cipuh ngilzet uhte laksak ing. Na naal kua uh pen na ngiahbuk a, mi luang uih ngim sia tuah dimtik ing. Mah hei ten ka nelah kik nuam cuang ma laih uh ci.

ZEKHARIAH 14:8

Mah ni a hen ten Jerusalem pen nunnak tui luang tuk hi; tui khenkhat cu Tupi Thi ah luangin, a khenkhat cu Mediterranean tuipi thuanthum lamah luang haw tuk hi. A cuk, a khalin luang leleng tuk hi.

MALAKHI 3:11

Na lo uh a, ante lunghing sivai ten siatsuah ngawlin, na sabit ngui uh i humah ngah sabit bawkluih tuk hi.

DAAN PIAKLEHNAK 11:24

Na pal uhmi lei ngam hempoh cu nangmuta hi khawng tuk hi, na ngam uh cu hanglamah phillawn tian, saklam pen Lebanon mual tian, nisuahnak lam pen Eufrates ngun tian, ni tumnak lam pen Mediterranean tuipi tian hi tuk hi.