JOEL 2:2 - Ngawm Bible

² Khuathim le khawngaih ni heng hi. Meingo thimpi le khaaumawng tei khuhbing ni heng hi. Mual humah khuathim bangin khaaumawng ngalkap honpi heng hi. Hih ni bang um awng ma hi. Mailam hei ten um awng tukma hi.

JOEL 2:2 Iomraidhean Croise

SAAM LABU 10:6

A lungmu sungno in, “Hansam awng tuk mang; Ituk mahten haksatnak tawk tuk mang,” ti hi.

SAAM LABU 97:2

Meinim le khuathim cu a elkimah um haw hi. A ngam uknak cu thudik humah a bul phut hi.

SUAHTULNAK 10:14

Izipt ngam khua tihkimah hengin, a ngam buppiah dim hi. Hitih bang a tam zetmi khaau mu awng haw ma hi. Mailam heiah muleh haw tukma toh hi.

SUAHTULNAK 10:6

Na kumpi inn, na khutnuai bawi tei inn le na mihing hempoh tei inn vang dim khawng haw tuk hi. Na pu le pa, na cikhaihtu tei hi ngamah a hen sem haw laih pepanin, amuh awng haw ngawlmi thilpha ngawl hi tuk hi,’ tin,” ti hi. Moses cu hek kiklehin kumpi lak pen tul hi.

SUAHTULNAK 20:21

Pathian umnak meikhu lamah Moses a hawh ten Israel mite cu lam khawlapiah ding haw hi.”

ISAIAH 5:30

Mah ni a hen ten, tuipi thum bangin Israel humah thumin au haw tuk hi. Hi ngam hi zo hem un. Thimnak le aicannak bek um hi. Vaknak cu khuathimin thon hi.

ISAIAH 8:22

lei vang zo haw tuk naven haksatnak le khuathimnak sial ngawl a dang imah mu haw tukma. A lauhuaimi khuathim sungah tum haw toh hi. Hi haksatnak hun sung pen a luatnak haw tuk lampi um tukma hi.

JEREMIAH 13:16

Topa na Pathian uh cu upat unna, thimnak hengtik tuk a, mualhumah na bah, na lup uh laih ngawlin le na muansan uhmi khuavaknak cu khuathim sahzetah a cantik laih ngawlin upat un.

JEREMIAH 13:6

A ngei ngawlin Topa in, Eufrates ngunah hawh tukin le bawngbi comnote la lehtik hi.

KAH LA 1:12

“Hu zo hem un!” tin au in, a elah a hawhtu hempoh tei lakah, Topa i piakmi natnak hi, ka hum a thinuk ten kuamah in ka thuakmi natnak zah cu thuak awng haw ma.

EZEKIEL 32:7

Nangmah ka siatsuah ten van cu lang ngawlin khuh tung a, aksite thimtik khawng tung. Ni cu meingo limah ngelh tuk a, hade hei vak tukma hi.

EZEKIEL 34:12

Tuucingin, a vakvaimi tuute cu komno zo in, a pui khawm bangin bawlbok tung hi. Khuathim le siatlalnak ni-in, khen khek khawngin, a umnak mun haw tihkim pen pui kikleh khawm tung.

EZEKIEL 38:9

Amah le ama lamtangtu a ngalkapte le miphun ten huihpi bangin nuainek haw tuk a, mah ngam cu meingo bangin khuh khawng haw tuk,” ti hi.

DANIEL 12:1

Nimzang ma neuno tuah tahmi puan a silhtu vancungmi in, “Mah hun ten na mihingte cingkhawitu vancungmi Mikhael lang tuk hi. Hi miphun tei lakah a pianpat haw pepanin, a tawh awng haw ngawlmi haksatnak nasezet heng tuk hi. Mah hun ten Pathian laibu sung a, min ngatmi na miphunte cu pat suak hi haw tuk hi.

DANIEL 9:12

Keimuh le ka uktu tei humah hengtik tung na tihmi cu hengtik ngangai ci. Leihum khua dangte sangin Jerusalem cu nase saw deuhin bawlsia ci,

JOEL 1:6

Khaaumawng honpi in, a ngam uh sim hi. Amuh cu ngilzet haw a, sialcelh ngawlin tam haw hi. A ha haw cu kiosa ha bang le a tinte cu kiosa tin bang hi.

JOEL 2:25

Ka hahmi thing eitu khaaumawngte, a honpi a um khaaumawngte, a leng pepel thei khaaumawng tei eihmite cu keimah in lulleh tung hi.

JOEL 2:31

A lauhuai zetmi Topa ni, a hen deuh laih ngawlin ni cu thim tuk a, hade cu thisanin cang tuk hi.

JOEL 2:5

Cipuhleng ke thum bangin thumin, mualhumah dawk zawzok haw hi. Cangkung meikang bangin tha tui in, ngaldo tuk ngalkap honpi bangin sialcelh haw ma hi.

JOEL 3:4

Noh Taiar, Sidon le Filistin ngamte, keimah iti bang bawl nuamin pel li uh nge cim? Ka humah phulak tum uh cim? Ka humah i bawl thei tuk uh cim? Na bawl uh tale manlang zetin, nangmu lu humah hengkik paih tung hi.

AMOS 4:13

Pathian cu mualte bawlin, huih a umtiktu hi. A ngaihsutnak cu mihing tei nelah theitik hi; Sun cu zanah cangtik hi. Leihum mun sangbel humah hawh hi. A min cu Cungnungbel Topa Pathian hi.

ZEFANIAH 1:7

Topa i thukhennak ni cu nai zo hi. Mah hangin a mai ah daino in um un. Topa in, a miphunte cu biakpiaknakah piak tuk tumtahin, Judah ngam siatsuah tukin ngalte sawm hi.

ZEKHARIAH 14:6

Mah hun a hen ten khawsik le vukta tih um tukma toh.

MATTHAI 24:21

Itahim titale leipi a pian tung pepan tuni tian a heng awng ngawlmi mullinghuai haksatnak a lauhuai nate heng tuk a, mahtih bang a lauhuai haksatnak cu tunung hei ten hengleh tukma toh hi.

MARKA 13:19

Itahim titale hi thil a heng tukmi hi Pathian in, leipi a piantik pepan tutian a um awng ngawlmi haksatnak hi tuk hi. Mailam ituk mah hei ten a hengleh awng tuk ngawl tohmi hi.

DAAN PIAKLEHNAK 32:7

Tanglaih cawng a hun, a bosa hunte ngaisungleh hem un. Na pa uhte dong unna, hilh tuk hi, Na pa uhte ngen unna, phuang haw tuk hi.

HEBRU 12:18

Nohte na hennak uh mual cu Israel tei hennak Sinai Mual bang hi kha ma hi. Sinai Mual cu zen theihmi hi; mei alh dudum le meingo nimpi huihsia le pengkul tummi,

JUDE 1:13

A lauhuai zetmi tuihualpi bangin zahcakhuai a ngamtatnakte haw cu tuicawk bangin lang tuk hi. Aksi leng bang hi haw in, a thukbel khuathimnak munah kumkhua um tukin Pathian in bawlsak zo hi.

MANGMUHNAK 9:2

Mahmi aksi in taw nei ngawl khuk thukpi cu a hon ten, pumsuknak mei pualpi pen a tulmi meikhu bangin meikhu tampi tul bembum hi. Mah meikhu in, ni i vaknak cu thimtikin thimzing tung hi.