JOEL 2:19 - Ngawm Bible

¹⁹ A aunak haw zain, a nel hawah, “Ngai un, an, sabit le olif situi pialeh tung a, taizet tuk uh ci. Miphun dang tei mai ah mualpho in umtik tukma toh ing.

JOEL 2:19 Iomraidhean Croise

JEREMIAH 31:12

Zion mualah lungdam zetin lasa thahin hung haw tuk a, an, sabit, olif situi ka laksawng hangin le tuu le khui ka laksawng hangin thatui haw tuk hi. Tui tamzet leihmi huan bang haw tuk a, a kulmi haw hempoh nei haw tuk hi.

EZEKIEL 34:29

Lo ngampha pia tuk ka hih hangin ngilkial dangdumin cimnak cu cawltik tung hi. Miphun dang ten nuihcipleh haw tukma toh.

EZEKIEL 36:15

Miphun dang tei cekpan bawlnak le a nuihsan lihnak haw cu hi ngam ten zaleh haw tukma toh hi. Hi ngam ten a miphun i canote vang nguleh tukma toh hi. Topa Pathian keimah in hilh zo ing,” ti hi.

EZEKIEL 36:29

Nangmuh a nintiktu hempoh lak pen hup tung. Na an uh pungzaitikin, pamnak tawkleh tukma toh uh ci.

EZEKIEL 36:30

Na thingngah uh le na lo sung an uhte pungzaitik tung a, paam ngawltohin miphun tei lakah zakcaleh tukma toh uh ci.

EZEKIEL 39:29

Israel mi humah ka hawvang buak tung a, ituk mahten ka mai selleh tukma toh ing. Cungnungbel Topa keimah in hilh zo ing tin,” ti hi.

HOSEA 2:15

A sabit huante cu pia kikleh tung a, Haksatnak Munlawn cu muansannak kongka in bawlsak tung hi. A neu laihin, Izipt pen a suahtul laih bangin ka lamah hekleh tuk hi.

HOSEA 2:21

Mah hunin, ka mihing Israel i thungetnak cu sangin; leihumah nguahzutik tung hi. Lei pen an, sabit le olif suaklehtik tung hi.

JOEL 1:10

Lo hempoh sia khawng zo in, lo ngamah imah tang ma toh, ankungte sia khawng haw zo. Sabittuite kangin, sathaute suakleh ma toh hi.

JOEL 2:24

Na cangcilnak mun cu cang a dimin um tuk hi. Sabit ngawinak khuk le na beel uhte cu sabittuileh olif situi cu let tuk hi.

THIAMPI NADEHNAK 26:5

Na lo uh pen an tampi suak tuk a, sabit ngah bawkliuhin, na lo anci cin a hun hei ten sabit thawi hih tuk uh ci. Na eih nuam uhmi hempoh ngah khawng tuk uh ci. Na ngamsung uhah ngimta zetin um tuk uh ci.

ZEKHARIAH 8:12

Lungmuang zetin anci cing thei haw tuk toh hi. A sabit kung haw in, a ngah, ngah tuk a, leipi in, an suaktikin, nguah tampi zutuk hi. Ka miphun sung pen a tang calam tei humah hi bangin muicu pia tung hi.

MATTHAI 6:33

Mah sangin Pathian Uknak le a dikcangnak zei masa saw unna, a dang hempoh cu piathuah tuk hi.

DAAN PIAKLEHNAK 11:14

Mahti bangin, na bawl uh tale, Topa in, na ngam uh i kulmi cuk nguah, khal nguah, a hunno in zutik tuk a, an le sabit le olif situi hau in,

RUTH 1:6

A nung ngeican umngawlin, Naomi in, Topa in, a phunpihte cu lo sungsuak muicu pia tih a theih ten, a mo tuah Moab ngam pen kikleh tukin ngaisung hi.