JOEL 2:13 - Ngawm Bible

¹³ Na thasiatnak uh cu na lungmu tak loli tuah langtik unna, na puansilh uhte balkeknak bekin tawk ma laih,” ti hi. Topa na Pathian nelah kikleh un. Amah cu hehpihnak le itnak neitu hi; thinsau in, a kho mi itnak tuah dim hi; dantat tuk a ngaihsutsa vang supleh thei hi.

JOEL 2:13 Iomraidhean Croise

PIANPATNAK 37:29

Reuben hengkikin, tuikhuk sung a zoh ten, Josef amuh ngawl hangin khawngai in, a puan botkek khawng hi.

PIANPATNAK 37:34

Jakob cu a puan botkekin, a thasiat langtik tukin, thangkhau puan silhin, ngeipi tian mithi ngai in um hi.

2 Samuel 1:11

David cu a thasia in, a puan a botkek hangin a mihing hempoh vangin botkek bok haw hi.

1 KUMPI 21:27

Elijah in thu a hilh ceng ten, Ahab cu a puan botkek khawng a, thangkhau puan silhin, an hei ei ngawlin um hi. Thangkhau puan silhin zau a, thasiazet le mitmai sia zetin um hi.

2 KUMPI 22:11

Kumpi in Daan Laibu sung a thute a zak ten, a thasia in, a puan botkek hi.

2 KUMPI 22:19

Jerusalem le a khuasung mite hempoh bawlsia tung tih na theih ten sik kikin, na puan botkek ci, a kapthahin ka mai ah na lungmu a nem hangin na thungetnak cu theihsak ing. Jerusalem le a khuasung mite ka bawlsiat daan cu mi tampi in, amuh haw ten mulling hah ti haw tuk, a mun cu midang tamsiatnakin man mi minin suak tuk hi.

2 KUMPI 5:7

Mah laikuat cu Israel kumpi in, a sial ten lamdangsa in, a puante botkek khawng a, “Itin kaw Siria a kumpi in hi pa hi na damtikin tin, a tih thong theih? Nunnak le thihnak huham neitu Pathian hangin maw kei a ngaihsut? Keimah tuah hauhdunnak zei hi poh hi,” tin ti hi.

2 KUMPI 6:30

Mah thu cu kumpi in, a zak ten a thasia in, a puante botkek khawng hi. Khuapi kulhtian hum a hawh laihin, a el a um miten a puansilh sunglamah thangkhau puan a silh cu mu haw hi.

2 KHANGSIALNAK 6:27

maw, Topa, vancung pen ngai inna, Israel mi na mihing tei sualnak cu ngaidam zalin hi. A dikmi bawl tukin nangmah in zilh inna, na mihing tei lakah a kumkhua amuta hi tukin, na piakmi, hi ngamah van nguahzutik zalin hi.

NEHEMIAH 9:17

Na thu zui nuam ngawlin na bawlmi nate phawkngil khawng haw, Na lamdang na bawl mite cu cingleh haw ma toh. A uangthuannak haw tuah hotu teng haw hi, Izipt saltannakah kihpihleh tukin hi. Mahnaven nang cu mi ngaidamtu, thangaitu Pathian hi ci, Hehpihnak le itnak nei ci, thinsauzet ci. Na hehpihnak cu ngeng ngangai hi, nung hek tuk phal ma ci.

JOB Laibu (The Book of Job) 1:20

Job cu tho in, khawngai in, a angki bot kek khawng hi. A sam metkolh khawng a, leihumah bokin,

SAAM LABU 103:8

Topa in hehpihnak le hehpihnak nei hi; A thinduai in itnak tuah dim hi.

SAAM LABU 106:45

Amuh tei ca ngaisungin, a thutep khotik hi. A ihnak a ngeng hangin a lungmu niamkhiat hi.

SAAM LABU 34:18

Topa cu thinnau tei elah umin, muansannak a nei ngawl toh tei nunpan hi.

SAAM LABU 51:17

Maw Pathian aw, ka piakmi biakpiaknak cu a tamzanmi lungmu hi. A tamzanmi le sual sik lehmi lungmu cu kik awng tukma ci.

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 58:5

An na can uhten haksatnak piadun thong uh ci; Hampa kung bangin lu kun buabuai uh ci; na zaunak uhah thangkhau dip le vut phah uh ci. Mah cu maw ancang ung na tih uh? Mah humah ka lungdam tuk heng bawl uh cim?

ISAIAH 66:2

Lei le vante cu keima semsuahmi haw hi. Lung nemmi, sihkiknak lungmu neimi le ka thu zui in, a kihca tei humah ka lungdam hi.

JEREMIAH 36:7

Topa i lakah thungenin, a nundan pha ngawlte zamsan khawng haw na maw ti hi. Itahim titale hi mihing tei humah Topa in, a lauhuaimi a thinuknak leihsuk tum tin ti ing.”

JEREMIAH 41:5

Shekhem, Shiloh le Samaria pen mihing sawm liat heng haw hi. A kha mul haw metin, a puan haw botkekin amuh le muh sundunin le atdunin, Biakinn ah canghovam le namtui pia tukin a hungte haw hi.

JEREMIAH 42:10

‘Hi ngam sungah um tuk na nuam uh tale siatsuah tuk mang, tungding saw tung hi; bot tuk mang, kho zetin phut saw tung. Na hum uhah ka hentikmi siatlalnakin ka thin natik zo hi.

EZEKIEL 9:4

“Jerusalem khuapi mun hempoh ah hawh inna, thasia le lungnop ngawlin a umtu hempoh tei calah sialsiahnak khenin,” ti hi.

HOSEA 14:1

Israel mite aw, Topa na Pathian nelah kikleh un. Na sualnak uh hang bahin, lum zo uh ci.

JONAH 3:9

A thih khawng ngawlnak tuk uhin, Pathian in, a thinsupleh tuk a, a thinuknak daitikleh hei hi thei,” tin ti haw hi.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

MIKAH 7:18

Topa aw, nangmah bang Pathian kuamah umma hi. A tang calam na mihingte cu a sualnak haw ngaidam ci. Kumkhua in, na thinuk ma ci; a khomi na itnak cu amu humah hengtik leleng ci.

NAHUM 1:3

Topa cu baihno in, a thinuk ma hi, mahnaven a huham nasezet hi. Misualte dantat ngawlin luattik hihim tukma hi. Simpei le huihpi sungah a lampi umin, meingo cu a keciahnak pen a khu tomi leivul khu hi.

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

EFESA 2:4

Mahnaven Pathian i ohte a hehpihnak cu cangkim ngangai in, a itnak vang cu a ngeng leita hangin,

1 TIMOTE 4:8

Taksa damnak tukin cunmi cu man nei bok naven hawvang damnak tukin cunmi cu ihempoh ah man a neimi hi. Itahim titale atu-in hihen, mailam ca hei in hihen, nunnak tukin thutiam hi.