JOEL 2:12 - Ngawm Bible

¹² Topa in, “Atu hei in,” na lungmu uh venghawng tuah “Ancang le hitui luang tianin kikleh un; ka lakah thasia zetin kikleh un hi.

JOEL 2:12 Iomraidhean Croise

2 Samuel 24:10

Mahnaven mahti bangin mipum sialnak a bawl nungten, David cu a lungmu nop ngawlin, Topa i lakah, “Thil sualzet bawl zo ing. Maw Topa ka sualnak hi ngaidam zalin hi. Sil nadek ing,” tin ngen hi.

2 KHANGSIALNAK 30:6

Kumpi le a khutnuai bawi tei thupiaknak bangin Judah ngam le Israel ngam sungah mi hahin, a mi zopnak haw cu hi bangin ngan haw hi. “Israel mi u le nau, Assiria miten a ngam uh neh haw naven noh cu suakca uh ci. Atu-in, Abraham i Pathian, Isaak le Jakob i Pathian Topa i lakah kikleh toh unna, amah vang nangmu lakah kikleh bok tuk hi.

2 KHANGSIALNAK 6:27

maw, Topa, vancung pen ngai inna, Israel mi na mihing tei sualnak cu ngaidam zalin hi. A dikmi bawl tukin nangmah in zilh inna, na mihing tei lakah a kumkhua amuta hi tukin, na piakmi, hi ngamah van nguahzutik zalin hi.

Esther 4:16

“Hawh inna, Susa khuapi a, Judah mi hempoh samkhawmin hi, ancang unna, keima ca in thungen un. A sun a zan ti ngawlin, ni thum sung imah ei ngawl le in ngawlin, thungen un. Keimah le ka umlawh numeite vang mahti bangin um bok tuk ung. Mahnung ten a daan kha ma naven kumpipa i lakah hawh tung. Hi bangin ka thi ahi tale thi poh nang,” ti hi.

SUAHTULNAK 33:5

Topa in, Moses lakah, “Israel mi lakah, ‘Nohte cu mi lungmu ngeng hi uh ci. Dawmno sung hei na lak uhah ka hawh a hin, siatsuah khawng tung hi. Mah hangin na, sui le ngun uhte cu duk khawng un. Mahnung ten na hum uhah ikaw ka bawl tuk tih thei tung hi,’ tin hilhin,” ti hi.

ISAIAH 22:12

Cungnungbel Topa in, kap le tau tukin, na sam uh metkolh tukin le thangkhau puan silh tukin nangmuhte cu sam hi.

ISAIAH 58:4

Mi thi nai suahtik lau ma uh ci; sualdunin haudun si uh si. Hi bangin na an cannak uh i hangin na thungetnak uh a ngai tuk hengin maw na ngaihsut uh?

JEREMIAH 3:22

Topa a nunghektu mi hempoh kikleh un hi; amah in damtik tuk a, muantakmi in bawl tuk hi. Noh ten, “Mahzuh hi, Topa i lakah kikleh ngai nung, itakaw titale amah cu eimuh tei Pathian hi.

JEREMIAH 36:7

Topa i lakah thungenin, a nundan pha ngawlte zamsan khawng haw na maw ti hi. Itahim titale hi mihing tei humah Topa in, a lauhuaimi a thinuknak leihsuk tum tin ti ing.”

JEREMIAH 4:1

Topa in, “Maw Israel mite, kikleh na nuam uh tale ka lakah kikleh un. Ka ningdelhzetmi, milim biaknakte vawkin ka mai ah muantakin, na um uhten.

JEREMIAH 4:2

Ka min salin siatcamnak na bawl uh hei in nangmu ca in, a dikmi le a pha mi hi tuk poh hi. Miphun hempoh ten muicu pia tukin ngen haw tuk a, thangphat haw tuk,” ti hi.

EZEKIEL 33:11

Phano in hilhin; Cungnungbel Topa keimah cu a nungmi Pathian ka hih bangin hilh ing hi; misual pa khat a thih muh cu ka lungdam zawng kha ma hi. Sualnak zamsanin, a nuntuk cu mu nuam saw ing. Maw Israel, thilpha ngawl na bawlmi cu cawl tohin hi. Ita thih tuk cu nuam li nge cim?

DANIEL 9:3

Topa Pathian nelah lungmu tatak tuah ancang thungen ing a, thangkhau puan silhin, vut lakah khungin ngen ing.

HOSEA 12:6

Mah hangin Jakob casuante, na Pathian uh cu muangin, ama nelah kikleh un. Muantak zetin nung unna, Pathian nadek tukin thinsau zetin ngak un hi.

HOSEA 12:7

Topa in, Israel mite cu Kanaan mite bangin awklawlzet haw hi. A van leitute cu cuai man ngawl tuah zol tum haw hi.

HOSEA 14:1

Israel mite aw, Topa na Pathian nelah kikleh un. Na sualnak uh hang bahin, lum zo uh ci.

HOSEA 6:1

Mipi ten, “Topa i nelah kikleh un! Amah in ohte bawlsia zo naven amah lelengin damtik tuk hi. Liamsuah zo naven amah lelengin cunsak tuk hi.

JOEL 1:13

Biaklandawh hum a nadektu, noh thiampite thangkhau puan silhin kap un! Biakinn ah hawhin, zankhua kap un. Pathian ah na piak tuk uh an le sabittuite bo khawng zo.

ZEKHARIAH 7:3

thiampi le profet tei lakah thudong tukin hawh haw hi. A thudot haw mi cu, “Biakinn pi siatsuah khawng a hih hangin, kum tampi sung ka bawl zo uh bangin ha nga ha ten an cangin thasia le khawngai in umlaih ni ung maw?” tin dong haw hi.

ZEKHARIAH 7:5

Topa in, “Hi ngam a mihing le thiampite cu hilhin: kum sawm salih sung, ha nga ha le ha salih ha an cangin, a taulih haw cu keimah a upat haw hang hi kha ma hi.

MALAKHI 1:9

Atu-in, noh thiampite, Pathian in, ohtei humah phatnak bawl tukin ngen teh hem un. Na thunget uh a ngai kha viang ngawl ahi tale nangmu khelhnak tuk hi.

NUNGZUITU 26:20

Amasabelin Damaskas khua ah, mahten Jerusalem khua ah, mah nungten Judah ngamsung hempoh le Gentail mitei lakah vang hawhin, na sualnak uhte sik unna, Pathian nelah kikleh un hi; mahten sual na sihlehnak uh khi na nunzia uhin langtik un, tin hilh pepel ing.

THUKHENTUTE 2:4

Topa i vancungmi in Israel mi hempoh humah hithu a hilh ten kap leilui haw hi.

THUKHENTUTE 20:26

Israel mi hempoh Bethel ah hawhin, lungsia in kap leilui haw hi. Topa i mai ah ni taklam tian an hei ei ngawlin khung haw hi. Pawlkom biakpiaknak le halkang biakpiaknakte Topa i lakah pia haw hi.

1 SAMUEL 7:3

Samuel in, “Na lungmu tatak tuah uhin, Topa na zuan nuam uh tale ngamdang pathian le Astrate zukte cu vawk khawng un hi. Na nunnak uh a venghawngin Topa i lakah pia khawng unna, amah bek bia un. Filistin tei khut sung pen Topa in luattik tuk,” ti hi.

1 SAMUEL 7:6

Mah hangin Mizpah ah tawkdun khawm haw hi. Tuicawi in Topa i lakah biakpiaknak munah tui leih haw a, sun nilui ancang haw hi. “Topa i humah sual ung hi,” tin ti haw hi. Samuel in Mizpah ah Israel tei thu son sak hi.