JOEL 2:10 - Ngawm Bible

¹⁰ A matan hawah lei buppi cu hingin, van vang hing dudut hi; ni le hade thimin, aksite vaak haw ma toh hi.

JOEL 2:10 Iomraidhean Croise

SAAM LABU 114:7

Leipi aw, Jakob i Pathian mai ah Topa a hun ten hingin hi.

SAAM LABU 18:7

Pathian a thin a uk hangin, leipi cu hingin can hi. Mual hempoh tei khunnak bul tawphah cu hingin can tawtok haw hi.

ISAIAH 13:10

Van aksi le aksi honpite vang vak haw tukma hi. Ni a suak hei ten thimin, hade hei vak tukma hi.

ISAIAH 34:4

Ni, hade le aksite cak haw tuk a, leivulin suak khawng haw tuk hi. Van cu lawhdei zial bang zialdunin, thamthong tuk hi, aksite cu sabit kung le theipi kung a ceh a zuk haw bangin zuk haw tuk hi.

ISAIAH 5:30

Mah ni a hen ten, tuipi thum bangin Israel humah thumin au haw tuk hi. Hi ngam hi zo hem un. Thimnak le aicannak bek um hi. Vaknak cu khuathimin thon hi.

JEREMIAH 4:23

Lei ka zo le, taisanmi ngamkhing hi a, veng diudeu thong. Van ka zo le, vaknak imah umma.

JOEL 2:2

Khuathim le khawngaih ni heng hi. Meingo thimpi le khaaumawng tei khuhbing ni heng hi. Mual humah khuathim bangin khaaumawng ngalkap honpi heng hi. Hih ni bang um awng ma hi. Mailam hei ten um awng tukma hi.

JOEL 2:31

A lauhuai zetmi Topa ni, a hen deuh laih ngawlin ni cu thim tuk a, hade cu thisanin cang tuk hi.

JOEL 3:4

Noh Taiar, Sidon le Filistin ngamte, keimah iti bang bawl nuamin pel li uh nge cim? Ka humah phulak tum uh cim? Ka humah i bawl thei tuk uh cim? Na bawl uh tale manlang zetin, nangmu lu humah hengkik paih tung hi.

AMOS 5:8

Topa in, aksite bawl hi, si luk le zawlzawngte vang bawlin; khuathim cu sun ni vakin bawlin, sun cu zanin cangtik hi. Tuipi thuanthum tuite la khawmin, lei ah a leih suktu, a min cu Topa hi.

NAHUM 1:5

Mualsangzette a mai pen hing haw in, mualniamte cim khawng haw hi. A mai pen leipi le a hum a ummi mihingte cu canin, hing tawtok haw hi.

MATTHAI 24:29

“Mahmi haksatnak hun a bo ten ni thim tuk, hade vakleh tukma toh, van pen aksite cakin, van a ummi vaknak huhamte cu amu hawhnak lampi pen pial haw tuk hi.

MATTHAI 27:51

Mahten Biakinn puanzak cu a lulam pen a nuailam tian khen nihin balsuk hi. Leihum hempoh ah hiinhing khawngin, suangpi keh khawng hi.

NUNGZUITU 2:20

Topa i Ni sunglawi le ni sunglawi a hen deuh laihngawlin, ni thim tuk a, hade khi thisan bangin san tuk hi.

MANGMUHNAK 20:11

Mahten a ngengpi kumpi khunnak ngo le a hum a khungtu mu ing. Lei le van ten kumpi khunnak hum khungtu i umnak pen taisan khawng haw in, amuhte cu mah munah umleh haw ma toh hi.

MANGMUHNAK 6:12

Tuuno in tacik pa luknak a duh khi mu ing. Hiinhing nase zetin, ni cu puansia haang bangin haang a, hade cu thisan bangin san hi.

MANGMUHNAK 8:12

Mahten vancungmi pa linakin, a pengkul a tum ten, ni khen thum khenkhat, hade khen thum khenkhat le aksi khen thum khenkhat cu thim hi. Mah hangin khuavaknak khen thum khenkhat pai hi. Sun khen thum khenkhat le zan khen thum khenkhatah khuavak ma hi.

MANGMUHNAK 9:2

Mahmi aksi in taw nei ngawl khuk thukpi cu a hon ten, pumsuknak mei pualpi pen a tulmi meikhu bangin meikhu tampi tul bembum hi. Mah meikhu in, ni i vaknak cu thimtikin thimzing tung hi.