JOEL 2:1 - Ngawm Bible

¹ Zion mual pen pengkul tum un: Pathian mual thiangtho hum pen ngallinnak daak tum un. Hi ngamsung ummi hempoh ten lau in, can khawng haw tahen. Itahim titale Topa i ni cu nai zo hi.

JOEL 2:1 Iomraidhean Croise

1 KHANGSIALNAK 15:28

Israel mi hempoh ten Thutiam Kuang cu zui in, lungdam le au thahin, pengkul, sialki, daakkop le tingtangte tumthahin Jerusalem ah hawhpih haw hi.

SAAM LABU 119:120

Nangmah hangin ka thinsu; Na thukhennak hangin can tawtok ing.

SAAM LABU 87:1

Pathian in mual thiangtho humah a khuapi toh hi.

SUAHTULNAK 10:14

Izipt ngam khua tihkimah hengin, a ngam buppiah dim hi. Hitih bang a tam zetmi khaau mu awng haw ma hi. Mailam heiah muleh haw tukma toh hi.

ISAIAH 13:6

Kap un hi, Topa i ni nai zo. Cungnungbelin siatsuahnak a hentik tuk ni heng awndiak toh hi.

ISAIAH 13:9

Topa i ni cu heng awndiak toh, Topa i thinuk ni le thin pulhang ni cu! Leihum buppi hi ngamkhingah cang khawng tuk a, misual hempoh cu pai khawng pial haw tuk hi.

ISAIAH 2:12

Mah ni ten Cungnungbel Topa in, thil tithei hempoh niamsuktik tuk a; mi uangthuang le mi pualthau hempoh cu nemsuk khawng tuk hi.

ISAIAH 66:2

Lei le vante cu keima semsuahmi haw hi. Lung nemmi, sihkiknak lungmu neimi le ka thu zui in, a kihca tei humah ka lungdam hi.

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

JEREMIAH 16:10

“Mahti bangin na hilh khawng ceng ten, itakaw, mahtih lawlawmin, a bawlsia tukin Topa in, a ngaihsut? Iti bang sualnak nei ung a, iti bang sualnak kaw Topa ka Pathian uh i humah a bawl uh? tin dong haw tuk ven.

JEREMIAH 16:7

A ih haw mi, a thih ten kuamah in hehnemnakin tui le ankuang kilpih haw tukma hi. A nu le a pa tei thih hei ten kuamah in tohpih haw tukma.

JEREMIAH 4:5

Hi ngamsung khua hempoh ah pengkul tum un. Ngingzet le cel zetin tum un. Judah mi le Jerusalem miten kulhtian khuapi sungah tai tukin than un hi.

JEREMIAH 5:22

Keimah cu Topa ing hi? Itakaw kihca in, na upat uh ngawl? Ka mai ah ita can tawtok ma uh kam? Tuipi mawkah philnel a koihtu, tui i tukmah ten a letvawk thei ngawlin a koihtu ing. Tuicawkpi cu suk le to ah let susul tuk naven a mawk a philnelte kal cuang tukma. Tuicawkpi hei tho tuk naven pah vawk zo cuang awng tukma hi.

EZEKIEL 12:23

Keimah Cungnungbel Topa in ka hilhmi cu amuh tei lakah hilhin hi. Mah thu tehkipnak cu botik tung. Israel ngam sungah sonleh haw tukma toh. Hun kim zo, profet tei a hilhsa haw mi cu kim pepel zo tin hilhin hi.”

EZEKIEL 21:12

Mihing pa, Ezekiel aw, na thasia in tau li in, hi ngalnam hi ka mihingte thahnak tuk tihmi hi. Israel hotute thahnak tuk ti haw hi. Ka mihingte tuah thah cih a hih haw tuk hangin thasia ngunguihin, na awm cumdunin hi.

EZEKIEL 30:3

Mah ni cu nai zo hi, Topa in, a dehnak tuk ni cu miphun tei ca in khua nim le haksatnak ni hi.

EZEKIEL 33:3

Ngal tei hunlih amuh haw ten mi hempoh ngallin piaknakin pengkul tum hi.

EZEKIEL 33:6

Ngalviltu in ngal tei hun lih cu mu naven ngallinnak a pia ma tale ngalte cu hungin misualte cu that haw tuk hi. Mahnaven a thisan man haw cu ngalviltu lakah sot tung hi.

EZEKIEL 7:10

Israel tei siatlalnak ni heng tuk hi. Thisan luannak pung pepelin; pualthaunak a tawpkhawk tian heng zo.

EZEKIEL 7:12

Hun cu heng tuk hi. Thil lei le thil zuak tihte hi imah ngawl a hih huncan nai zo, itahim titale Pathian dantatnak cu mi hempoh humah heng tuk hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

DANIEL 9:16

A bosa hun sungin nang cu kohte pantu hi leleng ci, mah hangin Jerusalem humah na thinuk zal toh pahsun. Jerusalem cu nangma khuapi le na mual thiangtho hi. Keimu sual hangin le ka pu le pate a sual haw hangin a elkim ngammi hempoh ten Jerusalem le na mihingte cu nautat haw hi.

DANIEL 9:20

Ka sualnak le Israel tei sualnak phuangin, thungen leleng ing, ama Biakinn thiangtho cu masa laih bangin a tundin lehnak tukin Topa Pathian lakah catngawlin ngen ing.

HOSEA 5:8

Gibeah pen ngaldonak pengkul tum un! Ramah pen ngallinnak pengkul tum un! Bethaven pen ngaldo aunak tuah au leilui un! Benjamin mite ngaldonakah hawh un!

HOSEA 8:1

Topa in, “Pengkul tum un! Ka ngam sungah ngalte cu muvanlai bangin leng haw hi. Ka miphun ten amuh tuah ka thutiam mi susia khawngin ka thuzilhte deih haw ma hi.

JOEL 1:15

Topa i ni cu nai zo hi. Mah ni cu lauhuai leita! Cungnungbel el pen a nase zetmi siatnak heng tuk hi.

JOEL 2:11

Topa i thupiaknak au thawm cu a ngalkap tei mai ah vanthum bangin thum hi. A ngalkapte tha nei mahtak haw hi. A nadektu cu sialcelh haw ma. A lauhuai zetmi Topa i thinuknak ni cu! Akua in thuak thei tuk him?

JOEL 2:15

Zion ah pengkul tum un, an can tuk thupia unna, mipi pumkhawm tukin sam un.

JOEL 2:31

A lauhuai zetmi Topa ni, a hen deuh laih ngawlin ni cu thim tuk a, hade cu thisanin cang tuk hi.

JOEL 3:14

Thukhennak Mun lawngpi sungah mi thawng tampi um haw hi. Thukhennak Mun Kuampi pen Topa i thukhennak ni nai zo hi.

JOEL 3:17

Keimah cu, Topa na Pathian ka hihlam thei tuk uh ci; ka mual thiangtho Zion ah a ummi ing. Jerusalem cu khua thiangtho hi tuk a, ngamdangmi kuamah in neh thei haw tukma hi.

AMOS 3:6

Ngaldonak pengkul khua sung pen a tum haw ten khua mite thinsu ngawlin um thei haw ni maw? Topa i hah ngawlmi khua sungah haksatnak heng ni maw?

AMOS 5:18

Topa i ni a ngakhelzet tute na ca uhin lauhuaizet tuk hi. Mah ni cu i nemcuamtik tuk hum? Na ca uhin khuathim ni tuk hi, khuavak ni kha tukma.

AMOS 8:2

Topa in, “Amos ikaw na muh tin dong?” “Thingngah bawm khat mu ing tin donleh ing.” Topa in, “Ka mihing Israel tei a bo ni heng zo hi. Amuh bawlsia tuk ka ngaihsutmi cu khelleh tukma toh ing.

OBADIAH 1:15

A ngei ngawlin Topa keimah in, miphun hempoh humah ka thukhennak ni nai zo hi. Edom, midang humah na bawl bangin na humah bawlleh bok tung. Na thil bawldan cu na lu humah hengleh tuk hi.

ZEFANIAH 1:14

Topa i ni cu nai zo hi: naizet zo in, a ngei ngawl heng paih tuk hi. Mah ni cu siatnak ni hi tuk hi, itahim titale ngalkap a hangbelpa vang lungbingin kap tuk hi.

ZEFANIAH 1:16

Ngaldonak thawmvang le pengkul aw tuah a dim ni, ngalkap ten kulhtian khuapi le ngalvilnak innsangpite do tukin le a do thah haw in, a aunak tuah a dim ni hi tuk hi.

ZEFANIAH 1:7

Topa i thukhennak ni cu nai zo hi. Mah hangin a mai ah daino in um un. Topa in, a miphunte cu biakpiaknakah piak tuk tumtahin, Judah ngam siatsuah tukin ngalte sawm hi.

ZEFANIAH 3:11

noh ka mihingte, keimah na langpang uh hangin zakca in um tukma toh uh ci. Mi ngal le mi pualthau hempoh cu phathongtik khawng tung a, noh ten ka mual thiangtho hum pen dodalleh tukma toh uh ci.

ZEKHARIAH 14:1

Topa in, a thukhennak tuk ni nai zo. Jerusalem khua simin, a laksak haw mi nate cu a mitmuh haw in sem haw tuk hi.

ZEKHARIAH 8:3

Kikleh tung a, ka khuapi thiangtho Jerusalem ah um tung. Muantak khuapi tin thei haw tuk a, Cungnungbel Topa i mual cu mual thiangtho tin sam haw tuk hi.

MALAKHI 4:1

Ihempoh tithei Topa in, “Somei bangin a lingmi meiling heng tuk hi. Mi pualthau le mipha ngawlte cang kungko bangin a halkang ni heng tuk toh hi. Mah ni ten amuhte cu mei tuah haltum khawngin, a zung le a kangkakte vang imah tang tukma toh hi.

MIPUM SIALNAK 10:2

“Pummei tuah sukmi ngun pengkul pa nih bawl inna, Israel mite hulawm tuk samnakin le ngiahnak thawn tukin thuthannakin mangin hi.

MIPUM SIALNAK 10:3

Pengkul pa nih ngeizet a tum haw ten, mipi cu a venghawng haw in ka umnak puanbuk tumnak kongka ah khawmdun haw tuk hi.

1 KORIN 14:8

Ngaldo man toh ung tihnak pengkul tumtu pa in, a pengkul ciangno in, a tum ma tale akua kaw ngaldo tuk a mansa in, a um thei tuk?

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

1 THESALON 5:2

Itahim titale nangmuh loli in Topa i hunlehnak tuk Ni cu zanlam a nguca bangin hung tuk tih ciang zetin thei uh ci.

JAMES 5:8

Mahti bang bokin nangmuh vang thinsau zetin um un, na muansannak uh khohtik un. Itahim titale Topa i hennak ni nai zo hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

MANGMUHNAK 6:17

A thinuknak hangin, a lauhuai zetmi ni cu heng zo hi, akua kaw a thuak thei tuk,” tin au haw hi.