JEREMIAH 8:2 - Ngawm Bible

² Munkhatah phano khawmin, vui hi ngawlin a nguh haw cu leihumah ekdawm bangin thehkeh khawng hi tuk hi. Himi ten a sunsak haw mi, na a dehsak haw le a thudotmi, a otpih haw mi, ni le hade le aksi tei mai ah pho in, thehkeh khawng hi haw tuk hi.

JEREMIAH 8:2 Iomraidhean Croise

2 KUMPI 17:16

Topa a Pathian haw i piakmi Daan hempoh siatsuah khawngin, daal tuah bawlmi khuicang zuk pa nih bia haw hi. Mah hum pen pathiannu Asherah i zuk bawl haw hi, aksi bia haw a, Baal pathian i nadehsak haw hi.

2 KUMPI 21:3

Manasseh in, a pa Hezekiah i siatsuah khawng zomi pathian a biaknak haw innte cu a thakin saleh hi, Baal pathian biaknak biaklandawhte dawhin, Israel kumpi Ahab i bawl zo bangin pathiannu Asherah zukte bawl hi. Manasseh in aksite vang bia hi.

2 KUMPI 21:5

Topa i Biakinn a khan pa nih sungah aksite biaknak tukin biaklandawh pa nih dawh hi.

2 KUMPI 23:5

A laihngawl a, Judah kumpi a dektu kumpi tei nadeh piakmi thiampite, Jerusalem elkim le Judah ngam sungah Pathian biaklandawh hum a, biakpiaknak piatu thiampite le Baal pathian, ni, hade, aksi le van a ummi hempoh tei lak a, biakpiaknak bawltu thiampite hempoh cu a nadeh haw pen hawlvawk khawng hi.

SAAM LABU 53:5

Mahnaven amuhte cu vei khat mah a tawh awng haw ngawlmi launak tuah thinsu linglawngin um haw tuk hi. Itahim titale Pathian in, a ngal tei nguhte khenkhektik khawng hi. Pathian in, amuhte a lawl zo hangin, Israel miten neh hihim haw tuk hi.

SAAM LABU 83:10

Endor ah neh ci, a luang haw leihumah a muat a zan khawng bangin!

SAAM LABU 83:11

Oreb le Zeeb tei hum a, na bawl bangin amuh uktu bawi tei humah bawl bokin hi. Zebah le Zalmunna na neh bangin, amuh puitute vang neh bokin hi.

THUHILHTU 6:3

Mi pa khatin, cano za khat a nei hei in, kum ngeipi nungin, khan phazet ahi hei in, a neih le siahte nunnopin, mang ngawlin lungnopnak a ngah ma tale amah sangin, a thisa in, a suakmi nauno pha saw laih hi.

JEREMIAH 14:16

A thu a ngaitute hei mah bang lelengin thah hi haw tuk! A luang haw cu Jerusalem khuapi lam lai ah vawk hi haw tuk a, kuamah in vui haw tukma. Amuh bek hi ngawlin a zi haw, a canu, a capate vang mahti bang lelengin bawl hi tuk hi. A sualman haw nase zetin thuak haw tuk tin,” ti hi.

JEREMIAH 16:11

Keimah, Topa i hilhmi cu hilhin; “Na pu le pa ten keimah zamin, pathian dang tei nadekin bia haw hi. Nunghekin ka thu zilhmi zui nuam haw ma.

JEREMIAH 16:4

Natnak a phunkim tuah thi haw tuk naven a kahtu hei kuamah um haw tukma. A luang haw cu lei lakah ekdawm bangin thehkeh hi haw tuk hi. Ngaldonakah thi haw tuk, an eih tuk um ngawlin thi haw tuk, a luang haw cu vano le ngamsa tei an hi tuk hi.

JEREMIAH 16:6

Hi ngamah mihau hihen, mi ca-ngah hihen, imah nei ngawlte tuah thi lang khat ten haw tuk a, phumtu tuk kuamah nei haw tukma. Kahtu hei nei haw tukma. A lungsiatnak haw langtiknakin, kuamah in, namno tuah atdun haw tukma, a lu haw hei met haw tukma.

JEREMIAH 19:13

Jerusalem innte, Judah kumpi innte le inn dadang, a hum pen aksi lak a, namtui a halnak haw le pathian dang lak a, biakpiaknak sabittui a leihnak inn haw hempoh cu Tofeth bangin a thiang ngawlmi in cang haw tuk,” ti hi.

JEREMIAH 22:19

Laak a thih ten a vui haw bangfang tuk hi. A luang cu kai haw tuk a, Jerusalem kongbiang pua lamah a vawkin, zam haw tuk,” tin ti hi.

JEREMIAH 25:33

Topa i thahmi tei luang cu leimawk khat pen mawk khatlam tian thehkeh khawng tuk hi. Kuamah in kah haw tukma, luang latu le vuitu hei nei ngawlin um haw tuk hi. Leihumah ekdawm bangin lumthong haw tuk hi.

JEREMIAH 31:40

Mithi vuinak le buak a vawknak haw munlawn buppi le Kidron luimawk kuam hum a, ngam hempoh, nisuahnak lam pen cipuh kongka tian, a venghawngin keima ca in mun thiangtho hi tuk hi. Khuapi cu ituk mahten phiat le siatsuah hileh tukma toh,” tin ti hi.

JEREMIAH 36:30

Mah hangin keimah, Topa in, nang kumpi Jehoiakim hilh pah ing cuh, phano ngai in! David ukmi ngam hi na casuan kuamah in uk awng haw tukma. Na luang cu khuahialah vawkthongin um tuk, sunlamin nisa in em tuk a, zan lam ten daita in khiak tuk hi.

JEREMIAH 9:20

Keimah in, noh numeite, Topa i awnkam ngai hem un! A hilhmi hi phano in ngai hem un! Na canu uhte mithi ngaihdan hilh un hi. Na ngualcam uhte mithi vuinak la sakdan hilh un hi.

JEREMIAH 9:21

Thihnak hi a tukvelh uh pen tumin, a kumpi inn uh tian heng zo hi. Khuasung lampi ah naupangte a that tukin le tawhdun khawmnak dawlah tangvalte pailaltik tukin heng zo hi.

JEREMIAH 9:22

“Lo sung a, thehmi ekdawm bangin; Miluangte cu mun hempoh ah thehkeh haw hi. Ankung cawmtu ten cangatin, a zam tahaw mi, kuamah i cop nuam ngawl a zalh phengphungmi cang bangin zam haw hi. Hi bangin hilh tukin, Topa in hah hi,” ti ing.

EZEKIEL 29:5

Nangmah hihen, ngasate hihen phillawnah vawk tung. Na luang cu phillawnah tangin, kuamah in vui haw tukma hi. Na cik cu ngamsa le vanote pia tung.

EZEKIEL 39:5

Lenkolh lakah lumin, thi haw tuk hi. Cungnungbel Topa keimah in hilh zo ing.

EZEKIEL 6:5

Israel tei luang cu khua tihkimah khenkhek khawng tung, a nguh haw vang biaklandawh tei kimkotah theh zau khawng tung.

EZEKIEL 8:16

Biakinn sunglam khanah hawhpih leleu. Mahlai ah Topa i inn thiang kongka el biaklandawh le inntual laklawhah mihing sawm nih le pa nga um haw hi. Mun thiangtho cu nunghek sanin, ni suahnak lam hekin, kun haw in, a suak limi ni cu bia haw hi.

ZEFANIAH 1:17

Topa in, “Mihing hum a, siatlalnak a hentik mi cu nasezet tuk a, mi hempoh cu mitcaw bangin vak haw tuk hi. Ka humah a sual leita haw hangin a thisan haw cu tui bangin bua lei in, a luang haw cu leihumah uih zetin muatcih haw tuk,” ti hi.

ZEFANIAH 1:5

Inn humah kaito in ni, hade le aksi a biatute cu siatsuah khawng tung hi. Keimah a biatu le ka min suangin, tiamdunnak bawltu hi haw naven Milkom min tuah tiamdunnak a bawltu cu siatsuah tung hi.

NUNGZUITU 7:42

Mah hangin Pathian in nunghekin profet tei laibu sung a, ngat bangin van a aksi biatik hi. Mah laibu sungah: “Israel mite, kum sawm li sung phillawn ngam ko ah dawi biakpiaknak na bawl uhmi khi keima lakah na bawl uhmi hi ma hi.

DAAN PIAKLEHNAK 17:3

pathian dang, ahimata ni maw, ha maw, aksi maw bia in, a nadek hi. Topa i humah sualin, a thutepnak siatsuah hi,

DAAN PIAKLEHNAK 4:19

Van a, na muh uhmi ni le hade le aksi cu vanhaang nuai mihing hempoh tei ca in hi a, noh ten bia in, a na dek sual pahsuh un.