JEREMIAH 7:9 - Ngawm Bible

⁹ Nguca in, mithat uh ci, nupa sualnak vang bawl uh ci, zolthuson uh ci, Baal pathian lakah biakpiaknak pia inna, theih awng ngawl uhmi pathian bia uh ci.

JEREMIAH 7:9 Iomraidhean Croise

1 KUMPI 18:21

Elijah cu mipi mai ah dingin, “Ituk tian kaw na lungmu uh khenkhuai thei ngawlin na um hih tuk uh? Topa cu Pathian ahi tale bia un; mahnaven Baal cu Pathian hi na ti uh tale bia poh un,” ti hi. Mipi ten imah awn ngawlin meng khipkhep haw hi.

SUAHTULNAK 20:3

“Keimah sial ngawl pathian dang bia pahsuh un.

ISAIAH 1:13

Na thilpiak uhte nemcuamnak imah nei ma hi. Namtui na piak uhmite vang ningdelh ing. Na Ha Thak puai uhte, na Sabbath uhte le na pumkhawmnak uhte hi thuak thei ma toh ing. Na sualnak uhin, siatsuah khawng zo.

ISAIAH 58:2

A nisial bia in, ka dan zui in le a manmi bawl hengin ngaisung li haw hi. Amuhte thupha pia tukin le danpha pia tukin ngen haw,” ti hi.

JEREMIAH 1:16

Ka mihing tei humah siatsuahnak cu hengtik tung; sualin, nung a hek haw hangin le dawih phun dadang lakah biakpiaknak bawlin, milimte amu kut loli tuah bawlin a biak haw hangin cawh tung hi.

JEREMIAH 11:13

Judah miten a khuapi haw zah bokin, khawhuai nei haw; Jerusalem miten a ningdelhhuai mi Baal khawhuai lakah biakpiaknak tukin lampi a neih haw zahin, biaklandawh tiang bok haw hi.

JEREMIAH 11:17

“Israel le Judah cu keimah Cungnungbel Topa i phut kho mite hi. Mahnaven atu-in, a hum hawah siatlalnak hentik tum ing. Hi siatlalnak hi amuhno in, a hum hawah a hentik haw mi hi. Itahim titale Baal khawhuai lakah biakpiaknak pia in, thil sual a bawlnak haw i hangin ka thinuktik haw,” ti hi.

JEREMIAH 13:10

Hi mi suaksual ten ka thungai nuam hihim haw ma. Ni dang bang lengin a lung haw khohin, suaksual leleng haw, pathian dadang tei nadekin, bia haw hi. Mah hangin hi bawngbi comnote bangin sia haw tuk a, man tak ngawlin cang haw tuk hi.

JEREMIAH 18:15

Mahnaven ka mihingte in phawkngil haw, milim lakah namtuite haal haw hi. A hawhnak haw tuk lampi ah hawhin bah haw hi. Lampi lun zuileh haw ma toh. Selh ngawlmi lampi ah hawh lamsang haw hi.

JEREMIAH 19:4

Hitih bang thil cu hengtik tung, itahim titale mipi ten nunghekin, khawhuai tei lakah biakpiaknakte pia in, hi ngam hi nintik zo haw toh hi. Mah khawhuaite cu amuh le a pu le pate hei hihen, Judah kumpi lak pen hihen, a theih awng haw ngawlmi hi. Hi ngam cu mawh nei ngawl tei thisan tuah dimtik hi.

JEREMIAH 32:29

Mei tuah haal haw tuk hi. Himi ten a inn hum haw a, Baal pathian lakah namtuite halin pathian a dadang tei lakah sabittui pia in, a leih haw hangin ka thinuktik haw hi. Hi mite cu a innte tuah tum bilhbelhin halkang khawng haw tuk hi.

JEREMIAH 44:3

Ita mahtih bangin um kaw titale thil sual bawlin ka thin a uktik haw hang hi. Nohte hei cu na pu le pa ten hihen, na biak awng uh ngawlmi dawihte bia in, pathian dadang lakah biakpiaknak bawl haw hi.

JEREMIAH 44:8

Na umnak uh hi Izipt ngam sungah pathian dadang lakah biakpiaknak bawlin le milimte bia in, ita ka thinuktik nge uh cim? Leihum mi hempoh tei bawlsuk, bawlto tukin le na min uh hi tamsiatnakah man tuk le nangmuh le muh siatsuahdun khawng tum uh cim?

JEREMIAH 44:9

Judah ngam khua sungah le Jerusalem khuasung lampi humah na pu le pate, Judah kumpite le a zi tei thilpha ngawl na bawl uhte phawkngil khawng zo uh cim?

JEREMIAH 48:35

Moab mitei pathian biaknak munah halkang biakpiaknak pia thei ngawlin le Pathian tei lakah piaknak bawl thei ngawlin kham tung hi. Keimah, Topa in hilh zo ing.

JEREMIAH 5:2

Topa umtu bangkekin um cop nave uhcin, na otnak uh bangin zui tumleh sih ma uh ci!

JEREMIAH 5:7

Topa in, “Itin kaw ka mihing tei sualnak cu ka ngaihthiam tuk? Ka lak pen tai in, pathian ngangai ahi ngawlmi khawhuaite bia haw hi. A kul haw hempoh pia in, cawm ing. Mahnaven nupa sualnakte bawlin a hun haw cu numei pha ngawl tei lakah pia haw hi.

JEREMIAH 7:6

Ngamdangmi nu le pa nei ngawl meivongte zawnsak viang pahsuh un. Hi ngam sungah sualnak nei ngawl tei thisan luangtik toh pahsuh un. Khawhuai dang biak vang cawl toh un hi. Itakaw titale mahte cu nangmuh siatsuahtu hi haw tuk hi.

EZEKIEL 18:18

Mahnaven a pa in mizolin le nguca in, mi hempoh humah thilpha ngawl bawl hi. Mah hangin thi hi, ama bawlmi sualnak hangin thi hi.

EZEKIEL 20:30

Ka otmi hi Israel mite hilhin hi. Ita na pu le pa tei sualnak a bawl haw mi cu bawl bokin a milim haw lakah a taksa haw tian a piak haw bangin na piak nuam bok uh?

EZEKIEL 23:39

Milim biakpiaknakah ka canote a thah ni haw in, ka Biakinn ah hungin nawngkaitik haw hi.

EZEKIEL 5:11

“Mah hangin Keimah hi, a nungmi Pathian ka hih bangin Cungnungbel Topa i ka otmi cu hi bangin hi: thil sual le a nawngkaite tuah ka Biakinn na nintik uh hangin hehpihnak um ngawlin siatsuah tung.

HOSEA 2:13

Keimah phawkngilin, Baal lakah namtui halin le a khi ngual le bengkhaihte tuah a lawmpa i nungzui kawkawi hangin siatsuah tung hi. Topa in hilh zo hi.

HOSEA 6:9

Thiampite cu damiah bangin mi pang thei haw hi. Shekhem mun thiangtho hawhnak lampi hei pen mithat haw hi. Mahtibang thilpha ngawlte cu a ti himin, a bawl haw mi hi.

AMOS 4:5

Na cangho uh cu lungdamnakin, Pathian nelah pia unna, seh sawm vang a valin pia un. Mahti bangte cu si na bawl nuambel uh!

ZEFANIAH 1:5

Inn humah kaito in ni, hade le aksi a biatute cu siatsuah khawng tung hi. Keimah a biatu le ka min suangin, tiamdunnak bawltu hi haw naven Milkom min tuah tiamdunnak a bawltu cu siatsuah tung hi.

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 2:2

Hitih bang na pha ngawl a bawltu tei humah Pathian in thu a khen ten thildik bawl hi tih thei hung hi.

DAAN PIAKLEHNAK 32:17

A biakpiaknak haw cu Pathian nelah hi ngawlin pathian dang lakah pia haw hi. A pupa tei a kihcak awng ngawl haw mi, Tu naino in, a hengmi pathian dang zuk lakah pia haw hi.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.

MANGMUHNAK 22:15

Mahnaven uicote, mitzial thiamte, nupa sualnak bawltute, laithatte, milim biatute le zolthu sontute cu khua pualamah um haw tuk hi.

THUKHENTUTE 5:8

Israel in pathian thak a ten haw ten, a do tuk ngal a khua kongka ah heng haw hi. Israel mi thawng sawm li lakah, lumphaw le ceipi cawitu pa khat bek um haw a maw?