JEREMIAH 7:4 - Ngawm Bible

⁴ ‘Himdam leng tuk hung. Hi cu Topa i Biakinn hi, hi cu Topa i Biakinn hi, hi cu Topa i Biakinn hi,’ ti in, a zolnak haw awnkam cu ngai kha toh pahsuh un.

JEREMIAH 7:4 Iomraidhean Croise

1 KUMPI 9:7

Ka mihing Israel mite cu ka piaksa ngamsung pen lengkektik khawng tung hi. Keimah biaknak tukin ka thianthohtikmi hi Biakinn hi lawl tung a, leihummi hempohin Israel mite cu zawnsakin nautatzet haw tuk hi.

ISAIAH 48:2

Mah i humah ultung zetin, “Kei cu khua thiangtho sung ummi ing; Israel Pathian muang ing hi; Ama min cu Cungnungbel Topa hi,” ti ci.

ISAIAH 59:4

Thukhennak mun na hawh uhten diknak cu nangmu lamah umma hi. A neh nuamin zolthu saw muansan uh ci. Mite natik tuk nuamnak lungmu na neih uhmi cu dek suak loli uh ci.

ISAIAH 66:1

Topa in, “Vanhum cu ka khunnak hi a, leihum cu ka ke ngaknak hi. Mah hangin ka umnak tuk iti bang inn le mun kaw na sak theih tuk uh?

JEREMIAH 28:15

Hananiah cu hi thu hilh ing a, hi bangin hilh bet ing. “Ngai hemin, Hananiah! Nang cu Topa i hahmi kha ma ci. Himi ten zolthu sang tukin so li ci!

JEREMIAH 29:23

Mahti bangin thuak haw tuk, Itahim titale thil sual bawl haw hi. Mi zi le pasal humah sualin, le Topa i minin zolthu a son haw hangin hi. Mahmi cu Topa i deih ngawlmi hi. A bawl haw hempoh thei khawngin, amah cu amu sualnak i humah thutheitu hi. Topa in hilh zo toh hi,” tin ngan ing.

JEREMIAH 29:31

Shemaiah i thu tuah pehdunin, Babilon ah sal a tangmi hempoh tei lakah hi hangin thucah tukin hilh hi, “Keimah, Topa in, Shemiah le a casuan hempoh cu dantat tung. Amah cu ka hahmi kha ma naven nangmu lakah profet bangkekin awnin zol hi. Noh tei lakah casuan pa khatno hei nei tukma hi. Ka mitei ca in thilpha ka bawl tukmi cu mu kha tukma hi. Itahim titale keimah langpang tukin ka mihingte so hi. Keimah, Topa in hilh zo ing,” ti hi.

JEREMIAH 6:14

Ka mihing tei meima cu a vunkok thong meima in ngaisung haw in, ‘Pha em poh, pha khawng poh,’ ti lamsang haw hi. A pha khawng cu hi tukma.

JEREMIAH 7:14

Shiloh hum a, ka bawl bangin na muanzet uhmi ka Biakinn humah bawlbok tung hi. Na pu le pate uh le nangmu humah ka piaksa mi mun Shiloh a, ka bawl bang cikcekin bawl tung hi.

EZEKIEL 13:19

Cangho zawl them khat co nuamin le cangho ah them khat co nuamin ka mihing tei mai ah keimah sonsia uh ci. A thi tuk ngawlte thatin, a nung tak ngawlte nungtik uh ci. Ka mihing tei lakah zolthu son uh ci a, sangzet hawta laih,” ti hi.

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

ZEFANIAH 3:11

noh ka mihingte, keimah na langpang uh hangin zakca in um tukma toh uh ci. Mi ngal le mi pualthau hempoh cu phathongtik khawng tung a, noh ten ka mual thiangtho hum pen dodalleh tukma toh uh ci.

LUKA 3:8

Na sualnak na sik ngai uh tale na deh le bawlnak uh pen langtik un hi. Abraham khi ka pu uh hi tin tili toh pahsuh tin ciang zetin hilh ing. Pathian in hi suangpi hei hi Abraham casuante cangtik thei hi