JEREMIAH 5:3 - Ngawm Bible

³ Topa i deihmi cu muantak hihnak khi hi. Vat naven imah kinmawh ma uh ci! Sikpek naven zui nuam cuang ma uh ci. Mi lungmu ngeng hi uh ci a, na sualnak uh pen kikleh nuam ma uh ci.

JEREMIAH 5:3 Iomraidhean Croise

PIANPATNAK 19:34

A zingten a nau nu i lakah, “Zan takin, ka pa tuah phialdun ung. Tuni tak vang sabittui pia leleu nung inna, nangmah tuah zaukawm un hi. A pa nih uhin, a pa uh i ca cawi tuk ung,” ti hi.

1 KUMPI 13:33

Kumpi Jeroboam cu thil sual a bawlnak lampi pen kikleh cuang ngawlin masa bang lengin biaklandawh a tiannak munah nadektu tukin mi thawthong sung pen thiampi teng leleng hi. Akua hei hihen thiampi a dek nuamte cu sathau thih lualuam hi.

2 KUMPI 1:13

Kumpipa in, adang ngalbawi pa khat le ngalkap sawm nga hah leleu hi. Ngalbawipa cu Elijah lakah hawhin, Elijah mai ah khukdinin, “Pathian i mihing pa aw, keimah le ka mihing tei humah hehpih zazal inna, ka nunnak hi khawih zalin hi.

2 KHANGSIALNAK 16:9

Topa in amah muannak lungmu a neitu tei lakah tha ngilnak pia tukin lei buppi hi zo leleng hi. Silhahzet bangin na nadek zo toh a hih hangin, tu pepan ngaldo in, ngal nei leleng tuk ci,” ti hi.

2 KHANGSIALNAK 28:22

Ahaz i sualnak cu nase ngangai hi! A ngam sungah haksatnak a hen dedeuh ten Topa i mai ah sual dedeuh hi.

SAAM LABU 51:6

Thutak le lungmu tak cu na deihmi hi, Ka lungmu cu na cihnak tuah dimtikin hi.

SAAM LABU 51:8

Thin nopnak le lungdamnak awnkam theitik zalin; na siatsuah sa mi ka taksa cu thin nop le lungmuangno in umleh tuk hi.

SAAM LABU 55:20

Masa laih a, ka ngualcam awng ten a ngualcamte do hi. A thutepsate siatsuah khawng hi;

THUPAUCAP 21:29

Midik cu amah le mah muangdun hi, Mahnaven mipha ngawlin tihem cop haw hi.

THUPAUCAP 22:12

Topa in zolthu a son theite cu hawlvawkin, Thudik a sontute cu himno in cingkhawi hi.

THUPAUCAP 23:35

“Sawhnek haw naven liam mang.” “Vaat haw naven imah thei mang. Ituk ten tho in, a dang intuk zei hih tung,” tin tituk ci.

THUPAUCAP 27:22

Misilte thi awndiakin, na vat hei in, a silnak cu vatvawk thei cuang tukma hi.

ISAIAH 26:11

Bawlsia tuk ci tih na ngal ten thei haw ma. Maw Topa zakca in bawl inna, thuak haw tahen. Na ngaihsutsa mi thuaknak cu thei haw tahen. Na mite itihzah tianin it cim tih lakin hi.

ISAIAH 42:25

Mah hangin a thinuknak thuaktikin, ngaldo haksatnak tawktik hi. A thinuknak cu mei bangin Israel ngam buppi kang; mahnaven i cang hum tih hei thei awng ma hung. Hi hempoh lak pen a cun ngah uhmi imah um cuang ma hi.

ISAIAH 48:4

Na lungmu cu thik le daal bangin khohzet tuk tihvang thei ham zo ing.

ISAIAH 9:13

Israel mite a sual haw sikkik haw ma laih. Cungnungbel Topa in, dantat naven amah zuan nuam cuang haw ma.

JEREMIAH 15:7

Ngam sung khua hempoh a, cangphol ko bangin huih lakah vawk ing. Na cate uh tianin that ing. Thil sual na bawl uh tawp nuam cuang ma uh ci.

JEREMIAH 17:23

A pupa haw ten ka thu ngai ngawlin kinmawh haw ma hi. A lungmu haw khohin, ka thuzui ngawlin cung nuam haw ma hi.

JEREMIAH 19:15

Cungnungbel Topa, Israel i Pathian in amu lakah, “Hengtik tung ka tihmi bawlsiatnak hempoh cu hi khuapi le a elkim a, khua tei humah hengtik tung; itahim titale thuhilh sang ngawl mi lunglian a hih haw hangin ka hilhmi a ngai nuam haw ngawl hangin,” ti hi.

JEREMIAH 2:30

Bawlsia naveng imah nemcuam ma ci. Nun hilh pha hei hi ma ci. A hang zetmi kiosa bangin nangmu ngalnam lala in, na profet uhte that uh ci.

JEREMIAH 3:3

Mah hangin nguahzu thei ngawlin phalbi nguahte tian a zuk ngawlnak hi. Na piandan hihimin numei pha ngawl bang zo toh ci a, zahcak tih hei nei lehma toh ci.

JEREMIAH 32:19

Nang cu thu ngaisung thiamtu, thasiahhuai nalamdang bawltu ci. Mihing tei bawlmi hempoh mu khawng ci a, a nadehman haw laksawng pia ci.

JEREMIAH 44:10

Mahtibang hi nave uhcin, tuni tian lungmu nemnak nei ma laih uh ci. Keimah upatnak le kihcaknak imah nei ma uh ci, nangmuh le na pu le pa tei lak a, ka piakmi daan bangin nung nuam sih ma uh ci.

JEREMIAH 7:26

Pa khatno hei in, a thu ngai ngawlin le imah simsial nuam ma uh ci. Na pu le pa uhte sangin lungmu khoh le dodaltu hi saw lamsang uh ci.

JEREMIAH 7:28

Topa a Pathian haw i thu ngai ngawltu miphun a hih haw khi hilhin hi. Hilhhawl dantatnak hei amu ca phukthong poh hi. Muantak hihnak cu amu lakah nungleh ma toh; a son hei son kha haw ma toh,” ti hi.

JEREMIAH 8:5

Mahti bang ahi tale, maw ka mihingte, itakaw ka lak pen na tai ceng uhten kikleh ma si uh ci. Na milim bebek uh thihcihin, ka lakah na kihleh nuam uh ngawl.

EZEKIEL 2:4

Mi lunglian a hih haw hangin keimah upat tuk vang thiam haw ma; mah hangin Cungnungbel Topa keimah in, a lak hawah ka ot nuammi hilh tukin hah tung.

EZEKIEL 24:13

Jerusalem, na nungcang phatngawlnakin nawngkaitik hi. Thiangthotik tuk tum naveng nawngkai leleng ci. Ka thinuknak nasezet na thuak laklawh thiangtholeh tukma toh ci.

DANIEL 9:13

Moses Daan sung a ummi bawlsiatnak hempoh cu ka hum uhah hengtik khawng ci. Mahtibang hi leng napi in, Topa aw, ka Pathian, ka sualnak uh sikkikin le thudik zui in, na lungdamtik tuk tum ma laih ung.

THIAMPI NADEHNAK 26:23

Hitih bang bawlsiatnak na thuak nung uhten ka thuzui ngawlin, na langpang leleng uh tale,

AMOS 4:10

Izipt ngamah ka hentik bangin na hum uhah pulhnat hengtik ing. Ngaldonak mun pen na khangno uhte thitikin, na cipuh ngilzet uhte laksak ing. Na naal kua uh pen na ngiahbuk a, mi luang uih ngim sia tuah dimtik ing. Mah hei ten ka nelah kik nuam cuang ma laih uh ci.

AMOS 4:11

Sodom le Gomorrah ka siatsuah bangin nangmu sung pen mi khenkhatte siatsuah ing. Atu a, nungmi nangmuhte hi meipi sung pen a alh lih laih suahtulmi ngolhkang bang uh ci. Mahnaven ka nelah hung nuam cuang ma uh ci.

AMOS 4:6

Na khua hempoh uhah paam tungtiktu cu keimah ing. Mahtibang hei ten ka nelah kikleh ma uh ci.

AMOS 4:8

Dangdum hangin thanem haw a, mi tampi cu khua dangah tuicawi tukin hawh haw hi. Mahnaven intuk tham mu haw ma. Mahtibang hei ten ka nelah kikleh cuang ma uh ci.

AMOS 4:9

Na lo ankung uhte ngautik tukin huihsa theutik ing. Khaaumawng in, na huan uh le na sabit huan uhte, na theipi kung le olif kungte vang ei khawng hi. Mahnaven ka nelah kik nuam cuang ma uh ci.

ZEFANIAH 3:7

Hiti bang ceng ten ka mihing ten upatin, maizah haw tuk a, ka nunzilhnakte pomin, ka thuzilhte phawkngil haw tukma toh tin ngaisung ing. Mahnaven amasa bang lengin, a nungcang haw cu sia leleng tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:2

Hitih bang na pha ngawl a bawltu tei humah Pathian in thu a khen ten thildik bawl hi tih thei hung hi.

HEBRU 12:9

Leihum a pa uhte khi ngaisung un; dantat haw naven oh ten upat hung. Nunnak a ngah theihnak tukin hawvang lam pen a pa uh i thu cu itih zahin kaw a zui sesem tuk uh?