JEREMIAH 5:2 - Ngawm Bible

² Topa umtu bangkekin um cop nave uhcin, na otnak uh bangin zui tumleh sih ma uh ci!

JEREMIAH 5:2 Iomraidhean Croise

ISAIAH 48:1

Maw Israel mite aw, hu ngai hem un! Judah casuante aw, phano in ngai un! Topa i min salin thutiam ci, Israel Pathian bia ing ti ci. Mahnaven na otmi cu na kam bek hei. Na lungmu sungah imah umma hi.

JEREMIAH 4:2

Ka min salin siatcamnak na bawl uh hei in nangmu ca in, a dikmi le a pha mi hi tuk poh hi. Miphun hempoh ten muicu pia tukin ngen haw tuk a, thangphat haw tuk,” ti hi.

JEREMIAH 44:26

Mahnaven keimah, Topa in, Izipt ngam a, um Israel mite na lak uhah, a nase zetmi ka min tuah tiamdunin, thu ka tepmi hi ngai hem un! ‘Ka min salin, a nungmi Cungnungbel Topa i minin, thutiamdun ing hi,’ tin kuamah in ti kha toh pahsuh un.

JEREMIAH 7:9

Nguca in, mithat uh ci, nupa sualnak vang bawl uh ci, zolthuson uh ci, Baal pathian lakah biakpiaknak pia inna, theih awng ngawl uhmi pathian bia uh ci.

JEREMIAH 9:2

Phillawnah ngiahbuk nei ahin awi sing? Ka mihingte zamsanin um tuk naveng! A venghawng haw in muantak um haw ma, Mi suam mangmi ngeh haw hi.

HOSEA 10:4

A kam bek haw poh si; phukthong thutiam dunnak bebek poh si. Thudik cu thudik ngawlah cangtikin, ngu nei hampa bangin khang zuzung tuk poh, tin ti haw hi.

HOSEA 4:15

“Israel mite cu numei pha ngawl bangin keimah taisan zo naven uhcin, nangmuh bangin Judah mi cu sual bok haw pahsuh hen. Gilgal ahimata Bethaven khua pen keimah bia haw pahsuh hen. Mah mun pen a nungmi Topa i minin, thutiam hei bawl haw pahsuh hen.

THIAMPI NADEHNAK 19:12

Na zui tuk ngawlmi thutepnak ka minin bawl pahsun; ka minsiatik ci. Keimah cu Topa na Pathian uh ing.

ZEFANIAH 1:5

Inn humah kaito in ni, hade le aksi a biatute cu siatsuah khawng tung hi. Keimah a biatu le ka min suangin, tiamdunnak bawltu hi haw naven Milkom min tuah tiamdunnak a bawltu cu siatsuah tung hi.

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.

1 TIMOTE 1:10

numei le numei sualnak a bawltute, pano le pano sualnak a bawltute, mihing a ngutute, zolthu sonte, thuman ngawl tei lamah a tangte, ahimata a manmi thupom a kalh zawngin, a nungtu tei ca in bawlmi hi.

2 TIMOTE 3:5

Biaknak lamah, a pualam bekin pom haw tuk hi. Mahnaven a sunglamah a huham ngangai cu pom nuam haw tukma hi.

TITUS 1:16

Amuh ten Pathian theitu ung hi tiduncop haw hi. Mahnaven a deh le a bawlnak haw in zuileh ma hi. Mitkem hahzet le thu ngai ngawlmi haw hangin iti bang thilpha bawltu tuk hei in tak haw ma hi.