JEREMIAH 4:9 - Ngawm Bible

⁹ Topa in, “Mah ni ten kumpi le a khutnuai bawi tei ngalphatnak cu bo tuk hi. Thiampite cu thinkhamin, profet vang cu amthongin um haw tuk,” ti hi.

JEREMIAH 4:9 Iomraidhean Croise

2 KUMPI 25:4

Khuapi kulhtian cu keuletin Babilon ngalkap ten cing tiptep haw naven zanlamin Zedekiah le a ngalkapte cu tul khawng haw hi. Kumpi huan a lampi zui in, pang tian pa nih laklawh kailawn pen tulin Jordan munlawn lamah tai haw hi.

SAAM LABU 102:4

Kei cu vatvawk haw in hampa bangin thim ing; An hei ei nap lehma toh ing.

ISAIAH 19:16

Izipt mite cu numei bangin a ngal nawm hun heng tuk hi. Cungnungbel Topa in, amuh bawlsia tukin khut a dan toh amuh haw ten a lau in, can tawtok haw tuk hi.

ISAIAH 19:3

Izipt tei tuptah susia khawng tung a, a lungmu haw siatsuah tung. A milim tei lakah bopnak ngen haw tuk, pol tei lakah lengin, aisantik haw tuk a, mithi hawvangte thu vaisiam pih haw tuk hi.

ISAIAH 28:19

Hi thil poimawh cu a hih tum khat bek hi tuk poh, na tih bek uhten a dang heng thuah lehleu tuk hi. Zing khat nung zing khatin heng pepelin, a sun a zan thuak tuk uh ci. Pathian i thu a thakin, a hengmi cu mulling hah ngeh tuk hi.

JEREMIAH 2:26

Topa in, nguca a mat haw ten a zahcak bangin Israel cu zakca tuk uh ci: na kumpi uh, na hotu bawite, na thiampite le na profet uh tianin, zahcaknak ngengpi thuak tuk uh ci.

JEREMIAH 25:34

Noh, ka mihing puitute le ka tuucingtute kap unna, nase zetin tau un hi. Mithi ngai in, kap unna, leivul lakah pel li un. Na thihnak tuk uh hun heng zo toh, tuu bangin ngawh hi tuk uh ci.

JEREMIAH 37:19

Babilon kumpipa in nangmah le hi ngam cu do tukma hi, tin, a hilhtu na profet cu ilai ah kaw a um khawng haw?

JEREMIAH 48:41

Khuano hei hihen, khua kulhtiante hei hihen, la khawng tuk hi. Mah ni ten Moab ngalkapte cu numei nauhing kuan bangin thinsu linglawngin um haw tuk hi.

JEREMIAH 5:31

Profet hei in zolthu ngeh hilh haw, profet tei thupiaknak bangin thiampi ten mi ukin, ka mite kuamah in el haw ma hi. A tawpnak ten itin um haw tuk nen tim?” tin ti hi.

JEREMIAH 52:7

khua kulhtian pheletin, Babilon ngalkap ten Jerusalem khuapi cu kil tiptep khawng haw hi. Kumpipa i huan sung pen hawhin, kulhtian pa nih a pehduntu kongkhah lampi tawnin, hawh haw a, Jordan Munlawn lamah tai haw hi.

NUNGZUITU 13:41

“Zo un hi! Noh mi nuihcip mangte; mangbangin na thita un! Itahim titale tuni a ka bawlmi hi, miten nangmu lakah a sonciang haw hei in, na san tuk ngawl uhmi thil hi, tin hilh haw,” ti hi.