JEREMIAH 4:4 - Ngawm Bible

⁴ Maw Judah mi le Jerusalem mite, na Topa uh keimah tuah a bawl uhmi thutiamnak cu kimtik unna, keima ca thiangtho zetin ap un hi. Mahti bangin na bawl uh ma tale na thil bawl sual uhmi i hangin ka thinuknak cu mei bang alh tuk a, a cuhmit theitu kuamah um haw tukma,” ti hi.

JEREMIAH 4:4 Iomraidhean Croise

2 KHANGSIALNAK 34:25

Kei cu lawlin, pathian dang lakah biakpiaknak bawl haw hi, hi bangin a bawlmi hangin a hum hawah ka thinuk ing. Jerusalem hum a, ka thinuknak cu dai thei tukma hi.

ISAIAH 10:17

Pathian amah, Israel tei vaknak cu mei alhin suak tuk hi. Israel Pathian thiangtho cu mei alhin suak tuk a, ni khat sungin ling le so tian kang khawng belh tuk hi.

ISAIAH 30:33

Meipi alhzet sung pen Assiria kumpi halnak tuk tin, ni dang lai pen mun pa khat cu ngaihsutsa in um zo toh hi. Mah mun cu thuk zetin, zalzet hi; thingte vang sangzet seh ham zo haw! Kaat mei tuah a bangvemi Topa i haihawhin haal tuk hi.

ISAIAH 51:17

Jerusalem aw, khanglo tohin! Khang inna tho in hi! Topa in, a thinukin, a intikmi bawlsiatnak khuat cu in zo toh ci. A nin nawn tian in ci a, lumpektik zo toh hi.

JEREMIAH 15:14

Na theih awng ngawl uhmi ngam, a ngal tei ngamah nadeh sak tukin bawl tung hi. Ka thinuknak cu mei bangin a kumkhua in alh leleng tuk,” ti hi.

JEREMIAH 21:5

Nangmah cu ka ngilnak hempoh, ka thinuknak le ka thin pulhangnak hempoh tuah do tung hi.

JEREMIAH 23:19

A thinuknak cu huihsia le huihpi bangin mipha ngawl tei lu humah theu huhum tuk hi.

JEREMIAH 36:7

Topa i lakah thungenin, a nundan pha ngawlte zamsan khawng haw na maw ti hi. Itahim titale hi mihing tei humah Topa in, a lauhuaimi a thinuknak leihsuk tum tin ti ing.”

JEREMIAH 44:22

Tuni tianin, na ngam uh cu calubuak bangin mihing kuamah um haw ma. Mullinghahin, na thil sual bawl uhmi le thilpha ngawl na bawlmi uhte cu Topa in, a sup theih ngawl toh hangin na ngam min uh cu miten tamsiatnakin mang haw hi.

JEREMIAH 9:25

Topa in, “Ka dantatnak tuk hun a hen ten; Izipt mi, Judah mi, Edom mi, Ammon mi, Moab mi le sam comno in, a mettu phillawn ngam a umte siatsuahnak hun heng tuk hi. Hite hi vunceptan haw naven vunceptan nungcang bangin ka thukham cu zui haw ma. Himi ten hihen, Israel miten hihen, kuamah in ka thukham zui haw ma hi,” tin ti hi.

KAH LA 4:11

Topa in, a thinuknak cu meiling bangin leih hi. Zion ah mei alhtikin, a bulphuhnak tian ziamvo in kang hi.

EZEKIEL 16:38

Pano dang tuah angkawm sualnak a bawltu le mithattu numei cu a bawlsiat haw bangin midang tei thisan man cu na lakah sotleh tung hi. Ka thinuknak le ka thinsonak hangin nangmah dantat tung a, thi tuk ci.

EZEKIEL 18:31

Thilpha ngawl na bawl leleng uhte hi zamsan toh unna, lungmu thak le ngaihsutnak thak nei toh un hi. Israel mite, itakaw thih cu na nuam uh?

EZEKIEL 20:33

“A nungmi Pathian Cungnungbel Topa Keimah in, ngallinnak pia ing: Ka thinuk thahin, ka baantha ngilnak le ka huham hempoh tuah uk tung hi.

EZEKIEL 21:17

Kei vang ka baibeng tung a, ka thinuknak cu pai tuk hi. Keimah, Topa in hilh zo toh ing,” ti hi.

EZEKIEL 24:13

Jerusalem, na nungcang phatngawlnakin nawngkaitik hi. Thiangthotik tuk tum naveng nawngkai leleng ci. Ka thinuknak nasezet na thuak laklawh thiangtholeh tukma toh ci.

EZEKIEL 24:8

Mahlai ah thisan cu zam ing, kuamah sel theih tuk ngawlin le thinuknak tuah phuba lak theihnak tukin,” ti hi.

EZEKIEL 44:7

Ka lak a, biakpiaknak cik i thi le a thaute piak a hih laihin, vunceptan ngawl ngamdangmi, ka thu a ngai nuam ngawlte cu Israel miten Biakinn sungah a tumtik haw hangin ka Biakinn nawngkaitik zo haw hi. Ka mihing ten ningdelhhuai nate bawlin ka thutiam siatsuah zo haw hi.

EZEKIEL 6:12

Lam khawla umte cu natnakin thi haw; lam nai umte cu ngalkhutin thi haw tuk; a tang calamte cu an ngawlin thi haw tuk hi. Ka thinuknak cu nasezet thuak haw tuk hi.

EZEKIEL 8:18

Ka thinuknak nase zetin thuak haw tuk hi. Kuamah khawih tuk mang, hehpih tuk mang. Ka lakah a aw neih tawp haw tuah thungenin, au haw tuk naven theihsak tuk mang,” ti hi.

THIAMPI NADEHNAK 26:28

Ka thinukin, nase zetin bawl tung a, na hum uh a, bawlsiatnak cu a let salihin thuak bettik tung hi.

THIAMPI NADEHNAK 26:41

Mahti bangin a pu le pa tei sualnak hangin amuh cu lawlin, a ngal tei ngamah ngalin, suaktik ing. A dawlbelin, a pu le pa tei sualnak hangin bawlsiatnak a thuak nungten a thin haw a nemlehin,

AMOS 5:6

Topa i nelah hawh unna, nung tuk uh ci. Na hawh ma uh tale Israel, na hum uhah mei alh bangin, Topa cu heng tuk hi. Bethel mite cu mei in kang tuk a; kuamah in cuhmit thei haw tukma hi.

ZEFANIAH 2:2

Topa i thinuknak cu mei alh bangin na hum uhah a hen laih ngawlin le a thin pulhang ni a hen laih ngawlin thu ngaisung thiammi hi toh un.

ROM Khua Khristian Tei Lakah Paul i Laikuat (Paul’s Letter to the Romans) 2:25

Daan na zui uh tale vuncep na tan uh hi a man nei hi; mahnaven Daan na palcat uh tale vunceptan awng ngawlte tuah bangten uh ci.

DAAN PIAKLEHNAK 10:16

Mah hangin tuni pepan na lungmu uh thek unna, Topa i thu ngaitu hi toh un, lungmu ngoltolmi hi toh pahsuh un.

DAAN PIAKLEHNAK 30:6

Na lungmu uh venghawng le na nunnak uh venghawng tuah na ih theihnak tuk uhin le na nun theihnak tuk uhin Topa na Pathian uhin, nangmuh le na ca tei lakah ama thungai nuamnak lungmu pia tuk hi.

DAAN PIAKLEHNAK 32:22

Ka thinuknak cu mei bangin alhtik tung a, leihum le leinuai a, ummi hempoh kang khawng tuk hi. Lei le ankung kang tuk, mual tei a bulpatnak haw cu kang khawng tuk hi.

KOLOSE 2:11

Khrih tuah na pehzomdun uhnak hangin vunceptalhmi hi uh ci; mah vunceptalhnak cu mihing tei bawlmi kha ma hi. Khrih i hangin bawlmi hi a, sual nuamnak le tisa nopnak sung pen luat khi hi.