JEREMIAH 4:1 - Ngawm Bible

¹ Topa in, “Maw Israel mite, kikleh na nuam uh tale ka lakah kikleh un. Ka ningdelhzetmi, milim biaknakte vawkin ka mai ah muantakin, na um uhten.

JEREMIAH 4:1 Iomraidhean Croise

PIANPATNAK 35:2

Jakob in, a innkuapih le a lak a, ummi hempoh lakah, “Ngamdang pathian zuk na neihmi hempoh cu vawk khawng toh un, thiangthono in um unna, puan thiangtho silh un.

2 KUMPI 23:13

Olif Mual pen hanglam, Jerusalem i nisuahnak a, kumpi Solomon i ningdelhhuai pathiante, Sidon pathiannu Astarte, Moab tei pathian Khemosh le Ammon tei pathian Molek ca tukin a dawh haw mi biaklandawhte cu siatsuah khawng hi.

2 KUMPI 23:24

Thiampi Sang Hilkiah in, Topa i Biakinn sung a, muhmi laibu sung a, ummi daante cu zui suak tatak tukin Jerusalem khua le Judah ngamsung a, um mipolte le khutlam zothiamte cu kumpi Josiah in, hawlvawk khawng hi; innkua milimte, pathian zukte le a pathian biaknak na hempoh siatsuah khawng hi.

2 KHANGSIALNAK 15:8

Asa in, Oded capa profet Azariah i thuphuanmi cu a zak ten a thathozet hi. Judah, Benjamin ngam le Efraim mualhum ngam a lak haw mi khuapi hempoh sungah a ummi milimte cu vawksak khawng haw hi. Biakinn tual a, um Topa i biaklandawhte vang lemleh hi.

2 KHANGSIALNAK 33:8

Israel miten ka thukham le ka thupiakmi hempoh zui in, ka sila Moses in, a lakah a piakmi Daante kimno in, a zui haw tale, a pu le pa tei lakah ka piakmi hi ngam pen kuamah in hawlvawk haw tukma hi,” tin, a hilhsa mi Biakinn sung loli ah milim koih hi.

2 KHANGSIALNAK 34:33

Kumpi Josiah in Israel ngamsung a, ummi ningdelhhuai milimte cu siatsuah khawng hi. A nunsungin mipi ten a pu le pa tei Topa Pathian a zui haw cu zamsan haw ma toh hi.

ISAIAH 31:6

Pathian in, “Israel mite aw, ka mai ah sualin kei nunghek zo uh ci! Mahnaven ka lakah kikleh un.

JEREMIAH 15:19

Topa in, “Na kikleh tale laleh tung a, ka nadektu hileh tuk ci. Zolthuson ngawlin thudik le thuman bek na son tale ka profet hileh tuk ci. Mipi lakah na hawh kul tukma, amuhte saw na lakah hung haw tuk hi.

JEREMIAH 15:4

Jerusalem ah Hezekiah capa Manasseh in Judah kumpi a deh lai in, thil sual a bawl hangin, hitih bangin bawl tung a, mahmi cu mi hempoh ten amuh haw ten lau le lung-amin um haw tuk tin,” ti hi.

JEREMIAH 18:11

Atu-in, Judah mi le Jerusalem mite cu hilhin; amu ca in, a pha ngawlmi bawl tukin, tuptahnak nei ing a, amuh bawlsia tukin tuangtim li laihtak ing. A nunnak suaksual haw khi tawp haw henna, a nungcang haw le a thil bawl haw mite cu khel haw hen.

JEREMIAH 24:9

A hum hawah dantatnak nasezet hengtik tung a, leihum minam hempoh ten lauthawng khawng haw tuk hi. Miten cekpan le nuihsuak bawlnakin mang haw tuk hi. Nautatin, a min haw cu ka thehkehnak mun tihkimah a sia lam tehkipnakin mang haw tuk hi.

JEREMIAH 25:5

Topa in, na pu le pa uhte le nangmu lakah hi ngam hi kumkhua in nangmu ngam tukin pia hi. Hi ngamah na um leleng theihnak tukin, na nundan pha ngawlte le thil sual na bawl uhte zam tukin profet ten hilh haw hi.

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

JEREMIAH 3:12

Mah hangin Israel i lakah hawh inna, “Muantak ngawl Israel ka lakah kiklehin hi. Hehpihnak neitu hi ing a, thinuk tuk mang hi. Kumkhua ngai in, na humah thinuk tuk mang hi.

JEREMIAH 3:14

“Muantak ngawlte aw, kikleh un, keima ta hi uh ci. Khua pa khat pen mi pa khat ten le nam khat pen mi pa nih ten la tung a, Zion mualah kihpihleh tung hi.

JEREMIAH 3:22

Topa a nunghektu mi hempoh kikleh un hi; amah in damtik tuk a, muantakmi in bawl tuk hi. Noh ten, “Mahzuh hi, Topa i lakah kikleh ngai nung, itakaw titale amah cu eimuh tei Pathian hi.

JEREMIAH 35:15

Ka sal profet pa khat nung pa khat nangmu lakah hah leleng ing. Aman mi bawlin, thil sual bawlnak nundan zam tukin hilh li haw hi. Na pu le pate le nangmu lak a ka piakmi, hi ngamah na um leleng theihnak tukin, pathian dang tei nadek li tuk ngawlin le bia tuk ngawlin hilh li haw hi, ngallinnak vang pia haw hi. Mahnaven ka thuhilhmi cu ngai ngawlin, imah simsial ma uh ci.

JEREMIAH 36:3

Judah tei humah siatsuahnak ka hentik nuammi hi thei in, a nundan haw ngen khelleh thei haw bang a hin, a sualnak le a phat ngawlnak haw cu ngaidam tuk na veng,” ti hi.

JEREMIAH 4:4

Maw Judah mi le Jerusalem mite, na Topa uh keimah tuah a bawl uhmi thutiamnak cu kimtik unna, keima ca thiangtho zetin ap un hi. Mahti bangin na bawl uh ma tale na thil bawl sual uhmi i hangin ka thinuknak cu mei bang alh tuk a, a cuhmit theitu kuamah um haw tukma,” ti hi.

JEREMIAH 7:5

“Na nungcang uh cu khel unna, na thil tihdan uh vang khel khawng un. Pa khat le pa khat dikcangnakno in phialdun un hi.

JEREMIAH 7:7

Na nungcang uh na khel uh tale, na pu le pa tei lakah kumkhua ca in ka piaksa mi, hi ngam sungah ngeipi umtik tung.

EZEKIEL 11:18

A kihleh haw ten thil ningdelhhuai le a nawngkaimi milimte vawk khawng haw tuk hi.

EZEKIEL 18:13

Sum khang tha ngaih in, mite putik hi. Mahpa cu nung ni maw? Nung tukma hi. Hiti bang ningdelhhuai nate a bawl hangin thi tuk hi. A thih cu ama khelhnak hang hi tuk hi.

EZEKIEL 43:9

Atu-in, pathian dang biak cu tawpsanin, a kumpi tei luangte cu a vawk hih haw kul tuk hi. Mahti bangin a bawl haw tale, a lak hawah kumkhua in um tung tin,” ti hi.

HOSEA 14:1

Israel mite aw, Topa na Pathian nelah kikleh un. Na sualnak uh hang bahin, lum zo uh ci.

HOSEA 2:2

Ka cate aw, na nu uh thusonpih un, amah cu ka zi kha ngawltohin, kei vang a pasal ka hih ngawl toh hangin pano dang tuah a sualnak le numei pha ngawl a hihnak pen tawp tukin hilh un.

HOSEA 7:16

Huham cahnak a nei ngawlmi pathian dang tei nelah pialsan lelem haw hi. Amuh cu a kawi mi thal bangin muantak haw ma hi. A lupi haw cu pualthau zetin, a ot haw hangin sak thihin thi haw tuk a, Izipt ten nuihsan haw tuk tin,” ti hi.

JOEL 2:12

Topa in, “Atu hei in,” na lungmu uh venghawng tuah “Ancang le hitui luang tianin kikleh un; ka lakah thasia zetin kikleh un hi.

ZEKHARIAH 1:4

Na pu le pate bangin um pahsuh un. Ni dang laihin, profet ten sualnak bawl tuk ngawlin le thilpha ngawl bawl tuk ngawlin hilh haw hi. Mahnaven ka thu ngai nuam ngawlin a zui hei zui nuam haw ma hi.

DAAN PIAKLEHNAK 27:15

“Topa in, milim bia cu huazet hi tih thei na pi in, suang tuah ahimata thik tuah milim bawlin, a bia kuhtu cu Pathian i tamsiatnak thuak hen,” a tih ten, mipi in, ‘Amen,’ ti haw tuk hi.

DAAN PIAKLEHNAK 4:30

Mahnaven lungkhamnak na tawh uhten le hi na hempoh na hum uhah a hen ten a dawlbel bek ten Topa i lakah hekkikin, a thu ngai tuk uh ci.

JOSHUA 24:14

“Atu-in, Topa cu upat maizahnak tuah bia unna, a na cu muantakzet le lungthiang zetin dek un. Na pu le pa uhten Mesopotamia ngam le Izipt ngam pen a biak haw mi pathian dangte cu zamsan toh unna, Topa na bek dek un.

THUKHENTUTE 10:16

Mah hangin ngamdang pathian a biaknak haw cu vawk khawngin, Topa cu bia haw hi. Israel tei haksat thuaknak amuh ten Topa cu a lungnop thei ma toh hi.

1 SAMUEL 7:3

Samuel in, “Na lungmu tatak tuah uhin, Topa na zuan nuam uh tale ngamdang pathian le Astrate zukte cu vawk khawng un hi. Na nunnak uh a venghawngin Topa i lakah pia khawng unna, amah bek bia un. Filistin tei khut sung pen Topa in luattik tuk,” ti hi.