JEREMIAH 3:8 - Ngawm Bible

⁸ Ka lakah a kihleh ngawl hangin le numei pha ngawlin, a um hangin Israel cu ma ing a, ka hawlvawknak hei Judah in mu khawng leng hi. Mahnaven muantak ngawl ahi bokmi Israel i unau pihnu Judah in launak neuno hei nei sap ngawlin amah vang numei pha ngawl cang bokin,

JEREMIAH 3:8 Iomraidhean Croise

2 KHANGSIALNAK 21:11

Judah mualhum ngamah dawi biaknak tian sa in, Judah le Jerusalem mite cu Topa i mai ah misualin suaktik hi.

ISAIAH 50:1

Topa in, “Mi pa khatin, a zi a maak bangin ka mite hi maak bok tukin maw na ngaih sut uh? Mahti bang ahi tale ka maaknak lai ilai ah kaw? Mi pa khatin, a canote salah a zuak bangin, ngal matnakah zuakin maw na ngaihsut uh? Mah kha ma hi. Nangmu sualnak hangin ngalmatmi hi uh ci! Thil sual na bawl uh hangin hawlvawkmi hi uh ci.

JEREMIAH 2:19

Nangma sualnak bawlmi lala in nangmah bawlsia tuk a, lam na pialnakin nangmah mawhsiat tuk hi. Keimah, Topa na Pathian nunghek ci a, ka humah kihcaknak na neih ngawl toh hangin na ca in, thilpha ngawl a hihlam thei tawto tuk ci. Ihempoh tithei, Topa, Cungnungbelin hilhham zo ing,” ti hi.

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

JEREMIAH 33:24

“Miten ka tensa mi innkua pa nih Israel le Judah hi lawl zo toh hi tin, a son lih haw cu za zo toh a ci maw? ka mihing Israel le Judah mite cu nautatin, miphun tih hei in sialleh haw ma toh.

JEREMIAH 5:7

Topa in, “Itin kaw ka mihing tei sualnak cu ka ngaihthiam tuk? Ka lak pen tai in, pathian ngangai ahi ngawlmi khawhuaite bia haw hi. A kul haw hempoh pia in, cawm ing. Mahnaven nupa sualnakte bawlin a hun haw cu numei pha ngawl tei lakah pia haw hi.

EZEKIEL 16:46

Na unu upabel cu a canute tuah saklam a um Samaria hi. Na naunu cu a canute tuah hanglamah a um Sodom mi hi.

EZEKIEL 16:47

Amu thu cungin ningdelhhuai a bawl haw bang bawl bokin a um haw hi na lungkimpih leng poh cim? Kim leng ma ci; ihempoh na bawlmi ah, a ngei ngawlin amuh sangin luai saw tuk ci.

EZEKIEL 16:51

“Sualnak na bawlmi a lang hei Samaria in bawl ma hi. A bawl awngmi sangin ningdelhhuai saw bawl ci. Na nawngkai daan hi na unau numei tei nawngkainak tuah tehkip ten amuh cu mi thiangtho tihtak haw hi.

EZEKIEL 23:44

Hi numei pha ngawl pa nih tei lakah tu le tu hawh liphet haw hi. Nuncan sesuak, Oholah le Oholibah tei lakah kik lelem haw hi.

EZEKIEL 23:9

Mah hangin a ngaih zetmi le amah a hazawltu Assiria tei lakah pia tung hi.

HOSEA 3:4

Mahti bangin Israel mite cu kumpi le hotu nei ngawl, biakpiaknak le suang khuam thiang nei ngawlin, zuk le milim nei ngawlin ngeipi um haw tuk hi.

DAAN PIAKLEHNAK 24:1

“Mi pa kha khatin zi huai in, a hun ngei deuh nungten, a zi tuah lemcang ngawlnak a um hangin zi tukin deih ma toh hi. Maaknak lai nganin, a piak ceng ten a inn pen hawlvawk hi.

DAAN PIAKLEHNAK 24:3

Hi a pasal vangin deih lehleu ngawlin maaknak lai nganin, a piak nungten, a inn pen hawlvawk lehleu bok hi. Tehkipnakin, a nungdawl saw, a pasal cu a thi ahin,