JEREMIAH 3:6 - Ngawm Bible

⁶ Josiah i kumpi a deh laihin, Topa in ka lakah, “Numei pha ngawl bang a himi Israel i thil bawlmi hi mu cim? Ka lak pen tai in, mualsang hempoh le thingcam nuai hempoh ah numei pha ngawlin um hi.

JEREMIAH 3:6 Iomraidhean Croise

1 KUMPI 14:23

Pathian biaknak mun tampi bawl haw; a biak haw tukin mualhum le thingpi nuai ah zehsah suang phutin, zehsah thing vang phut haw hi.

2 KHANGSIALNAK 34:1

Josiah cu Judah kumpi a deh ten kum liat hi, Jerusalem pen kum sawm thum le khum khat sung uk hi.

SAAM LABU 106:39

Mahti bangin a bawl haw hangin, Amuhte cu mi nawngkai hi haw in, Pathian mai ah mi suaksual na hi haw hi.

ISAIAH 57:3

Misualte, na thu uh khen tukin hilai ah hung un hi. Mipolte, pasal ang sung pen lungmu dang nei le numei pha ngawlte sangin pha saw cuang ma uh ci.

ISAIAH 57:7

Mual sang humah biakpiaknak pia tukin hawh uh ci a, nupa sualnak bawl tumsial uh ci.

JEREMIAH 1:2

Amon capa Josiahin Judah ngam kumpi a dehnak kum sawm le kum thumnakin, Topa in Jeremiah otpih hi.

JEREMIAH 11:10

Ka thu a eltu a pu le pa tei sualnakah kiklehin, pathian dangte bia haw hi. A pu le pate tuah ka bawlmi ka thutiamnak cu Israel le Judah ten nawklet khawng zo haw hi.

JEREMIAH 17:2

Na mipi uhten khawhuainu Asherah ca in, a bawl haw mi hampa lak a, muallek hum le mualniam hum a, thinglim nuai hempoh a, biaklandawhah le,

JEREMIAH 3:8

Ka lakah a kihleh ngawl hangin le numei pha ngawlin, a um hangin Israel cu ma ing a, ka hawlvawknak hei Judah in mu khawng leng hi. Mahnaven muantak ngawl ahi bokmi Israel i unau pihnu Judah in launak neuno hei nei sap ngawlin amah vang numei pha ngawl cang bokin,

JEREMIAH 31:22

Muantak ngawl mihingte, Ituk tuk tian kaw lungmu aicangin, na um hih tuk uh? Thil a thak le phundangin piangtik zo toh sing. Thil a thak le phundang a hihdan cu, Numei in pano humhim tuk tih bang miau in dangsazet hi.”

JEREMIAH 5:11

Judah mi le Israel miten suam zo haw hi. Keimah, Topa in hilh zo toh ing,” ti hi.

JEREMIAH 7:24

Mahnaven ka thuzui ngawlin imah simsial ma uh ci. A lungmu sesuak le thinkhoh i deihnak bangin ihempoh dekin, phatlam zuan ngawlin sia dedeuh haw hi.

EZEKIEL 16:31

Lampi tihkimah milim biaknak bawlin numei pha ngawl ci. Mahnaven numei pha ngawl dangte bangin sum le pai deihin vak ma ci.

EZEKIEL 16:35

Jerusalem, numei pha ngawl nu! Topa i awn hi ngai hemin!

EZEKIEL 20:28

A lak hawah piak tukin ka tepsami ngamah pui ing. Mahnaven mualsang le thinghing amuh haw sial ten biakpiaknak bawl pepel haw hi. Biakpiaknak a haal haw mi le sabittui a piakmi haw ten ka thinuktik ngangai haw hi.

EZEKIEL 23:11

“Mahmi cu a naunu Oholibah in mu naven poi sa cuang ma hi. A unu Oholah sangin a luai saw lalaihin numei pha ngawl suak hi.

EZEKIEL 23:4

A upa saw cu Oholah hi in, a naunu cu Oholibah hi. A pa nih haw in, ka zi hi haw a, canu le capate hinsak haw hi. Oholah cu Samaria hi, Oholibah cu Jerusalem hi.

HOSEA 11:7

Ka nel pen taitul tuk a tum leleng haw hangin, a hum hawah ngawngkol suan ing; a au li haw hei in, a dawntu tuk kuamah nei haw tukma hi.

HOSEA 4:13

Muallekah biakpiaknak bawlin, mualhum thingkung sang nuai ah namtui haal uh ci. “Na canu uhte cu numei pha ngawlah cangin, na monu uhte vang pasal dang tuah sual haw hi.

THUKHENTUTE 2:17

Mahnaven hi thukhentu tei thu vang ngai leleng haw ma hi. Topa i ca in, numei suaksual bang hi haw a, pathian dang bia haw hi. A pu le pa ten Topa i thupiakmi zui haw naven, hi khangthak mihing ten zui haw ma hi.