JEREMIAH 3:2 - Ngawm Bible

² Muallek hempoh khi zo in! Numei pha ngawlin na um ngawlnak mun pa khat bek um a maw? Phillawnah Arab miten ngal a pan haw bangin, lampi tuanah na ngaihmi ngak kinken bok ci. Numei phangawl na hihnakin, hi ngam cu nawngkaitik khawng zo ci.

JEREMIAH 3:2 Iomraidhean Croise

PIANPATNAK 38:14

Mah hangin a meivong puan cu thekin, maikhuhnak puan pano tuah a mai hupin, Timnah hawhnak lampi el a, Enaim khuasung tumnakah khung hi. Shelah cu tangval li zo naven, a zi tukin huai tum haw ma tih cu Tamar in thei hi.

1 KUMPI 11:3

Solomon in zi za salih nei in, a venghawng haw in kumpi phun ngeh haw hi. Mah hum pen zineu za thum nei bok hi. Mah a zi ten Solomon cu Pathian lak pen lampialtik haw in,

2 KUMPI 23:13

Olif Mual pen hanglam, Jerusalem i nisuahnak a, kumpi Solomon i ningdelhhuai pathiante, Sidon pathiannu Astarte, Moab tei pathian Khemosh le Ammon tei pathian Molek ca tukin a dawh haw mi biaklandawhte cu siatsuah khawng hi.

SAAM LABU 106:38

Sual nei ngawl thisan, Kanaan ngam pathian dang zuk biaknak tukin canu a capa tei thisan luangtik haw in hi. Mah thisan hangin mah ngam cu niintik haw hi.

THUPAUCAP 23:28

Nguca bangin mi pang haw in, mi tampi siatsuahin, mi hawkdakin suaktik haw hi.

THUPAUCAP 7:11

Amah cu mi ngalpha le zahcak nei ngawlnu hi. Inn ngak awng ngawlin vak leleng hi.

JEREMIAH 12:12

Phillawn ngam a, mualsang hum khua hempoh ah, mi suam tuk le lonsak tukin hung haw hi. Ngan buppi khatlam deng pen khatlam deng tian siatsuahtu cu Topa i ngalnam hi. Lemdaihnak tuah kua mah um thei haw ma.

JEREMIAH 2:20

Cungnungbel Topa in, “Israel, ni dang laih pepan ka thu el zo ci. Ka thu zui nuam ngawlin, keimah bia nuam ma ci. Mual sang hempoh le thinglim nuai hempoh ah milim bia in, numei pha ngawl bangin um ci.

JEREMIAH 2:23

Itin kaw mi nawngkai hi awng mang, Baal pathian bia awng mang na tih theih? Hawkluam sung a, na sual zia hi zo hemin! Thil sual na bawldan hi zo hemin! Kep theih ngawlin ama nuamnakah a tai zuzul limi kalauk hun bang thong ci.

JEREMIAH 2:7

Ngamphazet sungah, ngamsung suakmi thilpha le a ngahte ei tukin henpih ing. Mahnaven ka ngam siatsuah lamsangin, ka piakmi ngam nawngkaitik thong haw hi.

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

JEREMIAH 3:13

Topa na Pathian lakah sual zo toh navecin, amah na donakte a ciangno in, phuang vanglakin hi. Ka thukhamte zui ngawlin thingcam nuai hempoh ah ngamdang tei khawhuai biakmi na ngaihnak thu phuang khawngta pohin hi. Keimah, Topa in hilh zo toh ing tin,” ti hi.

JEREMIAH 3:21

Mualhum phul lak pen aw nging pa khat za ing, Israel mite suaksual zetin nung haw, Topa a Pathian haw cu a phawhngilh khawng zo haw hangin a kahnak haw le a ngetnak haw thawm vang hi.

JEREMIAH 3:9

zahcaknak imah nei ma hi. Hi ngam cu nintik khawngin, suang le thingkungte bia in, mai pasal ang sung pen pano dang ngaitu in suakta hi.

JEREMIAH 7:29

Jerusalem mite, mithi ngai in kap un hi. Na sam uh met unna, vawk un. Mithi vuinak la mualhumah sa un. Itahim titale keimah na Topa uh ka thinukin, ka mihingte nunghek zo toh ing.

EZEKIEL 16:16

Na biaknak mun mawitiknak tukin na puan khenkhat cu mangin numei pha ngawlte bangin na tawhmi hempoh tei lakah na taksa pia ci. Hiti bangin hi tukmi kha ma hi.

EZEKIEL 20:28

A lak hawah piak tukin ka tepsami ngamah pui ing. Mahnaven mualsang le thinghing amuh haw sial ten biakpiaknak bawl pepel haw hi. Biakpiaknak a haal haw mi le sabittui a piakmi haw ten ka thinuktik ngangai haw hi.

LUKA 16:23

Mahten Hell sungah cakin, a thuak hakzet hi. Humlam a zohto ten a sangzetnak munah khin Abraham le a el a Lazaras khi muto hi.

DAAN PIAKLEHNAK 12:2

Na luahtum tuk uhmi ngammi tei pathian dang biaknak mun mualsang le mualbo, thingnuaite ah hihen a biaknak mun hempoh cu siatsuah khawng un hi.