JEREMIAH 22:3 - Ngawm Bible

³ keimah Topa in, thupia ing; dikcangnak le thudik tuah bawl un. A zol lih haw mi cu a zoltu i khut pen hup un hi. Ngamdangmi hihen, nu le pa nei ngawl le meivongte hei hihen, bawlsia pahsuh un hi. Hi mun thiangtho ah mawh nei ngawlmi that pahsuh un hi.

JEREMIAH 22:3 Iomraidhean Croise

2 Samuel 23:3

Israel i Pathian in hilh zo hi; Israel huptu in ka lakah, “Diknak le Pathian kihca in, mi a uktu kumpi cu,

JOB Laibu (The Book of Job) 22:9

Meivongte na bop nuam ngawl bek hei hi ngawlin Nu le pa nei ngawl ca-ngah tei nate lonsakin siatsuah ci.

JOB Laibu (The Book of Job) 24:9

Mipha ngawl ten ca-ngah nautate sila in ngul haw; mi ca-ngah tei canote cu leiba ai-in la haw hi.

SAAM LABU 68:5

Pathian i Biakinn thiangtho sungah a umtu in, Nu le pa nei ngawl ca-ngahte ngaihsakin, meivongte hup hi.

SAAM LABU 82:4

Mi ca-ngah le tingsamte hup unna, mi ngil tei khut pepan un.

SAAM LABU 94:21

Midik miphate that tukin a sawmtute le a khelhnak a nei ngawlte thihnak daan a piatu tuah phialdun awng ma uh ci.

SAAM LABU 94:6

Meivong le nu le pa nei ngawl ca-ngahte that haw in, a ngamsung uh a, mikhualte that haw hi.

SUAHTULNAK 22:21

“Ngamdangmi mikhual cu bawlsia pahsuh unna, nuainem pahsuh un hi. Itahim titale nohte vang Izipt ngamah ngamdangmi mikhual hi bok uh ci.

SUAHTULNAK 22:22

Meivong hihen, nu le pa nei ngawl, mi ca-ngah hihen, bawlsia pahsuh un hi.

THUPAUCAP 23:10

Ngamngi bawlsa mite khin pahsun, Nu le pa nei ngawl tei lo vang sut pahsun.

ISAIAH 1:23

Na hotute cu ngalthotu le nguca tei ngualcam ngeh hi hawta hei. Thu a son haw ten nu le pa nei ngawl ca-ngahte pan ngawlin le meivong tei thu vang ngai nuam haw ma.

ISAIAH 58:6

“Kei i deihmi an cannak cu hi bangin hi. Thik taicin bangin na mi bawlsiatnak uh le kolhak bangin mi a delhtu a man ngawlin mi na bawlsiatnak uhte vawk khawng le uh ci, na bawlsiat uhte suakca haw toh hen.

ISAIAH 58:7

Na tui le an uhte cu ngilkial mite tuah kawmin, na inn uh vang inn nei ngawl mi ca-ngah tei ca in, hong un. Puansilh tuk nei ngawlmi tei lakah puan pia unna, na u naupih uhte bop tuk phawk kha ngawlin um pahsuh un hi.

JEREMIAH 19:4

Hitih bang thil cu hengtik tung, itahim titale mipi ten nunghekin, khawhuai tei lakah biakpiaknakte pia in, hi ngam hi nintik zo haw toh hi. Mah khawhuaite cu amuh le a pu le pate hei hihen, Judah kumpi lak pen hihen, a theih awng haw ngawlmi hi. Hi ngam cu mawh nei ngawl tei thisan tuah dimtik hi.

JEREMIAH 22:17

Mahnaven nangin, nangma metnak bek ngaisung ci. Mawh nei ngawlte thatin, na mihingte bawlsiazet ci tin, Topa in hilh zo hi.

JEREMIAH 26:16

Hotute le mipi ten thiampi le profet lakah, “Hi pa cu thah tuk hi kha ma hi; Pathian a Topa uh i minin, eimu lakah awn hi,” tin ti haw hi.

JEREMIAH 5:28

Mah hangin hi; neinungzet le vonvahin umin, a thau pehpuh haw cu! Thil sual a bawlmi bo ni nei haw ma; Nu le pa nei ngawl tei lakah a covo haw pia awng haw ma hi. Mi ca-ngah tei humah a pha in, nung haw ma hi.

JEREMIAH 7:23

Mahnaven thukham pa khat pia ing. Ka thu ngai un, tin thupia ing. Ka thu na ngai uh tale keimah hi na Pathian uh hi tung a, nohte cu ka mihing hi tuk uh ci. Mah i humah ka thupiak bangin nung unna, nangmu ca ihempoh tuangtung tuk tin, cel zetin hilh ing.

JEREMIAH 9:24

Kua hei hihen tuangkhawn a nuam tale, keimah a theihnak le keimah a theihciannakah tuangkhawng saw hen. Itahim titale ka itnak cu tawp tih nei ngawlin, A dikmi le a manmi bawl leleng ing. Hitih bangte hi ka lungdamtiktu haw hi. Keimah, Topa in hilh zo toh ing,” ti hi.

KAH LA 3:36

Thukhennak mun a thuman a dinpih haw ngawl ten amah in thei khawng hi.

EZEKIEL 18:12

Mi ca-ngah zawnsak, mitei na ngu in, sumputu i thutepnak nate vang pialeh ma hi. Lawki mitei biakpiaknakah hawhin, ningdelhhuai milimte bia hi.

EZEKIEL 18:7

Kuamah hei zol ngawlin, mitei na hei ngu ma. Sum cawitu i thutepnak nate vang phano in pia kikleh hi. Ngilkialte vakin, puansilh nei ngawlte puansilh tuk pia hi.

EZEKIEL 22:7

Khuapi sungmi ten nu le pa upattu um haw ma toh hi. Ngamdang mikhualte zolin, meivong le nu le pa nei ngawl tei hum pen nemcuamnak zei uh ci.

EZEKIEL 45:9

Cungnungbel Topa in, “Maw Israel ngam uk bawite, na sualnak uh hi ngei leita zo! Na mi zotsaknak uh le na mi suamnak uhte hi cawl toh un! A dikmi le a manmi bek bawl toh un. Ka mihingte cu a ngam haw pen hawlvawk toh pahsuh un. Cungnungbel Topa keimah in hilh ing.

JOEL 3:19

Mahnaven Izipt cu phillawn ngamko in cang tuk hi. Edom ngam cu hampa lakin cang tuk hi. Itahim titale Judah ngamah thilpha ngawl dekin misual ngawl tei thisan a luantik haw hang hi.

THIAMPI NADEHNAK 19:15

“Midang tei thu na khen ten pat bul nei ngawlin thuman le lamcam zetin sonin hi; mi ca-ngah pan cuang pahsun; mihau vang lau cuang pahsun.

AMOS 5:15

Thilpha ngawl hua unna, thilpha deih un; thukhennak zung pen thudik dinpih un. Josef miphun sung pen a tang calam mi dawmno humah Topa in hehpihnak nei kha tuk hi.

AMOS 5:24

Thudik cu luitui bangin luang saw henna, dikcangnak cu a kang thei ngawlmi nguntui bangin luang leleng tahen.

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

MIKAH 6:8

Mah kha ma hi, Topa amah in, a phabelmi cu hilh zo hi. A deihmi cu: a dikmi bawl tuk, a kho mi itnak neih tuk le niamkhiat zetin Pathian tuah pawlkom leleng khi na hi.

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.

MATTHAI 23:23

“Daan zilhtu le Farasi mite! Thusia cote uh ci. Noh mi ultungte! Pathian nelah putinan, lemmui le thingte seh sawm seh khat pia uh ci; mahnaven Daan sung a thupi zetmi diknak, hehpihnak le thumannak cu zui ngawlin imah simsial ma uh ci. Seh sawm seh khat cu na piak tuk uh hihim hi. Mahnaven Daan sungah a ummi a dangte vang zulzau pahsuh un hi.

DAAN PIAKLEHNAK 10:18

Nu le pa nei ngawl ca-ngah le meivong tei thu vang komzetno in sonsak hi. Nangmu lak a, um ngamdang mite cu it in, an le puansilhte pia hi.

DAAN PIAKLEHNAK 24:17

“Ngamdangmi le nu le pa nei ngawl ca-ngah tei a covo haw tuk cu komno in ngaihsut sak un hi, thu tepdunnakin meivongnu i puan cu laksak pahsuh un.”

DAAN PIAKLEHNAK 24:7

“Akua hei in, a unau pih Israel mi cu ngu in, salin mang, ahimata salin, a zuak tale amah cu thah tuk hi. Mahti bangin hih daan pha ngawl cu paitik tuk uh ci.”

DAAN PIAKLEHNAK 25:1

“Tehkipnakin, Israel mi pa nih cu thu a neih haw hangin thukhennak mun hengin thusontu ten a thu a khen haw ten pa khat cu mawh ti haw tuk a, a dang pa khat cu mawh ma ti haw tuk hi.

DAAN PIAKLEHNAK 27:19

‘Ngamdangmi, nu le pa nei ngawl ca-ngah le meivong a nuainemtu cu Pathian i tamsiatnak thuak hen! a tih ten, mipi in, ‘Amen,’ ti haw tuk hi.’

JAMES 1:27

Pathian mai pen a thiangthomi biaknak cu, nu le pa nei ngawl ca-ngah le meivong haksate cawm le vaktu, a cingkhawitu le hi leihumpi i siatsuah ngawlte khi hi.